1 Korinit 1:13 - Tataroha Diana

¹³ !Sei! !Omu ko oopaa oto sapena Kraes hailiu kaꞌu ngeena! ?Haꞌalaa omu loꞌongaꞌinie uri ineu a Pol ni nou mae honotamiu i lengine poꞌu-poꞌu? ?Na ohe uri omu loto maaꞌi oto aana sataku ni ngeena? !Haꞌike eena mwae!

1 Korinit 1:13 ပူးပေါင်းရင်းမြစ်များ

Matiu 28:19

Aena urine, omu ke lae, na omu ke da hunie taꞌena nga iinoni ni welumalau ke neꞌi pwaarongoisuli oto ineu. Omu ke loto maaꞌi aada aana satana a Mamaꞌa na a Kale na Liꞌoa Maaꞌi.

Matiu 3:6

Mwala ngeena kire ko haꞌahoue oto mo oorahaꞌaa ikire, oto a Jon ko si loto maaꞌi aada i laona wai peine i Jodan.

Palonga 10:48

Oto e si unue hunie mo iini peꞌie uri kire ke loto maaꞌi aana kira Konilias aana satana Jisas Kraes. Na mwala ngeena ko eitanaie a Pita uri ke iiꞌo kaꞌu peꞌire nga mo dinge loꞌu.

Palonga 19:5

Maholo kire rongo urine, kire ko loto maaꞌi oto aana satana Jisas Aalaha ikie.

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Uusu-uusu A Pol Hurula'aa Hunie Mo Rom 14:9

Aana a Kraes e mae na e taꞌelaꞌi eelihoꞌi loꞌu, uri hunie ke neꞌi Aalaha nana mwala nge kire mauri ue na mo iini e mae oto.

1 Korinit 1:15

Oto, nga iini hunie ke unue uri omu loto maaꞌi aana sataku haꞌike.

1 Korinit 10:2

Oto aena aana kire lae i sulie a Mosis i mamalutana mei uuru ngeena maholo kire liu holosie aasi, nge kire lado peꞌie a Mosis eena, mala ikie noꞌone kie lado peꞌie a Kraes aana loto-maaꞌinge.

2 Korinit 11:4

No ko maarara urine aena aana omu ko toliꞌaasie mola mwala ko lae mai huni ere i sulie ngaeta Jisas nge e aaopa mola mwaanie iini nge iꞌemeelu melu tarohaꞌinie kaꞌu huniꞌomu oto waite. Na omu ko ilenimwaꞌe mola peꞌie ngaeta taungei liꞌoa na ngaeta taungei tataroha diana nge kire tohungei aaopa oto hiitoꞌo mwaanie Liꞌoa Maaꞌi na Tataroha Diana a Jisas nge melu toolea mai huniꞌomu.

Kalesia 1:7

Taꞌe tataroha diana aaopa ngeena, nge pweai ola mola ni ngeena. Nou saie mola uri nga mwala ni mola kire ko sare huꞌisie Tataroha Diana a Kraes, na kire ko haꞌataipuꞌo-poꞌuꞌomu mola aana haꞌa-uusulinge takalo ikire.

Epesas 4:5

Kie mani toꞌo aana mola e taꞌa-taꞌa Aalaha, na e taꞌa-taꞌa tala mola aani hiiwalaimolinge, na e taꞌa-taꞌa loto-maaꞌinge mola.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.