1 Jon 2:15 - Tataroha Diana

¹⁵ Omu ke suꞌuri manata diana hunie walumalau, wa nga mei ola loꞌu aana walumalau. Mala uri omu ko manata diana hunie walumalau, nge omu kaꞌa manata diana ike hunie a Mamaꞌa.

1 Jon 2:15 ပူးပေါင်းရင်းမြစ်များ

Matiu 4:8

Oto a Satan ko heꞌi toolea loꞌu a Jisas hunie toloi henue e lai lengi liutaa, na ko haataꞌinie aana ahutana mo henue paine aana walumalau ie, na oto taꞌena nga ola manikuluꞌe aani.

Matiu 6:24

“Na e urine loꞌu aana nga taꞌa-taꞌa koni-konihe e saꞌa roroꞌa asu susuleꞌi ike nana nga ro poro paine hai aaopaꞌi. Aana kei manata diana mola hunie eetana nga iini, na kei ngiduupu hunie ruana nga iini, wa kei haꞌamaꞌu mola aana ruana nga iini, na kei maaleledie eetana nga iini. Oto e tohungei aasa hunie omu kei neꞌisae haꞌamaꞌu aana a God na toꞌo-toꞌonga aana walumalau ie mala uri e ro poro paine iꞌomu.”

Tataroha Diana I Sulie A Jisas Kraes Nge A Luk E Uusue 16:13

Nga taꞌa-taꞌa koni-konihe e saꞌa roroꞌa asu susuleꞌi ike nana nga ro poro paine hai aaopaꞌi. Aana kei manata diana mola hunie eetana nga iini, na kei ngiduupu hunie ruana nga iini, wa kei haꞌamaꞌu mola aana ruana nga iini, na kei maaleledie eetana nga iini. Oto e tohungei aasa hunie omu kei neꞌisae haꞌamaꞌu aana a God na toꞌo-toꞌonga aana walumalau ie mala e ro poro paine iꞌomu.”

Tataroha Diana I Sulie A Jisas Kraes Nge A Jon E Uusue 15:19

Mala uri omu ke neꞌie mo iinoni aana walumalau, haꞌalaa walumalau e sai manata diana oto huniꞌomu, mala e manata diana hunie ahutana mo iini ingeie nge kire kaꞌa lae ike i sulie a God. Taꞌe aena aana omu kaꞌa uure ike aana walumalau, taꞌe nou lio hilisiꞌomu mwaanie walumalau, oto aena mei olana nge walumalau ko si ngiduupu huniꞌomu.

Uusu-uusu A Pol Hurula'aa Hunie Mo Rom 12:2

Na mwaanie omu toliꞌaasiꞌomu maraamiu mola huni lae i sulie tolahana walumalau ie, taꞌe omu ke toliꞌaasie a God ke oolisie saemiu, na ke niie nga mo neꞌisaenga haalu nemiu. Aana tolahai ola urine haꞌalaa omu ko lio saie nga taa a God e saetoꞌo aana. Oto omu kei saie nga moi taa kire diana na kire oodotaꞌi nge a God ko ilenimwaꞌe haahiꞌi.

Kalesia 1:10

?Uri no ko ere urine aana no ko sare da mola mwala ke saetoꞌo aaku? ?Wa ohe omu loꞌongaꞌinie uri no ko sare haꞌasaedianaꞌaa mola mo iinoni? !Haꞌike oto ooꞌoo! Mala uri no ko sare haꞌasaedianaꞌaa mola mo iinoni, nge e tohungei aasa hunie ne kei neꞌi mwane auꞌesu nana a Kraes. Taꞌe ineu, no ko sare haꞌasaedianaꞌaa mola a God.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

1 Timoti 6:10

Na saehanalilana toꞌoha oto aahuꞌine taꞌena nga aaelanga. Na ngaeta mo iinoni kire toliꞌaasie oto hiiwalaimolinge ikire aena aana kire ko saehanalie mola uri toꞌo-toꞌolada ke paine loꞌu liutaa. Taꞌe aana kire ko teꞌurine, nge kire ko si esuie mola mo saehuunge ikire ko peine loꞌu liutaa.

Jemes 1:27

Taꞌe asunge toꞌohuu aana soihaadaꞌinge nge a God Aamaka e saetoꞌo aana oto uri huni peꞌie mo reiꞌinge, na mo nao nge kire maitale, na huni kinetaꞌiniꞌo maraamu mwaanie tataꞌalanga aana walumalau.

Jemes 4:4

!Iꞌomu, omu urihana huꞌe nge ko hele roroꞌanga, aana omu kaꞌa hahuꞌei toꞌohuu ike nana God! ?Ohe omu kaꞌa saie ike uri hari-hunilana walumalau e urihana mola leledilana a God? Nge mala uri nga iini ko heꞌimalahune peꞌie walumalau ie, nge ko neꞌie maraana uri ko heli peꞌie a God.

1 Jon 3:17

Loꞌongaꞌi keꞌu i sulie iini e toꞌo aana taane nga mo ola, na ko lee-leesie aasine ko siꞌohaꞌa taꞌe hule aana e kaꞌa sare aamasie. ?Uri iinoni urine ko haataꞌinie taane manata-diananga a God? !Haꞌike oto ooꞌoo!

1 Jon 4:5

Ikire ngeena, kire uure mone aana walumalau, oto ere-erenga ikire ko uure mola mwaanie neꞌisaenga ni welumalau, na aena urine walumalau ko rongo oto hunire.

1 Jon 5:10

Taꞌena nga iini ko hiiwalaimoli aana Kalena God, e saie uri nga taa a God e unue e toꞌohuu. Taꞌe iini e kaꞌa hiiwalaimoli aana a God, nge ko unue oto uri a God e sai eero, aena aana e kaꞌa hiiwalaimoli ike aana nga taa a God e unue i sulie a Kalena.