1 Korinit 15:16 - Tataroha Diana

¹⁶ Iau, mala uri mo iini e mae oto kire saꞌa heꞌi taꞌelaꞌi loꞌu, nge a God e kaꞌa taꞌea ike noꞌone a Kraes mwaanie maenga.

1 Korinit 15:16 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

1 Korinit 15:15

Na leune e aaela oto liutaa aana e si haataꞌinie oto uri melu ko eerotaꞌinie mola a God, aana melu ko unue uri e taꞌe aalihoꞌi aana a Kraes mwaanie maenga. Aena aana e tohungei aasa hunie a God kei taꞌe aalihoꞌi loꞌu aana a Kraes, mala uri ko toꞌohuu mo iini nge kire mae oto kire saꞌa taꞌelaꞌi loꞌu.

1 Korinit 15:17

Na mala uri a God e kaꞌa taꞌea ike a Kraes mwaanie maenga, nge hiiwalaimolinge iꞌomu aana e saꞌa tarie ike nga mei ola namiu, na omu iiꞌo mola ue i mamalutana oorahaꞌaa.

1 Korinit 15:29

Loꞌongaꞌi keꞌu i sulie mo iini nge kire ko loto maaꞌi oolitana mo iini kire mae oto. Kire hiiwalaimoli takalo uri mo iini kire loto maaꞌi oolitada urine kei lae noꞌone taꞌau i Lengi. Maꞌalana kire hiiwalaimoli takalo urine, taꞌe aana ngaeta tala kire liuꞌomu mola aana kire kaꞌa neꞌisae rue-ruaꞌa ike i sulie taꞌelaꞌinge mwaanie maenga.

1 Korinit 15:4

Na haitolingeꞌinilana e lae, na a God e taꞌe aalihoꞌi loꞌu aana mwaanie maenga aana oolune nga hai dinge, mala uusulana e lae i laona mo Uusu-uusu Maaꞌi.