1 Korinit 1:21 - Tataroha Diana

²¹ Oto aana a God e asuie mone i sulie saenanaunge ingeie, mwala aana walumalau ie kire dau aasaie uri kire kei haꞌa-uurire maraada i sulie saenanaunge ikire. Na e lae mola urine aana saena a God mola huni haꞌa-uurie iinoni aana ola kire unue nga mei saenanaunge haꞌike aana, nge hiiwalaimolinge aana laeliwalanga i sulie a Kraes.

1 Korinit 1:21 ပူးပေါင်းရင်းမြစ်များ

Matiu 11:25

Na aana maholona a Jisas e teꞌuri, “Mamaꞌa, iꞌoe oto o aalaha haahie i Lengi na mai aano. Uure oto waite o mumunie Tataroha Diana mwaanie kira saenanau, taꞌe ie o ko haataꞌinie oto hunie mo iini kaꞌa saenanau. Oto no ko tohungei paalaheꞌo,

Tataroha Diana I Sulie A Jisas Kraes Nge A Luk E Uusue 10:21

Aana maholona a Jisas e honu aani ilenimwaꞌenga aana Liꞌoa Maaꞌi, oto ko teꞌuri, “Mamaꞌa, iꞌoe oto o aalaha haahie i Lengi na mai aano. Uure oto waite o mumunie Tataroha Diana mwaanie kira saenanau, taꞌe ie o ko haataꞌinie oto hunie mo iini kaꞌa saenanau. Oto no ko tohungei paalaheꞌo, Mamaꞌa, aana o oalaꞌinie hunie ke lae oto urine.”

Tataroha Diana I Sulie A Jisas Kraes Nge A Luk E Uusue 12:32

“Maꞌalana omu kaꞌa hunge, taꞌe mwaanie omu meꞌu-meꞌu, maeni mwela, aena aana Aamamiu ko tohungei ilenimwaꞌe hunie omu kei aalaha peꞌie i laona Aalahanga ingeie.

Tataroha Diana I Sulie A Jisas Kraes Nge A Jon E Uusue 12:31

Maholo e hule oto ie hunie a God kei leie walumalau, na ke oohe aasie a Satan, iini ko aalaha haahie walumalau.

Uusu-uusu A Pol Hurula'aa Hunie Mo Rom 1:28

Oto aena aana mwala ngeena kaꞌa sare loꞌongaꞌinie ike loꞌu saenanaunge toꞌohuu aana God, a God e toliꞌaasire mola hunie kire ke dau mola mala saeda, maꞌalana kire ko da mola walu ola e kaꞌa malisine ike uri kire ke dauꞌi.

Uusu-uusu A Pol Hurula'aa Hunie Mo Rom 11:33

No ko tohungei pangataꞌinie aamasinge a God. A God e tohungei diana hunie ahutana iinoni, na saenanaunge ingeie e tohungei peine liutaa, na sai-olanga ingeie e tohungei kokoro oto hiitoꞌo. Kie saꞌa roroꞌa ni lio saie ike ahutana mo loꞌongaꞌinge ingeie maholo ko lei-lei, na kie saꞌa loꞌongaꞌi susulie ike tolahana.

1 Korinit 1:18

Aana laeliwalanga i sulie maelana a Jisas i lengine poꞌu-poꞌu e kaꞌa toꞌo aana ike nga mei loꞌongaꞌinge aana hunie mo iini kire ko lae takoie maenga huu. Taꞌe hunikie mo iini a God e haꞌa-uurikie oto, mo wala ngeena ikire oto nanamanga a God.

1 Korinit 1:23

Taꞌe ienini mone melu ko laeliwala aana uri kire horo maesie a Kraes i lengine poꞌu-poꞌu. Mei ola oto hule aana mo Jiu na kire kaꞌa sasare rongoa ike, na mei ola ngeena kei neꞌi pweu-pweuaꞌanga mola hunie mo Aapoloa Aaopa.

1 Korinit 1:24

Taꞌe hunikie mo iini nge a God e soikie oto, mo Jiu na oto mo Aapoloa Aaopa, mei wala aana a Kraes ienini ingeie oto nanamanga na saenanaunge a God.

1 Korinit 1:25

Na e urine oto aena aana mo ola nge a God ko esuiꞌi, maꞌalana iinoni ko ere aaelasiꞌi uri nga mei saenanaunge wa nga mei aꞌailaꞌanga haꞌike aani, taꞌe saenanaunge aana e lae liutaa aana loꞌu saenanaunge iinoni, na e aꞌailaꞌa ue liutaa aana aꞌailaꞌanga iinoni ni ngeena.

1 Korinit 1:27

A God e tohungei lio hilisie oto mo iini nge mwala e loꞌongaꞌinie uri kire puꞌosasu uri huni haꞌamasaa kira saenanau. Na e lio hilisie oto noꞌone mo iini nge mwala e loꞌongaꞌinie uri kire mamaelaꞌa huni haꞌamasaa mo iini e nanama.

