1 Korinit 14:15 - Tataroha Diana15 ?Ko urine, nga taa nge ne kei da? Ne kei aarea God aana erenga ni Liꞌoa, na ne kei aarea noꞌone aana erenga ineu maraaku. Na loꞌu ne kei kana ni lahea God aana erenga ni Liꞌoa, na noꞌone aana erenga ineu maraaku. အခန်းကိုကြည့်ပါ။ |
Ohe nga mo iini kei unue uuri, “Aaelanga ikie ko si da mola hunie uri diananga a God ke iiꞌo haadaꞌi oto liutaa, mala raa-raa ko iiꞌo haadaꞌi liutaa i laona rodohono. Urine kie ko si da hunie mwala ke haꞌapainaꞌaa a God loꞌu liutaa.” Oto mo iini kire ko ere takalo urine kire ko heꞌi dolosi loꞌu uuri, “?Oto aana aaelanga na eeronga ikie ko haataꞌinie mola diananga na walaimolinge a God, e ue kaꞌu a God ko saewasulikie na ko haꞌaloikie loꞌu urine? !Leinge ingeie e kaꞌa oodo ike!” !Haꞌike eena mwae! !Hero-heronga mola ni ngeena! E tohungei melisi mola na e oodo hunie a God ke leie aaelanga.
Maeni eesiku maaꞌi, nga taa nou loꞌongaꞌinie mola uuri. Maholo omu ko ruru mei hunie aarengaꞌinge omu ke mani peꞌi. Nga iini e sai kana, na ngaeta iini e sai haꞌa-uusuli aana nga mo ola, na ngaeta iini e sai ladoa nga taa a God e haataꞌinie aana, na ngaeta iini e sai ere aana mo taungei erenga hai aaopaꞌi, na ngaeta iini e sai ere luhesie loꞌongaꞌinge aana mo erenga ngeena. Ahutana walu ola ngeena ke rau oto urine huni haꞌasusue hiiwalaimolinge ikie.
Omu ke iiꞌo diana hunie haꞌa-uusulinge a Kraes ke haataꞌi aana taꞌena nga ola omu ko esuie. Oto maholo omu ko haꞌa-uusuliꞌomu heiliu wa omu ko haꞌasaie nga iini, taꞌe saenanaunge ingeie ke si haataꞌi i leune. Na omu ke paalahea God aana ahutana saemiu aani kanalilana mo kananga aana Uusu-uusu Maaꞌi, na mo kananga maaꞌi lalahuꞌe, na mo kananga haalu nge Liꞌoa Maaꞌi ko niiꞌi mei hunikie.