1 Jon 4:8 - Tataroha Diana

⁸ Taꞌe iini nge e kaꞌa mana-manata diana, ingeie e kaꞌa saie ike a God, aana a God oto aahuꞌine manata-diananga.

1 Jon 4:8 ပူးပေါင်းရင်းမြစ်များ

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

Epesas 2:4

Taꞌe a God e aamasikie, na manata-diananga ingeie hunikie e tohungei peine liutaa.

Hibru 12:29

Aana God ikie ngeena e urihana dunge nge e sai weru suuheꞌinie taꞌena nga ola.

1 Jon 1:5

Na mei wala melu rongoa mwaanie a Kale kaꞌu oto melu ko haꞌarongoꞌomu aana nge uri a God oto raa-raa, na nga mei rodohono haꞌike loꞌu aana oto ooꞌoo.

1 Jon 2:4

Aana nga iini ko unue uri e manataꞌinie a God, taꞌe e kaꞌa tola i sulie mo haꞌatolanga ingeie, iini urine ingeie iinoni eero-eero mola na walaimolinge haꞌike aana.

1 Jon 2:9

Taꞌena nga iini ko unue uri ingeie i laona raa-raa, taꞌe ko ngiduupu mola hunie aasine aana hiiwalaimolinge, nge ingeie mola ue i laona rodohono hule oto molana.

1 Jon 3:10

Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.

1 Jon 3:6

Oto nga iini ko iiꞌo i lalo aana a Kraes, e saꞌa oora-oorahaꞌaa ike. Aana taꞌena nga iini nge ko talei lae peꞌi oorahaꞌaa mola, e kaꞌa tohungei leesie ike a Kraes wa ke manataꞌinie.

1 Jon 4:16

Aena urine, kie manataꞌinie manata-diananga nge a God e manata diana hunikie aana, na kie ko norutoꞌo oto aana. A God ingeie oto aahuꞌine manata-diananga, na iini ko iiꞌo susu aana manata-diananga, nge ko iiꞌo susu aana God otona, na a God ko iiꞌo susu oto aana.

1 Jon 4:7

Maeni iinoni maaꞌi ineu, kie ke manata diana hunikie hailiu, aana manata-diananga e uure aana God. Taꞌena nga iini ko mana-manata diana, nge ko haataꞌinie uri ingeie oto kalena a God na e saie a God.