1 Jon 4:7 - Tataroha Diana

⁷ Maeni iinoni maaꞌi ineu, kie ke manata diana hunikie hailiu, aana manata-diananga e uure aana God. Taꞌena nga iini ko mana-manata diana, nge ko haataꞌinie uri ingeie oto kalena a God na e saie a God.

1 Jon 4:7 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 13:34

“Oto ie no ko niie haꞌatolanga haalu huniꞌomu. Omu ke manata diana huniꞌomu heiliu. Mala oto ineu, nou manata diana kaꞌu huniꞌomu, nge iꞌomu noꞌone omu ke manata diana huniꞌomu urine.

Tataroha Diana I Sulie A Jisas Kraes Nge A Jon E Uusue 17:3

Na loꞌongaꞌinge aana maurihe huu ngeena, uri hunie mwala ke sai diana aamu, taꞌa-taꞌa God oto toꞌohuu, na uri kire ke saieu noꞌone, a Jisas Kraes, iini o uusungeꞌinie mai.

1 Korinit 8:3

Taꞌe mala nga iini ko manata diana, nge e tohungei sai ola oto.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

Kalesia 4:9

Taꞌe maholo ienini, omu sai diana aana oto a God, na nga taa nge e diana loꞌu liutaa, nge a God e sai diana aamiu oto. ?Oto e ue? ?Uri omu ko sare ooli loꞌu i mamalutana mo haꞌatolanga aana mo liꞌoa ni welumalau, nge hule aana kire mamaelaꞌa mola na kire neꞌie mola mei ola mwaakule? ?Wa saemiu omu ke neꞌi koni-konihe loꞌu mola nada mala holaꞌinaꞌo?

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

2 Timoti 1:7

Aana maꞌunge e kaꞌa uure ike mwaanie Liꞌoa Maaꞌi nge a God e niie mai naka. Taꞌe Liꞌoa Maaꞌi ko niie nanamanga hunie kie ke adona asunge a God, na hunie kie ke manata diana hunie mwala, na hunie kie ke kinetaꞌinie tolahaka maraaka mwaanie kie dau aaela.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Jon 2:10

Taꞌena nga iini nge ko manata diana hunie aasine i lalo aana Kraes, nge ingeie e iiꞌo i laona raa-raa na nga taꞌa-taꞌa mei ola huni haꞌatataroa mwala mwaanie hiiwalaimolinge haꞌike loꞌu aana.

1 Jon 2:29

Omu saie oto uri a Kraes ingeie e oodotaꞌi. Oto e malisine uri omu ke saie loꞌu uri ahutana mo kalena God, helelada e oodotaꞌi noꞌone.

1 Jon 2:3

Kie ke si saie uri kie manataꞌinie a God, mala uri kie ko tola i sulie mo haꞌatolanga ingeie.

1 Jon 2:4

Aana nga iini ko unue uri e manataꞌinie a God, taꞌe e kaꞌa tola i sulie mo haꞌatolanga ingeie, iini urine ingeie iinoni eero-eero mola na walaimolinge haꞌike aana.

1 Jon 2:7

Maeni eesiku, mei haꞌatolanga nge no ko uusue huniꞌomu ie, e kaꞌa mei ola haalu ike. Mei haꞌatolanga lalahuꞌe omu toꞌo aana taane oto uure mai maholo omu aehota hiiwalaimoli, na mei haꞌa-uusulinge omu rongoa taane oto.

1 Jon 3:9

A tei nge e neꞌie oto kalena God, e kaꞌa oora-oorahaꞌaa ike, aena aana mei epu a God oto i lalo aana. Na aena aana a God oto aamana, e aasa hunie kei oorahaꞌaa loꞌu.

1 Jon 4:11

Maeni eesiku maaꞌi, oto mala a God e manata diana hunikie urine, nge ikie noꞌone kie ke manata diana hunikie hailiu.

1 Jon 4:12

Maꞌalana nga taꞌa-taꞌa iinoni e kaꞌa leesie ue a God, taꞌe mala uri kie ko manata diana hunikie hailiu, nge a God ke si iiꞌo oto i lalo aaka, na manata-diananga ingeie ko tohungei eehu diana oto i lalo aaka.

1 Jon 4:16

Aena urine, kie manataꞌinie manata-diananga nge a God e manata diana hunikie aana, na kie ko norutoꞌo oto aana. A God ingeie oto aahuꞌine manata-diananga, na iini ko iiꞌo susu aana manata-diananga, nge ko iiꞌo susu aana God otona, na a God ko iiꞌo susu oto aana.

1 Jon 4:20

Mala nga iini ko unue uuri, “Nou manata diana hunie a God,” taꞌe ko ngiduupu mola hunie aasine, ingeie ngeena iinoni eero-eero mola. Aana e aasa kei manata diana hunie a God, iini e kaꞌa lee-leesie, mala uri e kaꞌa sai manata diana hunie aasine, iini nge ko lee-leesie tarau.

1 Jon 4:8

Taꞌe iini nge e kaꞌa mana-manata diana, ingeie e kaꞌa saie ike a God, aana a God oto aahuꞌine manata-diananga.

1 Jon 5:1

Taꞌena nga iini ko hiiwalaimoli aana a Jisas uri ingeie a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai, nge iinoni ngeena e hute haalu mala ngaeta kalena God. Na taꞌena nga iini ko manata diana hunie Mamaꞌa i Lengi, nge ke manata diana noꞌone hunie mo iini nge e hute aana.

2 Jon 1:5

Mei wala no ko unue huniꞌomu ienini, keni diana ineu, nga mei ola haalu haꞌike, taꞌe mei haꞌatolanga kie rongoa oto i naꞌo uure aana maholo kie holaꞌi hiiwalaimoli aana Jisas, uri kie ke manata diana hunikie hailiu.