1 Korinit 13:9 - Tataroha Diana

⁹ Aena aana ahutana mo niinge kie toolea mwaanie Liꞌoa Maaꞌi ngeena, kire mani hesiapa mola. Maꞌalana niinge ni saenanaunge wa niinge huni unu tahangaꞌinie walana God, taꞌe kire urihana mola mei ola e kaꞌa ahu ike.

1 Korinit 13:9 ပူးပေါင်းရင်းမြစ်များ

Matiu 11:27

Oto e si teꞌuri loꞌu hunie mwala, “Aamaku e niie oto ahutana walu ola hunieu hunie ne ke paine haahiꞌi. Na nga iini kaꞌa manataꞌinie ike a Kale taꞌe a Mamaꞌa mola haliꞌite. Na nga iini e kaꞌa manataꞌinie ike a Mamaꞌa taꞌe a Kale mola haliꞌite, na mo iini nge a Kale ko lio hilisire huni unu haataꞌi aana Aamana.

Uusu-uusu A Pol Hurula'aa Hunie Mo Rom 11:34

Oto mala mo Uusu-uusu Maaꞌi e unue uuri, ?A tei keꞌu e saie mo loꞌongaꞌinge a Aalaha? ?A tei keꞌu e sai haꞌananaue aana nga mei ola? Aesaea 40:13

1 Korinit 13:10

Oto maholo mei ola e ahu kei lae mai, nga taa nge e hasiapa ngeena kei eiꞌaa oto.

1 Korinit 13:12

Maholo ienini, saenanaunge ikie aana a God e kaꞌa tohungei peine ike. E urihana mola kie ko lio-lio waranunuꞌe aana, mala iiro-iiro e wasa-wasaaꞌa. Taꞌe aana nga maholo, kie ke si lio saie taane ahutana walu ola oto mola aana maaka maraaka. Aana maholona nge kie ke si saenanau diana aana a God oto mala a God e saenanau aaka.

1 Korinit 2:9

Taꞌe leune ko haataꞌinie oto uri Uusu-uusu Maaꞌi ko ere toꞌohuu aana e unue uuri, A God e dau aakau aana mei ola nge e diana liutaa hunie mo iini nge a God maraana e manata diana hunire. Na mei ola diana ngeena nga iini e kaꞌa leesie ue, wa nga iini ke rongoa, wa ke loꞌo-loꞌongaꞌinie uri kei reu. Aesaea 64:4

1 Korinit 8:2

Mala nga iini ko unue uri e saenanau, e kaꞌa tohungei sai diana aana ike ue nga taa e malisine uri ke saie.

Epesas 3:8

Maꞌalana uri nou mwai-mwei loꞌu mwaanie ahutana mwala a God, a God e tohungei diana oto hunieu, hule aana e niie mei esunge ngeena hunieu. E uusungeꞌinieu weu i saana mwala nge ikire nga mo Jiu haꞌike, huni tarohaꞌinie Tataroha Diana i sulie mo tohungei ola diana nge a Kraes e niiꞌi hunikie—mo ola nge kire diana oto liutaa mwaanie taꞌena nga ola kie sai loꞌongaꞌiniꞌi.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.