1 Korinit 13:4 - Tataroha Diana

⁴ Iinoni e manata diana hunie mwala e toli rako na ko esuie mei sae malumu hunie iinoni. E aasa kei heotaꞌi, wa kei toohaꞌi, wa ke ere paine i sulie maraana.

1 Korinit 13:4 ပူးပေါင်းရင်းမြစ်များ

Matiu 27:18

A Paelat e dolosi aada urine aana e saie mone uri mwala paine aana mo Jiu kire toolea mai a Jisas i saana aena aana kire ko upwesie.

Palonga 7:9

“Taꞌe mo kalena a Jekob ngeena kire ko heotaꞌinie aaside a Josep, oto kire haꞌaholingeꞌinie mola hunie ngaeta mwala, na kire toolea oto hunie aalahanga i Ijip. Taꞌe a God e iiꞌo susuleꞌi mola peꞌie.

Uusu-uusu A Pol Hurula'aa Hunie Mo Rom 1:29

Kire honu mola aana taꞌena nga ola aaela, na tataꞌalanga, na saehanalinge, na oorahaꞌaa. Kire honu mola aana heotaꞌinge, na horonga, na haiseuninge, na eeronga, na maaleledinge. Kire sai sihoai ola mola tarau,

Uusu-uusu A Pol Hurula'aa Hunie Mo Rom 13:13

Iau, kie ke iiꞌo oodotaꞌi oto mola tarau, mala mwala ko esuie mola mo ola haadaꞌi i laona matapwanga aana aatowaa. Kie ke suꞌuri esuie mo ngeunge aaela na mahiringe aana inuhilana mo wei ni pweunge. Masinge na ke suꞌuri loꞌu, na kie ke suꞌuri tara loꞌu i sulie mo tolahai ola aaela urine. Kie ke suꞌuri toolea loꞌu haꞌa-erenga na heotaꞌinge.

1 Korinit 3:3

Omu ko lae-lae mola ue mala mo iinoni aana walumalau ienini. !Lio kaꞌu! Omu iiꞌo mola ue peꞌie upwanga na heotaꞌinge. Mo ola ngeena kire haataꞌi diana aana uri iꞌomu nga mo iinoni aana Liꞌoa Maaꞌi haꞌike, aana tolahamiu e sada mola ue peꞌie mo iinoni ni welumalau.

1 Korinit 4:18

Ngaeta mo iini hikemiu kire loꞌongaꞌinie uri nou saꞌa hule loꞌu i seemiu, oto kire ko aehota toohaꞌinire oto.

1 Korinit 4:6

Maeni eesiku maaꞌi, walu ola ienini no ko unuꞌi i suliꞌemereꞌi a Apolos hunie omu ke saenanau aana tolahamereꞌi. Ngaeta mei wala e teꞌuri, “Mwaanie omu liue nga taa uusulana e lae i laona Uusu-uusu Maaꞌi.” Mala uri omu kei teꞌurine, nge omu saꞌa unu-unue ike uri nga iini e paine liutaa aana nga iini, na omu saꞌa toohaꞌiniꞌomu ike maraamiu aana omu ko lae i sulie iini nge omu unue e paine, na omu saꞌa ere aaelasie loꞌu nga iini.

1 Korinit 5:2

!Haꞌike eena! ?E ue ni omu ko toohaꞌiniꞌomu haahie? E malisine omu ke saehuu i sulie, na hunie omu ke neꞌie mwane ngeena i sinaha mwaanie soihaadaꞌinge.

1 Korinit 8:1

Hoe, no ko sare heꞌi ere loꞌu i sulie mo ngeulaa nge kire uunuꞌi oto i saana mo nunui ola. E toꞌohuu taane mala ngaeta mwala ko unu-unue uuri, “Ahutaka kie mani sai ola mola.” !Taꞌe omu ke lio talamiu! Sai olanga e sai da mola iinoni ke toohaꞌinie maraana, taꞌe manata-diananga nge ko peꞌikie suli maholo.

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

2 Korinit 6:6

Na melu haataꞌinie loꞌu uri iꞌemeelu mo koni-konihe a God aana iiꞌonga rereꞌa iꞌemeelu, na aana saenanaunge iꞌemeelu, na aana toli-rakonga iꞌemeelu, na aana saediananga iꞌemeelu hunie ahutana iinoni, na aana nanamanga a Liꞌoa Maaꞌi, na aana melu manata diana toꞌohuu hunie ahutana iinoni.

Kalesia 5:26

Mala uri kei toꞌohuu hunikie urine, nge nga iini aaka e saꞌa toohaꞌinie ike maraana, wa ke haꞌasaewasuliꞌaa nga iini, wa ke saehanalie toꞌolana nga iini.

Epesas 4:2

Omu ke haꞌamwai-mweiꞌaꞌomu tarau, na omu ke toli rako peꞌie mwala. Omu ke saemamae mola, na omu ke haataꞌinie manata-diananga iꞌomu huniꞌomu heiliu aani saeꞌaasilana nga moi taa kire dau huꞌisiꞌomu eeni.

Epesas 4:32

Taꞌe omu ke toꞌo aana mei saemamae na omu ke aamasiꞌomu heiliu, na omu ke saeꞌaasi hunie taꞌena nga iinoni mala a God ko sae-saeꞌaasi huniꞌomu i tehulaꞌana a Kraes.

