1 Korinit 11:34 - Tataroha Diana

³⁴ Na mala uri nga iini ko hiolo, nge ke holaꞌi ngeu oto wau i nume ingeie, mwaanie a God e leiꞌomu haahie tolahai ngeunge aaela ngeena aana maholo omu ko meni ngeu tararuru. Na ne ke si haꞌa-oodohie ngaeta mo ola loꞌu aana maholo ne kei lae wau i seemiu.

1 Korinit 11:34 ပူးပေါင်းရင်းမြစ်များ

1 Korinit 11:33

Aena urinena, maeni eesiku maaꞌi, maholo omu ko ruru mei huni ngeu aana ngau-maaꞌinge a Aalaha, omu ke maa-maaꞌoohiꞌomu heiliu.

1 Korinit 16:1

Oto no ko sare haꞌarongoꞌomu mola aana niinge huni peꞌie mwala a God aana poꞌo ni henue i Jiudia. Omu ke asuie oto mola mala nou hatongaꞌinie hunie mo soihaadaꞌinge aana poꞌo ni henue i Kalesia.

1 Korinit 16:2

Ahutana mo Dinge Maaꞌi, omu ke mani niie niinge ngeena, nga iini na e nii-nii mola i sulie tari-olanga ingeie, na omu ke mani loo-loohaꞌinie mola i suli maholo, mwaanie omu loꞌo-loꞌohie loꞌu nga mo niinge aana maholo ne kei lae mai seemiu.

1 Korinit 16:5

Ne kei liu taane mai keliꞌomu aana maholo ne kei uure mwaanie poꞌo ni henue i Masedonia, aena aana nou loꞌongaꞌinie uri ne ke holaꞌi lae kaꞌu i Masedonia.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

1 Korinit 4:19

Taꞌe e saꞌa tewa na ne kei lae loꞌu mei maatoliꞌomu, mala a Aalaha ko saetoꞌo aana ne ke asuie urine. Na aana maholona, nou saꞌa rongo ike hunie mwala too-toohaꞌi ngeena, taꞌe ne kei lio mola hunie nga nanamanga uri taa nge kire toꞌo aana.

1 Korinit 7:17

Oto ahutaka, kie ke mani saie uri mei meuringe nge nga iini e toꞌo aana maholo a God e soie mai i saana, mei niinge a Aalaha ni ngeena. Oto aena urine omu ke suꞌuri sare toliꞌaasie loꞌu, taꞌe omu ke ilenimwaꞌe mola haahie. Na haꞌatolanga nge no ko lae peꞌi haꞌarongoa ahutana mo soihaadaꞌinge aana ni otona.

Taetas 1:5

Iau, kaleku, nou haꞌa-ooreꞌo kaꞌu mola wau i Krit hunie o ke haꞌamangoa mo esunge nge kure kaꞌa haꞌamangoꞌi ue, na hunie o ke lio hilisie nga mo mwane hunie kire ke neꞌi naꞌohai mwane huni lio i sulie mo soihaadaꞌinge i laona mo huilume wau i leune. O ke asuie walu ola ngeena mala nou unuꞌi oto huniꞌo.