1 Korinit 1:30 - Tataroha Diana30 Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa. အခန်းကိုကြည့်ပါ။ |
1 Korinit 1:30
76 ပူးပေါင်းရင်းမြစ်များ
hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’
Aana Tataroha Diana ngeena ko haataꞌinie hunie mwala uri a God e sai neꞌi oodohie mwala peꞌie maraana uri taa. Na tala ngeena mei ola aana hiiwalaimolinge mola, uure oto i aehotalana hunie haꞌamangolana. Na nga tala aaopa loꞌu, haꞌike oto ooꞌoo, mala mo Uusu-uusu Maaꞌi e unue uuri, Iinoni e oodotaꞌi i maana God i tehulaꞌana hiiwalaimolinge, nge haꞌalaa kei meuri huu. Habakuk 2:4
Na omu ke niie noꞌone mei wala ni saediananga ineu hunie a Andronikas na a Jiunia. A mwane ngeena na a keni ngeena, ikirerue ngaeta ro Jiu noꞌone mala ineu, na kirerue oꞌoꞌo kaꞌu peꞌieu i nume ni hoꞌo. Ikirerue ngaeta ro naꞌohai hurulaꞌaa, na ikirerue oto kire holaꞌi hiiwalaimoli aana a Kraes i naꞌoku.
Na taꞌe mo olana haꞌike ni ko ngara-ngara urine, taꞌe ikie noꞌone kie ko ngara-ngara mola i manataka. Aana a God e niie Liꞌoa Maaꞌi hunikie mala nga naꞌohai niinge ingeie, na kie ko maaꞌoohi susutoꞌo hunie a God ke haꞌa-ahue konilaka hunie kie ke neꞌie mo tohungei kalena. Na leune kei reu aana maholo a God kei oolisie sapeka peꞌie mei sapei ola haalu.
Taꞌe mo Haꞌatolanga a Mosis ko uesie mo iini kire kaꞌa dau i suliꞌi. Aamasitoꞌo kaꞌu aana Uusu-uusu Maaꞌi nge e unue uuri, A God ko uesie taꞌena nga iini nge kire ko aaroroa i lengine nga ai.Diutronomi 21:23 Oto mei olana nge e rau aana a Jisas honotaka, na aena leune nge uesinge aana mo Haꞌatolanga e lae hunie a Jisas. Taꞌe aena leune noꞌone a Jisas e haꞌa-uurikie mwaanie uesinge aana iiꞌonga loꞌu i mamalutana mo Haꞌatolanga.
Aana kie toꞌo aana oto Liꞌoa Maaꞌi, kie sai diana aana uri kie kei toꞌo aana oto walu ola nge a God e haiholotaꞌiniꞌi oto mai naꞌo huni niiꞌi naka. Aana e urine kaꞌu a God kei da noꞌone hunie kie ke tohungei iiꞌo luhetaꞌi oto toꞌohuu peꞌie, na ahutana mwala ke lahea God, iini e hahuꞌei diana liutaa.
Omu ke iiꞌo diana hunie haꞌa-uusulinge a Kraes ke haataꞌi aana taꞌena nga ola omu ko esuie. Oto maholo omu ko haꞌa-uusuliꞌomu heiliu wa omu ko haꞌasaie nga iini, taꞌe saenanaunge ingeie ke si haataꞌi i leune. Na omu ke paalahea God aana ahutana saemiu aani kanalilana mo kananga aana Uusu-uusu Maaꞌi, na mo kananga maaꞌi lalahuꞌe, na mo kananga haalu nge Liꞌoa Maaꞌi ko niiꞌi mei hunikie.
No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.
A God Aamaka e lio hilisiꞌomu oto uure mai naꞌo i sulie oalaꞌinge ingeie. Na Liꞌoa Maaꞌi e lae peꞌi haꞌamaaꞌiꞌomu oto mai hunie omu ke iiꞌo maaꞌi, hunie omu ke lulu i sulie a Jisas Kraes. Lotohilemiu e lae aana apune, aena aana maenga ingeie oto uuraaꞌinge nge ko da omu iiꞌo rereꞌa mwaanie oorahaꞌaa. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu taraureꞌi.
Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.
Na e oolu mei ola nge kire ko unu haꞌa-oaie hunikie uri a Jisas ingeie Kalena God toꞌohuu. Eetana oto mei wei aana loto-maaꞌinge, na ruana oto mei epu aana maenga. Nga taa e rau aana e ro maholo ngeena kire mani haꞌawalaimoliꞌaa uri a Jisas Kraes Kalena God toꞌohuu. Oto mei epu noꞌone ko haataꞌi diana aana uri leune e toꞌohuu, na mei wei mola maraana haꞌike. Na oolune oto Liꞌoa Maaꞌi nge ko unue i laona saeka uri leune e toꞌohuu, aena aana Liꞌoa Maaꞌi oto walaimolinge. Na e oolu mei olana kire mani ere sada uri a Jisas Kalena God oto toꞌohuu.
Mo mwane ienini kire kinetaꞌinire maraada hunie kire ke iiꞌo rereꞌa taꞌingelu mala mo iini nge kire kaꞌa hele roroꞌanga ike peꞌie nga keni. Na kire lulu i sulie a Kalei Sipu aana ahutana mo tolahai ola diana ingeie. E tapa oolisire mwaanie walumalau, na ikire oto domana niinge aani hiki-olanga nge niileni e lae hunie a God na a Kalei Sipu.
na kire suluꞌie kana haalu nana a Kalei Sipu uuri, “Iꞌoe nge o adona o ke toolea uusu-uusu hio-hio na o ke taꞌaasie mo hui edi aana, aena aana horoꞌilemu e lae kaꞌu oto, na aana apumu o toolea mai mo iinoni takoie a God mwaanie taꞌena nga komu na taꞌena nga erenga na taꞌena nga aapoloa na taꞌena nga mala-malau.
ကြော်ငြာတွေ