1 Jon 4:17 - Tataroha Diana

¹⁷ Na mala uri manata-diananga ingeie ke tohungei eehu diana oto i lalo aaka urine, na iiꞌolaka mai welumalau ke urihana tolahana a Kraes, nge kie saꞌa maꞌuteꞌinie ike uuranga i naꞌona God aana hai dinge ni leinge.

1 Jon 4:17 ပူးပေါင်းရင်းမြစ်များ

Matiu 10:15

No ko unue oto huniꞌomu, aana dinge ni leinge, haꞌaloilana mwala aana huilume ngeena kei aaela loꞌu hiitoꞌo liutaa aana haꞌaloinge nge kei lae hunie mwala tataꞌala aana e ro huilume i Sodom na i Komora.”

Matiu 10:25

E malisine uri tolahana pwaarongoisuli ke urihana oto haꞌa-uusuli ingeie, na koni-konihe ke urihana oto aalaha ingeie. Ineu oto pwaune nume ikolu, na oto mala mwala ko haaraꞌinieu aana naꞌohana mo liꞌoa aaela, iꞌomu, mwala aana nume kire ke si haaraꞌi aaelasiꞌomu loꞌu liutaa.

Matiu 11:22

No ko unue oto huniꞌomu uri aana dinge ni leinge a God kei aamasie mo iinoni tataꞌala i Taea na i Saedon loꞌu liutaa aamiu.

Matiu 11:24

No ko unue oto huniꞌomu uri aana dinge ni leinge haꞌamotaahilemiu kei lae loꞌu liutaa aana i Sodom.”

Matiu 12:36

“No ko unue oto huniꞌomu uri aana dinge ni leinge taꞌena nga mei wala oto mola mo iinoni ko talei unu-unue, iidumileni kei lae.

Tataroha Diana I Sulie A Jisas Kraes Nge A Jon E Uusue 15:20

Omu ke aamasitoꞌo aana mei wala nou unue kaꞌu huniꞌomu uri nga koni-konihe e kaꞌa paine ike loꞌu liutaa aana aalaha ingeie. Oto mala uri mwala aana walumalau ngeena ko teungeꞌinieu, nge kire kei teungeꞌiniꞌomu noꞌone. Mala uri kire ke tola i sulie mo haꞌatolanga ineu, haꞌalaa kire kei tola i sulie noꞌone mo haꞌatolanga iꞌomu.

Tataroha Diana I Sulie A Jisas Kraes Nge A Jon E Uusue 17:22

Oto mei menikuluꞌanga nge o niie hunieu, nou heꞌi niie loꞌu hunire, uri hunie kire ke neꞌie oto nga taꞌa-taꞌa iini mala oto ikure taꞌa-taꞌa iinoni.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

Hibru 9:27

Aana iinoni ko mae mola hautaꞌai, na mai puri a God kei leie.

Jemes 2:13

Aena ngeena omu ke haataꞌinie hai-aamasinge iꞌomu oto hunie mo iinoni, aana a God e saꞌa haataꞌinie ike loꞌu hai-aamasinge ingeie aana maholo kei leie mo iini nge kire kaꞌa sai hei aamasi. Taꞌe mo iini nge kire haataꞌinie hai-aamasinge, nge kire kei uure na kire saꞌa maꞌu ike aana maholo a God kei leire.

Jemes 2:22

Nge o leesie hiiwalaimolinge a Ebraham na mo ola nge e asuiꞌi kire mani lae tararuru. Nge e si haꞌawalaimoliꞌaa hiiwalaimolinge ingeie aana nga taa diana e asuie.

2 Pita 2:9

Oto urine kie sai leesie uri mo iini kire ko esu nana a God maꞌalana ko aasa uri taa, taꞌe a God e sai haꞌa-uurire mola mwaanie mo siꞌohaꞌanga ikire. Na a God e sai hele aakau aana haꞌaloinge hunie mo iini tataꞌala loosie Dinge Ni Leinge.

2 Pita 3:7

Oto aana taꞌa-taꞌa mei wala a God noꞌone mola, nge salo na aano huu kire iiꞌo siꞌiri, na nanamanga aana walana mola nge ko hele aadarue loosie Dinge Ni Leinge. Aana maholona dunge kei lae mai huni weru suuheꞌinie walumalau na ahutana mo iinoni nge kire kaꞌa manataꞌinie ike a God.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

1 Jon 2:5

Taꞌe iinoni nge ko tola i sulie walana a God, ingeie oto iini nge ko tohungei manata diana hunie a God toꞌohuu. Aana urine nge kie ke si manataꞌinie uri ikie mo iinoni ingeie toꞌohuu.

1 Jon 2:6

Aana nga iini ko unue uri ingeie oto iinoni a God, nge ke iiꞌo oodotaꞌi oto mala a Jisas Kraes e oꞌoꞌo kaꞌu.

1 Jon 3:1

!Leesie kaꞌu! Aamaka i Lengi e tohungei manata diana paine hunikie mo iini kie ko lulu i sulie a Jisas. Manata-diananga ingeie hunikie e paine liutaa, kaꞌu hule aana e haaraꞌinikie oto aana maeni kalena, na e kaꞌa satai ola mwaakule mola, taꞌe ikie mo kalena oto toꞌohuu. Na aena aana mwala aana walumalau kire kaꞌa manataꞌinie ike a God, nge kire kaꞌa manataꞌinikie noꞌone.

1 Jon 3:3

Na ahutaka nge kie ko lio-lio peꞌie maaꞌoohinge loosie maholo ngeena, kie ko kinetaꞌinikie hunie kie ke iiꞌo rereꞌa oto mala a Kraes e rereꞌa.

1 Jon 3:7

Maeni mwela ineu, suꞌuri toliꞌaasie nga iini ke haꞌatakaloꞌomu. Aana iini nge helelana e lae oto i sulie oodotaꞌinge, iini urine e oodotaꞌi oto, mala kaꞌu oto a Kraes e oodotaꞌi.

1 Jon 4:12

Maꞌalana nga taꞌa-taꞌa iinoni e kaꞌa leesie ue a God, taꞌe mala uri kie ko manata diana hunikie hailiu, nge a God ke si iiꞌo oto i lalo aaka, na manata-diananga ingeie ko tohungei eehu diana oto i lalo aaka.