1 Korinit 14:20 - Tataroha Diana

²⁰ Maeni eesiku, omu ke suꞌuri deu mala mwela aana loꞌongaꞌinge iꞌomu. Kei lae otoi diana liutaa taane hunie omu ke neꞌi mwela aani esuilana tataꞌalanga, taꞌe aana loꞌongaꞌinge, omu ke neꞌi rato oto.

1 Korinit 14:20 ပူးပေါင်းရင်းမြစ်များ

Matiu 11:25

Na aana maholona a Jisas e teꞌuri, “Mamaꞌa, iꞌoe oto o aalaha haahie i Lengi na mai aano. Uure oto waite o mumunie Tataroha Diana mwaanie kira saenanau, taꞌe ie o ko haataꞌinie oto hunie mo iini kaꞌa saenanau. Oto no ko tohungei paalaheꞌo,

Matiu 18:3

ko si teꞌuri, “No ko unue oto huniꞌomu uri, nge omu kaꞌa oolisie tolahamiu hunie omu ke urihana mwe-mwela, omu saꞌa roroꞌa malisine ike silinge i laona Aalahanga a God.

Matiu 19:14

Oto a Jisas ko ere aana mo pwaarongoisuli uuri, “Omu ke toliꞌaasie mo mwela hunie kire ke lae mai seeku, na omu ke suꞌuri uure honosire. Aena aana mo iini kire urihana mo mwela ngeena haꞌalaa kire ko sili i laona Aalahanga a God.”

Matiu 19:4

A Jisas e aalamire oto ko teꞌuri, “?Uri omu kaꞌa saie ike mo Uusu-uusu Maaꞌi e unue uuri, aana aehotalana a Haꞌahola e haꞌaholaa mwane na keni? Jenesis 1:27

Tataroha Diana I Sulie A Jisas Kraes Nge A Mak E Uusue 10:15

Toꞌohuu no ko unue huniꞌomu uri mala nga iini e kaꞌa haꞌamwai-mweiꞌaa mala mo mwela mwai-mwei, nge e saꞌa roroꞌa sili ike i laona Aalahanga a God.”

Tataroha Diana I Sulie A Jisas Kraes Nge A Luk E Uusue 18:17

Toꞌohuu no ko unue huniꞌomu uri mala nga iini e kaꞌa haꞌamwai-mweiꞌaa mala mo mwela mwai-mwei nge e saꞌa roroꞌa sili ike i laona Aalahanga a God.”

Uusu-uusu A Pol Hurula'aa Hunie Mo Rom 1:13

Maeni eesiku maaꞌi, omu ke saie mola uri mo maholo hunge oto no ko loꞌongaꞌi huni maatoliꞌomu, taꞌe mo ola oto hunge ko talei liu-liu honosieu mola tarau. Nou lae hule aana mo henue oto hunge huni peꞌie mwala hunie kire ke hiiwalaimoli aana Jisas, na saeku hunie uri ne ke teꞌurine noꞌone wau aana hanue iꞌomu.

Uusu-uusu A Pol Hurula'aa Hunie Mo Rom 16:19

Nou saie uri iꞌomu, omu saꞌa rongo ike hunire, aana ahutana mwala kire mani rongoa oto uri omu ko totola i sulie mola a Aalaha, na aena mei olana nge no ko tohungei ilenimwaꞌe haahiꞌomu. Taꞌe saeku uri omu ke tohungei saenanau i sulie walu ola diana, na omu ke iiꞌo haꞌatau loꞌu mwaanie walu ola aaela.

1 Korinit 13:11

Maholo nou neꞌi mwela ue, erenga ineu na sai-olanga ineu na loꞌongaꞌinge ineu e urihana mola kele mwela mwai-mwei. Taꞌe maholo nou neꞌi rato oto ie, nou kaꞌa urihana ike loꞌu kele mwela.

1 Korinit 14:19

Taꞌe maꞌalana e urine, maholo no ko loko peꞌie mwala aana maholo ni palonga, saeku uri ne ke haꞌasaire aana nga lime aata mei wala nge kire sai rongo saiꞌi, liutaa aana ne kei unue mola mo sinolai mei wala aani erenga hai aaopaꞌi nge kire saꞌa rongo saiꞌi.

1 Korinit 2:6

Taꞌe mo wala no ko tarohaꞌiniꞌi ienini, mo wala ni saenanaunge taane, mei saenanaunge nana mo iini nge kire paine oto peꞌie tolahai hiiwalaimolinge. E kaꞌa saenanaunge ike aana walumalau ienini. Mei saenanaunge ienini e tohungei aaopa oto liutaa mwaanie saenanaunge aana mo iini kire nanama haahie walumalau siꞌiri, mo iini nge kire kei eiꞌaa mola.

Epesas 4:13

Aana saena hunie kie ke neꞌie taꞌa-taꞌa iinoni aena aana kie mani hiiwalaimoli aana Kalena God, na kie mani sai diana aana. Na hunie kie ke neꞌi rato aana tolahana Kraes, na hunie kie ke haꞌa-ahue taꞌena nga tolaha nge kire kaꞌa sada ue i sulie tolahana.

Pilipae 1:9

Na no ko eitanaie a God talamiu hunie manata-diananga iꞌomu ke paine loꞌu liutaa, na omu ke honu eeni saenanaunge hunie lio sai-olanga diana.

Pilipae 3:15

Ahutaka oto mo iini nge hiiwalaimolinge ikie e susu aana a Aalaha, e malisine uri kie ke mani neꞌi-neꞌisae urine. Taꞌe mala uri nga mo iini eemiu ko loꞌo-loꞌongaꞌi aaopa ue aana mo olana, na a God ke si haꞌa-oodohie neꞌisaenga ikire taane hunire.

1 Pita 2:2

Taꞌe omu ke urihana mola mo kele wee-wee nge kire si hute na kire saetoꞌo aana susunge oto hiitoꞌo. Aana iꞌomu noꞌone, e malisine omu ke tohungei saetoꞌo aana haꞌa-uusulinge a God mala kele wee-wee e tohungei saetoꞌo aana ewei susu. Aana haꞌa-uusulinge a God e sai peꞌiꞌomu hunie omu ke pai-peine diana aana mo tolaha diana a God i laona mauringe haalu ngeena nge a God e si niie namiu aana e haꞌa-uuriꞌomu.

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.