1 Jon 4:16 - Tataroha Diana

¹⁶ Aena urine, kie manataꞌinie manata-diananga nge a God e manata diana hunikie aana, na kie ko norutoꞌo oto aana. A God ingeie oto aahuꞌine manata-diananga, na iini ko iiꞌo susu aana manata-diananga, nge ko iiꞌo susu aana God otona, na a God ko iiꞌo susu oto aana.

1 Jon 4:16 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 6:69

Melu hiiwalaimoli oto aamu, na melu saie uri iꞌoe oto Iini Maaꞌi e uure mai mwaanie a God.”

Tataroha Diana I Sulie A Jisas Kraes Nge A Jon E Uusue 9:3

A Jisas e aalamire oto ko teꞌuri, “Ulunge ingeie ngeena, kaꞌa ike i tehulaꞌana nga mei oorahaꞌaanga ingeie maraana wa uri e ro mauꞌana ingeie. E ulu urine hunie uri haataꞌinilana nanamanga a God ke lae maholo haꞌa-uurilana kei lae.

1 Korinit 2:9

Taꞌe leune ko haataꞌinie oto uri Uusu-uusu Maaꞌi ko ere toꞌohuu aana e unue uuri, A God e dau aakau aana mei ola nge e diana liutaa hunie mo iini nge a God maraana e manata diana hunire. Na mei ola diana ngeena nga iini e kaꞌa leesie ue, wa nga iini ke rongoa, wa ke loꞌo-loꞌongaꞌinie uri kei reu. Aesaea 64:4

1 Jon 3:1

!Leesie kaꞌu! Aamaka i Lengi e tohungei manata diana paine hunikie mo iini kie ko lulu i sulie a Jisas. Manata-diananga ingeie hunikie e paine liutaa, kaꞌu hule aana e haaraꞌinikie oto aana maeni kalena, na e kaꞌa satai ola mwaakule mola, taꞌe ikie mo kalena oto toꞌohuu. Na aena aana mwala aana walumalau kire kaꞌa manataꞌinie ike a God, nge kire kaꞌa manataꞌinikie noꞌone.

1 Jon 3:16

Na kie ko si lio saie tohungana manata-diananga aena aana a Kraes e toliꞌaasie mangona i tehulaꞌaka. Oto ikie noꞌone kie ke mwaꞌe-mwaꞌe ni mae huni peꞌie mo eesike.

1 Jon 3:24

Mo iini ko tola i sulie mo haꞌatolanga ingeie, nge kire iiꞌo oto i lalo aana, na ingeie oto i lalo aada. Na Liꞌoa Maaꞌi nge a God e niie hunikie ko haataꞌinie aaka uri ko iiꞌo toꞌohuu oto peꞌikie.

1 Jon 4:7

Maeni iinoni maaꞌi ineu, kie ke manata diana hunikie hailiu, aana manata-diananga e uure aana God. Taꞌena nga iini ko mana-manata diana, nge ko haataꞌinie uri ingeie oto kalena a God na e saie a God.