1 Korinit 14:32 - Tataroha Diana

³² E sai lae mola urine aena aana Liꞌoa nge ko peꞌie mwala huni unu tahangaꞌinie walana God, ko toliꞌaasie noꞌone hunire uri ikire oto kire ke lio i sulie maholo huni unue walana God ngeena.

1 Korinit 14:32 ပူးပေါင်းရင်းမြစ်များ

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

1 Korinit 14:31

Ke lae mola urine hunie ahutana mo iini kire sare houleꞌinie walana God kire sai ere, nga iini ke ere aana nga maholo, hunie omu ke mani rongo saie mo haꞌa-uusulinge na hunie hiiwalaimolinge iꞌomu ke aꞌailaꞌa loꞌu.

1 Korinit 14:33

Aena aana a God e kaꞌa saetoꞌo aana ike uri kie ke talei deu taꞌewau mola aana mo ola aana soihaadaꞌinge, taꞌe e saetoꞌo aana uri kie ke mani iiꞌo hata-hata mola ni henuelama. Oto mala i sulie tolahana ahutana mo soihaadaꞌinge,

2 Tesalonaeka 2:2

Nou sereꞌinie uri omu ke taipuꞌo-puꞌo wa omu ke tolahiꞌe aana omu ko rongoa taꞌena nga wala ko loho hailiu uri hai dinge a Aalaha e hule oto. Mwaanie mwala kire eeroꞌomu urine na kire unue uri Liꞌoa ni e unue, wa uri iꞌemeelu ni melu unue, wa melu uusue i laona nga uusu-uusu iꞌemeelu.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

Haataꞌinge 22:6

Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”