1 Jon 2:6 - Tataroha Diana

⁶ Aana nga iini ko unue uri ingeie oto iinoni a God, nge ke iiꞌo oodotaꞌi oto mala a Jisas Kraes e oꞌoꞌo kaꞌu.

1 Jon 2:6 ပူးပေါင်းရင်းမြစ်များ

Matiu 11:29

Omu ke lae mai huni aangaꞌinie tori aana haꞌa-uusulinge ineu, na omu ke neꞌi pwaarongoisuli ineu. Aena aana ineu, nou maneko na nou haꞌamwai-mweiꞌaau toꞌohuu. Na omu ke si lio oodoie mamalonga hunie maurihaꞌamiu i seeku. Jeremaea 6:16

Tataroha Diana I Sulie A Jisas Kraes Nge A Jon E Uusue 13:15

Aana nga taa nou esuie ienini e neꞌie oto nga haꞌamalanga huniꞌomu, hunie omu ke haimaanie tolahaku, na omu ke haꞌamwai-mweiꞌaꞌomu mola hunie omu ke peꞌi-peꞌiꞌomu heiliu.

Tataroha Diana I Sulie A Jisas Kraes Nge A Jon E Uusue 15:10

Mala omu ko tola i sulie mo haꞌatolanga ineu, haꞌalaa omu ko iiꞌo susu i laona manata-diananga ineu, mala oto ineu nou lulu i sulie mo haꞌatolanga Aamaku na nou iiꞌo i laona manata-diananga ingeie.

1 Korinit 11:1

Oto omu ke lae i sulie tolahaku mala ineu no ko lae i sulie tolahana a Kraes.

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

1 Pita 2:21

Iau, omu ke teteꞌurine aana a God e soiꞌomu oto huni esunge urine, na hule aana a Kraes e lae peꞌi sapesalu oto liutaa i tehulaꞌamiu urine noꞌone. Oto e haataꞌinie uuri-uurite ngeena huniꞌomu ni uuri i sulie.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

1 Jon 2:4

Aana nga iini ko unue uri e manataꞌinie a God, taꞌe e kaꞌa tola i sulie mo haꞌatolanga ingeie, iini urine ingeie iinoni eero-eero mola na walaimolinge haꞌike aana.

1 Jon 3:24

Mo iini ko tola i sulie mo haꞌatolanga ingeie, nge kire iiꞌo oto i lalo aana, na ingeie oto i lalo aada. Na Liꞌoa Maaꞌi nge a God e niie hunikie ko haataꞌinie aaka uri ko iiꞌo toꞌohuu oto peꞌikie.

1 Jon 3:6

Oto nga iini ko iiꞌo i lalo aana a Kraes, e saꞌa oora-oorahaꞌaa ike. Aana taꞌena nga iini nge ko talei lae peꞌi oorahaꞌaa mola, e kaꞌa tohungei leesie ike a Kraes wa ke manataꞌinie.

1 Jon 4:17

Na mala uri manata-diananga ingeie ke tohungei eehu diana oto i lalo aaka urine, na iiꞌolaka mai welumalau ke urihana tolahana a Kraes, nge kie saꞌa maꞌuteꞌinie ike uuranga i naꞌona God aana hai dinge ni leinge.