Na Liꞌoa Maaꞌi ko niie nanamanga huni esuie mo huꞌi-huꞌite hunie ngaeta mwala, na hunie ngaeta mo iini ko niie hunire nanamanga huni unu tahangaꞌinie walana God. Na hule aana ngaeta mo iini Liꞌoa ko niie nanamanga hunire huni lio saie mo taungei nanamanga hai aaopaꞌi, na huni saie uri kire uure taane mwaanie a God wa haꞌike. Na hunie ngaeta mwala, Liꞌoa Maaꞌi ko niie nanamanga hunire huni ere aana mo taungei erenga hai aaopaꞌi. Na loꞌu hunie ngaeta mwala ko niie nanamanga hunire huni ere luhesie mo taungei erenga urine.
1 Korinit 14:27 - Tataroha Diana27 Maholo erenga kei lae aana mo erenga hai aaopaꞌi, nga ro iinoni mola wa e oolu ni kire kei esuie. Taꞌe kire saꞌa mani ere ike aana taꞌa-taꞌa maholo. Na nga iini kei haro ere luhesie oto nga taa nge kire ko ere i sulie. အခန်းကိုကြည့်ပါ။ |
1 Korinit 14:27
6 ပူးပေါင်းရင်းမြစ်များ
Maeni eesiku maaꞌi, nga taa nou loꞌongaꞌinie mola uuri. Maholo omu ko ruru mei hunie aarengaꞌinge omu ke mani peꞌi. Nga iini e sai kana, na ngaeta iini e sai haꞌa-uusuli aana nga mo ola, na ngaeta iini e sai ladoa nga taa a God e haataꞌinie aana, na ngaeta iini e sai ere aana mo taungei erenga hai aaopaꞌi, na ngaeta iini e sai ere luhesie loꞌongaꞌinge aana mo erenga ngeena. Ahutana walu ola ngeena ke rau oto urine huni haꞌasusue hiiwalaimolinge ikie.
Saeku uri ahutemiu omu ke mani ere-ere aani erenga hai aaopaꞌi, taꞌe oto liutaa nou saetoꞌo aana uri omu ke toꞌo aana niinge huni unu tahangaꞌinie walana God. Aana iini ko unu tahangaꞌinie walana God ko esuie mei ola e hiꞌe liutaa aana loꞌu iini ko ere mola aani erenga hai aaopaꞌi. Aana iini ko ere aana mo erenga hai aaopaꞌi e sai peꞌie taane ahutana soihaadaꞌinge mala uri nga iini e iiꞌo huni ere luhesie walana, taꞌe mala haꞌike, nge nga kele peꞌinge hunie soihaadaꞌinge na haꞌike loꞌu.
ကြော်ငြာတွေ