1 Korinit 11:30 - Tataroha Diana

³⁰ Aena urinena kaꞌu mo iini hunge aamiu kire ko maelaaꞌa na kire ko mamaelaꞌa na ngaeta mo iini kire ko mae oto noꞌone.

1 Korinit 11:30 ပူးပေါင်းရင်းမြစ်များ

Palonga 13:36

Na kolu meni saie oto uri mei wala ienini e kaꞌa ere ike i sulie a Deved Inemauri. Aana kolu saie maholo a Deved e mauri ue, e dau i sulie nga taa a God e unue hunie ke asuie. Taꞌe maholo e mae, kire haitolingeꞌinie i saana mo weuwana na sapena e kasu oto.

Palonga 7:60

Oto e pouruuru hai aano ko si soi peine, ko teꞌuri, “Aalaha, o ke suꞌuri suꞌue loꞌu mei oorahaꞌaanga ienini hunire.” E ere urine mola, na ko mae oto.

1 Korinit 11:29

Aana mala uri nga iini ko talei ngeue mola mei ngeulaa ngeena na inu aana kao-kao ngeena, taꞌe e kaꞌa lio saie ike uri leune oto sapena a Aalaha, iinoni ngeena ko esuie mola leinge hunie maraana.

1 Korinit 11:31

Mala uri kie kei holaꞌi lei diana aana kaꞌu tolahaka maraaka, nge a God e saꞌa roroꞌa leikie oto ooꞌoo.

1 Korinit 11:32

Taꞌe maholo a Aalaha ko leikie wa ko haꞌaloikie ko esu urine hunie leilaka ke suꞌuri lae tararuru loꞌu peꞌie leilana mo iinoni ni oorahaꞌaa hunie maenga.

1 Korinit 15:51

Taꞌe no ko sare haꞌarongoꞌomu noꞌone aana kele mei ola e iiꞌo mumuni uuri. Ahutaka kie saꞌa mani mae ike, taꞌe maholo aahuri kei ngara, kie kei meni tolana hai-oolisi maꞌaruteꞌimaa oto mola. Na maholo aahuri kei ngara ngeena, a God kei taꞌe aalihoꞌi oto aana mo iini e mae hunie maurihe huu. Na ikie mo iini kie mauri ue aana maholona, kie kei meni hei-oolisi oto noꞌone.

1 Tesalonaeka 4:14

Aana ikie, kie hiiwalaimoli uri a Jisas e mae na e taꞌelaꞌi loꞌu. Oto aena urine nge kie ke hiiwalaimoli noꞌone aana uri a God kei taꞌea loꞌu peꞌie a Jisas mo iini kire mae oto nge kire hiiwalaimoli aana.

Haataꞌinge 3:19

Omu ke saie mola uri no ko tohungei ere aana mo iini nou manata diana hunire na no ko haꞌaloire. Oto aena urinena, omu ke aaliꞌu mei mwaanie mo oorahaꞌaa iꞌomu, na omu ke asu aꞌailaꞌa peꞌie mwaꞌe-mwaꞌenga.