1 Jon 3:22 - Tataroha Diana

²² Na a God kei niie mola nga taa kie ko sukaa aana, aena aana kie ko tola i sulie mo haꞌatolanga ingeie, na kie ko esuie mo ola e saetoꞌo aani.

1 Jon 3:22 ပူးပေါင်းရင်းမြစ်များ

Matiu 17:5

Maholo a Pita ko ere-ere ue urine, na mei uuru rereꞌa ko lae oto mai haahire, na mei wala e uure mwaanie mei uuru ngeena ko unue oto uuri, “Tohungei kaleku oto ienini, iini nou tohungei ilenimwaꞌe haahie. Omu ke rongo hunie.”

Matiu 21:22

Aana mala omu ko hiiwalaimoli toꞌohuu aana a God, taꞌe-taꞌena nga mei ola mala omu ko sukaa aani aarengaꞌinge, a God e sai niie mola huniꞌomu.”

Tataroha Diana I Sulie A Jisas Kraes Nge A Mak E Uusue 11:24

Oto aena ngeena no ko unue huniꞌomu uri aana maholo omu ko aarengaꞌi na omu ko sukaa nga mei ola aana a God, omu ke norutoꞌo oto uri omu hele aana oto, na niilana nga taa omu sukaa kei lae oto huniꞌomu.

Tataroha Diana I Sulie A Jisas Kraes Nge A Jon E Uusue 14:13

Na mala uri omu ko sukaa nga mei ola i tehulaꞌana hiiwalaimolinge iꞌomu eeku, ne kei da mola huniꞌomu, hunie mwala ke si soi haꞌamanikuluꞌaa a God i tehulaꞌaku a Kale.

Tataroha Diana I Sulie A Jisas Kraes Nge A Jon E Uusue 15:10

Mala omu ko tola i sulie mo haꞌatolanga ineu, haꞌalaa omu ko iiꞌo susu i laona manata-diananga ineu, mala oto ineu nou lulu i sulie mo haꞌatolanga Aamaku na nou iiꞌo i laona manata-diananga ingeie.

Tataroha Diana I Sulie A Jisas Kraes Nge A Jon E Uusue 15:7

Mala uri omu ke iiꞌo susu oto aaku na walaku ke iiꞌo susu oto aamiu, nge omu sai sukaa taꞌena nga mei ola saemiu hunie, na niilana kei lae oto huniꞌomu.

Tataroha Diana I Sulie A Jisas Kraes Nge A Jon E Uusue 6:29

Oto a Jisas ko aalamire uuri, “Nga taa a God e saetoꞌo aana oto uri omu ke hiiwalaimoli mola aaku, aana e uusungeꞌinieu mei.”

Tataroha Diana I Sulie A Jisas Kraes Nge A Jon E Uusue 8:29

Na iini e uusungeꞌinieu mei, ingeie taane peꞌieu, e kaꞌa toliꞌaasieu ike mola maraaku, aena aana no ko hele i sulie saena mola tarau.”

Tataroha Diana I Sulie A Jisas Kraes Nge A Jon E Uusue 9:31

Kie mani saie uri a God e kaꞌa sai rongo ike hunie kira oorahaꞌaala, taꞌe e sai rongo mola hunie mo iini kire manataꞌinie a God na ko deu i sulie saena.

Palonga 17:30

Wau i naꞌo maholo mwala kire kaꞌa lio saie ue a God, e kaꞌa haꞌaloire ike. Taꞌe maholo ienini nge ko tohungei ere hiitoꞌo hunie ahutana mwala i laona walumalau uri kire ke oonisae mwaanie mo oorahaꞌaa ikire.

Palonga 20:21

Na nou tohungei ere hiitoꞌo hunie ahutana mwala, maꞌalana mo Jiu wa mo Aapoloa Aaopa, uri kire ke oonisae mwaanie mo oorahaꞌaanga ikire na kire ke aaliꞌu mei takoie a God na kire ke hiiwalaimoli aana Jisas, Aalaha ikie.

Pilipae 4:18

Nou leesie taane nga taa omu haꞌatolaa mai, na niinge iꞌomu e lae liutaa aana loꞌu nga taa nou saetoꞌo aana. Oto nou kaꞌa saetoꞌo aana ike loꞌu nga mei ola, aena aana a Epaprodaetas e pwani niie oto peꞌinge iꞌomu hunieu. Niinge iꞌomu e urihana oto uuraaꞌinge e wasu mangoni nge a God ko ilenimwaꞌe haahie.

Kolosi 1:10

Melu ko eiꞌeitanai urine hunie omu ke iiꞌo oto aana tolahai ola e malisine mo iinoni maaꞌi a Aalaha, na hunie asunge iꞌomu ke toꞌohie saena a God. Urine nge omu ke si haꞌahungeꞌaa loꞌu taꞌena nga asunge diana, na omu ke sai diana aana a God.

Jemes 1:5

Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.

Jemes 4:3

Na loꞌu maholo omu ko suke, nge omu kaꞌa toꞌo aana ike nga taa omu susukaa, sulie sukanga iꞌomu kaꞌa kohi ike. Omu heri hunie mola mo ola huni haꞌa-oaie mo saehanalinge iꞌomu mola maraamiu.

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

1 Jon 2:3

Kie ke si saie uri kie manataꞌinie a God, mala uri kie ko tola i sulie mo haꞌatolanga ingeie.

1 Jon 5:14

Na hiiwalaimolinge ikie aana God otona, uri kie ko sukaa taꞌena nga mei ola i sulie saena, na ko rongo oto hunikie.