1 Korinit 11:32

Taꞌe maholo a Aalaha ko leikie wa ko haꞌaloikie ko esu urine hunie leilaka ke suꞌuri lae tararuru loꞌu peꞌie leilana mo iinoni ni oorahaꞌaa hunie maenga.

1 Korinit 2:14

Taꞌe iinoni nge e kaꞌa toꞌo aana Liꞌoa Maaꞌi i lalo aana, e saꞌa toꞌo aana ike mo niinge nge Liꞌoa a God e niiꞌi mei, aana iinoni urine kei loꞌongaꞌinie mo niinge ngeena nga mo ola oto mola mwaakule ni ngeena. E kaꞌa sai lio saiꞌi ike, aana Liꞌoa Maaꞌi mola ni e sai peꞌikie huni lio saiꞌi.

1 Korinit 4:10

Oto mwala nge kire leesiꞌemeelu kire ko loꞌongaꞌinie uri melu ko pweu aana melu iiꞌo peꞌie a Kraes. ?Taꞌe e ue aana iꞌomu? ?Uri omu saenanau oto aena aana iꞌomu peꞌie a Kraes? !Neꞌewau oto! Iꞌemeelu, melu tataku mola, taꞌe iꞌomu nge omu aꞌailaꞌa.

1 Korinit 6:2

?Uri omu kaꞌa saie ike uri aana nga maholo ko lae mai, mwala nge kire hiiwalaimoli aana God, ikire nge kire kei leie ahutana iinoni ni welumalau? ?Mala uri iꞌomu oto huni leie mwala aana walumalau, na e ue omu kaꞌa sai haꞌa-oodohie mola kele mei ola mwai-mwei i matolamiu maraamiu urine?

Kalesia 1:15

!Taꞌe lae-lae, a God e oolisie manataku! Aana manata-diananga a God e paine hunieu, na aana ko ilenimwaꞌe ni esuie urine, nge uure oto aana maholo na nou kaꞌa hute ue, taꞌe a God e oopaau oto huni esu nana.

Kalesia 4:8

I naꞌo maholo omu kaꞌa sai diana aana ue a God, omu neꞌi koni-konihe mola na omu talei euꞌesu mola nana mo god eero-eero.

Epesas 1:9

nge e haataꞌinie oalaꞌinge ingeie oto hunikie. Wau i naꞌo, oalaꞌinge ngeena e oꞌoꞌo mumuni mola, aana a God e loꞌongaꞌi aakau oto aana mai naꞌo hunie uri a Kraes ke si haꞌa-oaie.

Epesas 3:10

Na a God e asuie oto urine aana maholo ienini hunie soihaadaꞌinge ke si haataꞌinie taꞌe-taꞌena nga loꞌongaꞌinge diana a God hunie mo ensel na mo liꞌoa na mo aakalo na taꞌena nga iini nanama urine.

Kolosi 1:19

Iau, e urine oto aana a God e neꞌisae huni iiꞌo taꞌingelu i lalo aana Kalena, hunie kire ke sada na nga mei aapa ingeie ke suꞌuri eiꞌaa mwaanie a Kalena.

Hibru 1:14

Oto kie saie mola uri mo ensel, ikire mo liꞌoa mola huni esu nana God, na a God e sai uusungeꞌinire mai huni peꞌie mo iinoni nge haꞌa-uurilada ko lae hunie kire kei helesie maurihe huu.

Hibru 2:3

Taꞌe mei wala ni haꞌa-uuringe nge a God e niie mai naka siꞌiri ie, e paine loꞌu liutaa aana iini i naꞌo ngeena. ?Oto mala uri kie kaꞌa sare rongo ike hunie tataroha ngeena, nge kie kei tehisie kaꞌu haꞌaloinge uri taa? !Kei aasa mwae! Aalaha ikie a Jisas maraana oto e holaꞌi unu tahangaꞌinie tataroha ngeena, na mo iini kire rongo hunie, kire unu tahangaꞌinie oto oodoikie uri mei wala ngeena e tohungei toꞌohuu oto.

Hibru 7:25

Aena urinena, nge e toꞌo aana tohungei nanamanga huni haꞌa-uuri taꞌingelu hunie ahutaka mo iini nge kie ko lae mai saana a God, aena aana kie hiiwalaimoli aana. Na aena aana a Jisas mone e iiꞌo huu, oto e kaꞌa mou-mou ike aani aarengaꞌinge talaka.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

Jemes 5:15

Aana aarengaꞌinge aani hiiwalaimolinge e sai haꞌa-uurie mo mae-maeaꞌa, aana a God kei haꞌa-uurie na kei saeꞌaasie mo oorahaꞌaanga ingeie.

Jemes 5:20

Sulie omu saie oto uri mala nga iini ko tola aalihoꞌi mei aana nga iini e oorahaꞌaa mwaanie mo takalonga ingeie, nge ko haꞌarereꞌaa mwaanie taꞌena nga oorahaꞌaa ingeie na ko haꞌa-uurie maurihaꞌana mwaanie maenga.