1 Korinit 12:12 - Tataroha Diana

¹² Na loꞌu, toꞌomaaie kaꞌu sapena iinoni. E neꞌie taꞌa-taꞌa mei sape mola, taꞌe mo aapai ola hunge aana. Oto e urine noꞌone aana a Kraes. Aana e toꞌo aana taꞌa-taꞌa mei sape mola, taꞌe mo aapai ola hunge aana. Na maꞌalana e toꞌo aana mo aapai ola hunge aana urine, taꞌe e taꞌa-taꞌa mei sape mola ni ngeena.

1 Korinit 12:12 ပူးပေါင်းရင်းမြစ်များ

1 Korinit 10:17

Aena aana e taꞌa-taꞌa ho ngeulaa mola, nge maꞌalana kie ke hunge loꞌu uri taa, taꞌe kie neꞌie e taꞌa-taꞌa mei sape mola ni ngeena, aena aana kie ko meni ngeue mola e taꞌa-taꞌa mei ngeulaa ngeena.

1 Korinit 12:20

Taꞌe e kaꞌa urine ike, aana maꞌalana mo sasarai ola e lai hunge urine, taꞌe e taꞌa-taꞌa mei sape mola ni ngeena.

1 Korinit 12:27

Oto e urine noꞌone aana ahutemiu loko-loko oto sapena Kraes, na taꞌena nga iini hikemiu e neꞌi sasarai ola oto aana.

1 Korinit 12:7

Liꞌoa Maaꞌi a God ko haꞌa-adoa ahutaka aana nanamanga ingeie hunie kie ke mani peꞌi-peꞌie ahutana mo iinoni.

Kalesia 3:16

Na aapa hatarie hiiwalaimolinge e urine noꞌone, aana a God e unue mo heiholotaꞌinge ngeena hunie a Ebraham peꞌie a weuwana.Jenesis 13:15 Oto, omu ke loꞌo-loꞌongaꞌi kohi i sulie leune aena aana Uusu-uusu Maaꞌi e kaꞌa unue ike “peꞌie mo weuwana” hunie ke rongo mala mo iini hunge aana mo iini kire uure mwaanie komu a Ebraham, taꞌe e unue mola “peꞌie a weuwana.” Oto e rongo mala ko ere liutaa mola i sulie e taꞌa-taꞌa iinoni, na iinine oto a Kraes.

Epesas 1:23

Soihaadaꞌinge oto sapena Kraes, na ingeie oto ko esuie soihaadaꞌinge ke neꞌi iinoni haꞌileku, mala a Kraes e asuie taꞌena nga ola aana haꞌaholanga ke neꞌi ola haꞌileku.

Epesas 4:12

E asuie urine hunie ahutana mwala maaꞌi ingeie ke mani iiꞌo aakau huni peꞌi-peꞌire hailiu, na hunie sapena Kraes ke aꞌailaꞌa.

Epesas 4:4

Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

Epesas 5:23

Aana mo poro iꞌomu, ikire oto kire ko lio i suliꞌomu mala pwaune iinoni ko lio i sulie sapena, na mala a Kraes noꞌone ko lio i sulie soihaadaꞌinge nge e haꞌa-uurie oto.

Epesas 5:30

na ikie oto mo sasarai ola aana sapena Kraes.

Kolosi 1:18

Mo iinoni aana soihaadaꞌinge, kire urihana sapena Kraes, na ingeie oto pwaune soihaadaꞌinge, aena aana ingeie oto aahuꞌine maurihe. Ingeie oto eetana nga iinoni huni taꞌelaꞌi mwaanie maenga peꞌie maurihe nge ko iiꞌo oto huu, hunie uri taꞌe ingeie haliꞌite ke neꞌie naꞌohai iini haahie ahutana walu ola.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Kolosi 2:19

Kire kaꞌa hele maꞌutaꞌa ike aana a Kraes. Ingeie oto pwaune soihaadaꞌinge nge ko lio i sulie soihaadaꞌinge na ko hele lokoa ahutana mo sasarai ola aana hunie ke mauri oto mala a God e saetoꞌo aana.

Kolosi 3:15

A God e soiꞌomu tararuru hunie omu ke iiꞌo aana hanuelamanga i lalo aana taꞌa-taꞌa mei sape, na mwaanie omu kele waelie hanuelamanga nge a Kraes e niie huniꞌomu ngeena, taꞌe hanuelamanga ngeena ke aalaha haahie neꞌisaenga iꞌomu. Na omu ke paa-paalahea God tarau.