1 Korinit 15:23 - Tataroha Diana

²³ Taꞌe nga iini ni e lae-lae oto i sulie maholo ingeie. A Kraes oto e holaꞌi taꞌelaꞌi mwaanie maenga, na maholo kei ooli loꞌu mei, nge ikie mwala ingeie kie ke si taꞌelaꞌi loꞌu.

1 Korinit 15:23 ပူးပေါင်းရင်းမြစ်များ

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 16:28

Toꞌohuu no ko unue oto huniꞌomu uri ngaeta mo iini hikemiu mwala nge omu uure ngeena, omu kei saronai leesieu, a Kale Ni Iinoni, ne kei lae mai mala aalaha, omu ke si mae.”

Palonga 26:23

Ikire noꞌone kire unue uri a Haꞌa-uuri nge a God e haiholotaꞌinie kei lae mai kei sapesalu hule aana maenga, na aana ingeie oto eetana nga iini kei holaꞌi taꞌelaꞌi eelihoꞌi mwaanie maenga, ingeie oto ke si tarohaꞌinie raa-raa a God hunie mo Jiu na mo Aapoloa Aaopa.”

1 Korinit 15:20

!Taꞌe haꞌike! Walaimolinge oto uri a Kraes e taꞌelaꞌi mwaanie maenga mala nga haiholotaꞌinge uri hungelana mo iini e mae oto kire kei haro taꞌelaꞌi loꞌu noꞌone hunie mauringe huu.

1 Korinit 3:23

Na iꞌomu oto mwala a Kraes, na a Kraes oto iini a God.

1 Korinit 6:14

na mala a God e haꞌa-uurie sapena a Aalaha mwaanie maenga aana nanamanga ingeie, nge kei haꞌa-uurie sapeka noꞌone urine.

2 Korinit 10:7

Ngaeta mei ola omu ko deu aaelasie nge omu ko lio mola hunie mo ola e lio kohi poꞌoi sinaha. Taꞌe mala uri nga mo iini eemiu ko loꞌongaꞌinie uri ikire oto mo hurulaꞌaa a Kraes, nge e diana uri hunie kire ke lio saie uri iꞌemeelu noꞌone mo hurulaꞌaa a Kraes, na taꞌe ikire mola haꞌike.

Kalesia 3:29

Oto mala uri iꞌomu mo iinoni a Kraes, nge omu neꞌie oto mo kalena Ebraham eena, na omu kei haro hele aana maurihe nge a God e haiholotaꞌi huni niie nana Ebraham.

Kalesia 5:24

Taꞌe mo iinoni nge kire toꞌo aana a Jisas Kraes i lalo aada, kire neꞌi aasie oto mo tolaha ni iinoni aaela, aana e urihana kire rapu taalengasie noꞌone ahutana mo tolahai iinoni aaela ikire i lengine poꞌu-poꞌu, na kire horo maesiꞌi oto.

Pilipae 3:11

Nou sare teꞌurine aana nou norutoꞌo aana a God uri ingeie kei taꞌeau noꞌone mwaanie maenga.

1 Tesalonaeka 2:19

Iau, melu tohungei sare hule i seemiu loꞌu, aena aana melu tohungei norutoꞌo aamiu uri aana maholo a Jisas Aalaha ikie kei ooli mei, taꞌe omu sai uure maꞌutaꞌa mola, na melu sai ilenimwaꞌe haahiꞌomu hule aana melu uure aana totomwameelu.

Haataꞌinge 1:5

na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.