Pilipae 1:15

Siꞌue, ngaeta mo iini aada kire ko laeliwala i sulie a Kraes aena aana kire ko upwesieu, na kire ko sare paine liutaa aaku i laona soihaadaꞌinge.

Kolosi 1:11

Melu ko eiꞌeitanaie a God hunie ke haꞌa-aꞌailaꞌaꞌomu aana nanamanga ingeie e saka na e manikuluꞌe, mwaanie omu aakohe maholo siꞌohaꞌanga kei hite aamiu, taꞌe omu ke maaꞌoohi susutoꞌo mola peꞌie ilenimwaꞌenga.

Kolosi 2:18

Na mwaanie omu toitoliꞌaasie nga iini ke haꞌapweuꞌomu aana mei wala uuri, “Omu saꞌa hele waaite ike taꞌau i Lengi, aena aana omu kaꞌa haꞌaletehie sapemiu peꞌi tola i sulilana mo haꞌatolanga e aasa.” Mo iinoni urine ko unue noꞌone uri kire leesie mo maꞌahu-polenga nge ko haataꞌinie uri e diana hunie mwala ke palo-paloa mo ensel. Taꞌe omu ke suꞌuri rongo hunire. Kire ko lupweꞌi haꞌamwai-mweiꞌara maraada i maana mwala, taꞌe kire ko toohaꞌinire mola aana mo neꞌisaenga ni welumalau nge hule aana kire kaꞌa toꞌohuu ike.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.

1 Timoti 6:4

Iinoni nge ko haꞌa-uusuli aaopa urine e honu mola aana toohaꞌinge na e kaꞌa saie ike nga mei ola. Neꞌisaenga ingeie e rodohono mola, na ingeie e iiꞌo oto mola peꞌie haꞌa-erenga haahie taꞌena nga ola. Oto leune ko si da mola mwala ko esuie walu ola aaela mala saehanalilana toꞌo-toꞌolana ngaeta iini, na haiseuninge, na ere-aaelasilana ngaeta iini, na heotaꞌinge.

2 Timoti 2:25

Na iinoni euꞌesu a God ke haro kele lae rako mola maholo ko haꞌa-oodohie mwala nge kire ko leledie haꞌa-uusulinge ingeie. Aana ko urine, ohe a God kei peꞌie mwalana hunie kire ke oolisie loꞌongaꞌinge ikire, na hunie kire ke sai diana aana mo haꞌa-uusulinge toꞌohuu.

2 Timoti 3:10

Taꞌe iꞌoe, kaleku, o saie oto mo haꞌa-uusulinge ineu na iiꞌolaku e uri taa, na nga moi taa no ko sare asuiꞌi. O lio saie kaꞌu oto hiiwalaimolinge ineu, na toli-rakonga ineu, na manata-diananga ineu hunie ahutana mwala, na toli-susuleꞌinge ineu aana maholo e aasa oto hiitoꞌo.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.

Taetas 3:3

Aana tolahaka ke aaopa oto mwaanie tolahaka wau i naꞌo. Holaꞌinaꞌo kie pweu-pweuaꞌa noꞌone mola mala mo puꞌo, na kie haitohe oto mola tarau. Pwelolaka e si lae mola aana kie hari hunie mola taꞌena nga ola aaela nge kie loꞌongaꞌinie uri kie kei iiꞌo oto mola peꞌie ilenimwaꞌenga haahiꞌi. Kie tola i sulie mola mo saehanalinge ikie tarau, oto kie ko haꞌaweokie mola mwaakule na kie kaꞌa tarie ike nga mei ola diana aani. Kie iiꞌo oto mola peꞌie heotaꞌinge na asuilana taꞌena nga tolahai ola tataꞌala. Na kie iiꞌo oto mola peꞌie liongai maanga hunikie hailiu.

Jemes 4:5

Mo Uusu-uusu Maaꞌi kire unue uuri, a God e saetoꞌo aana liꞌoa nge e neꞌie aaka ke iiꞌo oto mola nana haliꞌite. ?Na ohe omu unue uri kire talei ere-ere mwaakule mola aana kire ere urine? !Haꞌike!

1 Pita 2:1

Oto aena urinena, mwaanie omu heꞌi lulu i sulie loꞌu mo neꞌisaenga aaela huni waelie ngaeta iini. Omu ke suꞌuri heꞌi eero loꞌu, na omu ke suꞌuri lupweꞌi eeroa mwala, na omu ke suꞌuri saehanalie mo ola ngaeta iini, wa omu ke lae peꞌi ere aaelasie ngaeta mwala.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.

1 Pita 4:8

Mei naꞌohai ola e malisine omu ke asuie oto uri omu ke mana-manata diana toꞌohuu huniꞌomu heiliu, sulie tolahai ola urine nge e sai da omu ke saeꞌaasie mo roroꞌanga iꞌomu heiliu noꞌone huniꞌomu.

2 Pita 1:7

na omu ke sapeie loꞌu manata-diananga hunie mo eesimiu aana hiiwalaimolinge, na omu ke heꞌi sapeie loꞌu noꞌone manata-diananga hunie ahutana mo iinoni.

1 Jon 4:11

Maeni eesiku maaꞌi, oto mala a God e manata diana hunikie urine, nge ikie noꞌone kie ke manata diana hunikie hailiu.