1 Korinit 12:26 - Tataroha Diana

²⁶ Mala uri nga taꞌa-taꞌa sasarai ola aana sape ko sapesalu, nge ahutana mo sasarai ola ko meni sapesalu tararuru oto peꞌie. Na mala uri nga taꞌa-taꞌa sasarai ola haꞌamanikuluꞌalana ko lae, nge ahutana mo sasarai ola ko meni ilenimwaꞌe tararuru oto noꞌone peꞌie.

1 Korinit 12:26 ပူးပေါင်းရင်းမြစ်များ

Matiu 3:15

Oto a Jisas ko aalamie a Jon uuri, “Toliꞌaasie ke rau oto urine, hunie kure ke dau i sulie nga taa a God e saetoꞌo aana.” Oto aena aana a Jisas e ere urine, a Jon e si loto maaꞌi aana a Jisas.

Matiu 5:29

Oto mala uri maamu ko haꞌatataroꞌo hunie oorahaꞌaa, nge o ke kae aasie. Maꞌalana maai ola diana iꞌoe, taꞌe o ke aasie oto mwaaniꞌo, aana e tohungei diana huni taꞌaasie mola nga taꞌa-taꞌa kele leu aana sapemu liutaa aana ahutana sapemu ko lae taꞌingelu i laona dunge ni haꞌamotaahinge.

Uusu-uusu A Pol Hurula'aa Hunie Mo Rom 12:15

Omu ke ilenimwaꞌe peꞌie mo iini ko ilenimwaꞌe, na omu ke saehuu peꞌie mo iini ko saehuu.

1 Korinit 12:25

Aena urine nge nga mei oopanga haꞌike aana sape, taꞌe ahutana mo sasarai ola hai aaopaꞌi kire ko meni loꞌo-loꞌongaꞌinire hailiu.

1 Korinit 12:27

Oto e urine noꞌone aana ahutemiu loko-loko oto sapena Kraes, na taꞌena nga iini hikemiu e neꞌi sasarai ola oto aana.

Kalesia 6:2

Omu ke peꞌiꞌomu heiliu aana walu ola ko hite-hite aamiu, aana urine nge omu ko tola i sulie haꞌatolanga a Kraes toꞌohuu eena.

Hibru 13:3

Na omu ke loꞌo-loꞌongaꞌinie mo iini ikire i laona nume ni hoꞌo, oto mala uri iꞌomu noꞌone peꞌire i laona nume ni hoꞌo. Na omu ke loꞌongaꞌinie mo iini ko sapesalu, mala uri iꞌomu, omu ko sapesalu noꞌone peꞌire.

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.