1 Jon 2:7 - Tataroha Diana

⁷ Maeni eesiku, mei haꞌatolanga nge no ko uusue huniꞌomu ie, e kaꞌa mei ola haalu ike. Mei haꞌatolanga lalahuꞌe omu toꞌo aana taane oto uure mai maholo omu aehota hiiwalaimoli, na mei haꞌa-uusulinge omu rongoa taane oto.

1 Jon 2:7 ပူးပေါင်းရင်းမြစ်များ

Matiu 5:43

Oto a Jisas ko lae peꞌi haꞌa-uusuli loꞌu uuri, “Na omu rongoa oto noꞌone uuri, ‘Omu ke manata diana hunie mo malahumiu, Levitikas 19:18 na omu ke ngiduupu hunie mo maelonga iꞌomu.’

Tataroha Diana I Sulie A Jisas Kraes Nge A Jon E Uusue 13:34

“Oto ie no ko niie haꞌatolanga haalu huniꞌomu. Omu ke manata diana huniꞌomu heiliu. Mala oto ineu, nou manata diana kaꞌu huniꞌomu, nge iꞌomu noꞌone omu ke manata diana huniꞌomu urine.

Palonga 17:19

Oto kire toolea a Pol i naꞌona pulitaa ni lei-lei nge kire haaraꞌinire aana Ariopagas, na kire ko dolosi aana, kire ko teꞌuri, “Melu ko sare saie mei haꞌa-uusulinge haalu nge o ko laengaꞌinie ngeena.

Hibru 6:9

Maeni eesiku maaꞌi, maꞌalana uri melu ko ere hiitoꞌo huniꞌomu urine, taꞌe melu sai diana aana taane mola uri omu ko lulu i sulie ue tala takoie maurihe ngeena.

1 Jon 2:24

Omu ke kinetaꞌinie saemiu hunie nga taa nge omu rongoa oto uure mai aehotalana ke iiꞌo susu oto aamiu. Aana mala uri omu ke hiiwalaimoli taraꞌasi, haꞌalaa omu ko iiꞌo susu peꞌie a Kale na a Mamaꞌa.

1 Jon 3:11

Uure oto mai aana maholo omu aehota hiiwalaimoli, omu rongoa oto tarau uri kie ke manata diana hunikie hailiu.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.

1 Jon 3:21

Oto maeni malahuku, mala uri kie saie uri manataka e taha mola mwaanie roroꞌanga, nge kie saꞌa maꞌuteꞌinie ike laenga mai peꞌie nga mei neꞌisaenga huni sukaa aana a God.

1 Jon 3:23

Na mei haꞌatolanga ingeie ni otona, uri hunie kie ke hiiwalaimoli aana Kalena, a Jisas Kraes, na hunie kie ke manata diana hunikie hailiu, mala e unue oto hunikie.

1 Jon 4:1

Maeni malahuku, omu ke suꞌuri hiiwalaimoli aana ahutana mo propet nge kire ko unue uri kire ko ere oolitana a God, aana mo propet eero-eero hunge kire ko lae hailiu i laona walumalau, na mo liꞌoa eero-eero mola nge aada. Oto omu ke holaꞌi oohongie kaꞌu mo propet ngeena, hunie omu ke lio saie uri kire uure taane aana God toꞌohuu wa haꞌike.

1 Jon 4:11

Maeni eesiku maaꞌi, oto mala a God e manata diana hunikie urine, nge ikie noꞌone kie ke manata diana hunikie hailiu.

1 Jon 4:21

Na a Kraes e niie haꞌatolanga hunikie uuri, “A tei ko manata diana hunie a God, ke manata diana noꞌone hunie aasine.”

1 Jon 4:7

Maeni iinoni maaꞌi ineu, kie ke manata diana hunikie hailiu, aana manata-diananga e uure aana God. Taꞌena nga iini ko mana-manata diana, nge ko haataꞌinie uri ingeie oto kalena a God na e saie a God.