1 Jon 3:10 - Tataroha Diana

¹⁰ Oto i leune kie sai lio saie uri a tei nge e neꞌi kalena God, na a tei e neꞌi kalena a Pwelu Eero-eero. Aana taꞌena nga iini nge helelana e kaꞌa oodotaꞌi, wa ke manata diana hunie aasine, ingeie nga kalena God haꞌike.

1 Jon 3:10 ပူးပေါင်းရင်းမြစ်များ

Matiu 13:38

na hohola walumalau eena. Litei ola diana mwala aana Aalahanga a God eena, na mo rea oto mo iinoni a Satan,

Tataroha Diana I Sulie A Jisas Kraes Nge A Luk E Uusue 6:35

!Taꞌe haꞌike! Omu ke manata diana hunie mo maelonga iꞌomu na omu ke dau diana hunire. Omu ke nii-nii na omu ke suꞌuri loꞌongaꞌinie loꞌu suꞌuleni eelihoꞌi huniꞌomu. Mala uri omu kei teꞌurine nge waaitemiu ke si peine loꞌu liutaa, na omu ke si neꞌi kalena God, iini e paine liutaa. Aana ingeie noꞌone hule aana e diana hunie mo iini e oorahaꞌaala na mo iini kaꞌa sai paalahea.

Tataroha Diana I Sulie A Jisas Kraes Nge A Jon E Uusue 1:12

Taꞌe ngaeta mo iini kire takuhie taane, na kire hiiwalaimoli oto aana. Oto e asuie uri ikire oto, kire ke neꞌie mo kalena God.

Tataroha Diana I Sulie A Jisas Kraes Nge A Jon E Uusue 11:52

Na e kaꞌa ike mola honotana mo Jiu hahaiteli, taꞌe huni lokoa ahutana mo iinoni a God nge kire iiꞌo tatanga i laona walumalau hunie kire ke neꞌie taꞌa-taꞌa iinoni.

Tataroha Diana I Sulie A Jisas Kraes Nge A Jon E Uusue 8:44

Iꞌomu oto mo kalena a Pwelu Eero-eero, na saemiu uri omu ke lae mola i sulie mo neꞌisaenga ingeie. Oto tarau, ingeie iini e talei horo mola, na e leledie walaimolinge, aena aana walaimolinge haꞌike noꞌone aana. Maholo ko ere aani eeronga, nge ko ere-ere oto aana tohungana erenga ni henue ingeie eena, aena aana ingeie iinoni eero-eero, na ingeie aamana oto mo eeronga.

Tataroha Diana I Sulie A Jisas Kraes Nge A Jon E Uusue 8:47

Nga iini oto e uure aana God haꞌalaa ko rongo hunie walana God. Taꞌe iꞌomu, omu kaꞌa sare rongo ike hunie walana, aena aana iꞌomu mone nga mo iini a God haꞌike.”

Palonga 13:10

na ko teꞌuri “!Mwae, iꞌoe kalena a Pwelu Eero-eero oto toꞌohuu! Ahutana walu ola oodo o meni lelediꞌi mango mola, na o tohungei honu mola aana eeronga na pwelu-walanga. ?Aana e ue o ko deu aahonga huni huꞌisie walana God nge e walaimoli hunie ke rongo mala eeronga?

Uusu-uusu A Pol Hurula'aa Hunie Mo Rom 13:8

Omu ke suꞌu mangoa ahutana mo kaoni nge mwala kire toliꞌaasiꞌi huniꞌomu. Taꞌe taꞌa-taꞌa mei ola mola ke iiꞌo tarau hunie omu ke suꞌue hunie taꞌena nga iini, nge manata-diananga ni otona. Aena aana taꞌena nga iini ko manata diana hunie mwala, ingeie ko haꞌa-oaie oto ahutana mo Haꞌatolanga a God.

Epesas 5:1

Mala mo mwela ko heimaanie mo aamada, nge iꞌomu noꞌone omu ke haimaanie Aamamiu i Lengi, nge e tohungei manata diana hiitoꞌo huniꞌomu.

Kolosi 3:14

Oto loꞌu sapeitana mo iinine, omu ke manata diana huniꞌomu heiliu. Aana manata-diananga oto mola nge e tohungei sai hele lokoꞌomu hunie iiꞌo-rurunge i sulie mo tala ngeena.

1 Timoti 1:5

Aena aana nga taa no ko sare haꞌa-uusulire aana ngeena, nge mola hunie kire ke mana-manata diana hunire hailiu aani sae manola, na aani manatanga rereꞌa, na aani hiiwalaimolinge toꞌohuu.

1 Jon 2:29

Omu saie oto uri a Kraes ingeie e oodotaꞌi. Oto e malisine uri omu ke saie loꞌu uri ahutana mo kalena God, helelada e oodotaꞌi noꞌone.

1 Jon 3:1

!Leesie kaꞌu! Aamaka i Lengi e tohungei manata diana paine hunikie mo iini kie ko lulu i sulie a Jisas. Manata-diananga ingeie hunikie e paine liutaa, kaꞌu hule aana e haaraꞌinikie oto aana maeni kalena, na e kaꞌa satai ola mwaakule mola, taꞌe ikie mo kalena oto toꞌohuu. Na aena aana mwala aana walumalau kire kaꞌa manataꞌinie ike a God, nge kire kaꞌa manataꞌinikie noꞌone.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.

1 Jon 4:21

Na a Kraes e niie haꞌatolanga hunikie uuri, “A tei ko manata diana hunie a God, ke manata diana noꞌone hunie aasine.”

1 Jon 4:6

Taꞌe ikie mo iini oto a God. A tei nge e saie a God, nge kei rongo hunikie, taꞌe a tei nge e kaꞌa saie a God, nge e saꞌa rongo ike hunikie. Oto i leune loꞌu, kie ke si lio saie liꞌoa aani walaimolinge na liꞌoa aani eeronga.

1 Jon 4:8

Taꞌe iini nge e kaꞌa mana-manata diana, ingeie e kaꞌa saie ike a God, aana a God oto aahuꞌine manata-diananga.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.

1 Jon 5:2

Mala uri kie ko manata diana hunie a God peꞌi tola i sulilana mo haꞌatolanga ingeie, nge kie saie uri kie ke manata diana noꞌone hunie mo kalena God.

3 Jon 1:11

Oto o ke suꞌuri heimaanie mo tolahai iinoni aaela urine, malahuku, taꞌe o ke lae mola i sulie tolahai iinoni diana. Aana iini nge ko lae i sulie tolahai iinoni diana, nge ingeie iinoni a God otona. Taꞌe iini nge ko lae i sulie tolahai iinoni aaela, nge e kaꞌa manataꞌinie ike a God.