1 Jon 1:6 - Tataroha Diana

⁶ Oto mala kie ko unue uri kie iiꞌo ruru peꞌie a God, taꞌe kie ko talei oꞌoꞌo mola i laona rodohono, ikie mo iinoni eero-eero mola na kie kaꞌa lulu i sulie ike walaimolinge.

1 Jon 1:6 ပူးပေါင်းရင်းမြစ်များ

Matiu 7:22

Aana dinge ooreta, mwala hunge kei unue hunieu uuri, ‘!Aaia, aalaha iꞌemi! Emi tarohaꞌinie walana a God aana satamu, na emi oohe aasie mo liꞌoa aaela aana satamu, na mo huꞌi-huꞌite hunge emi deuꞌi aana satamu.’

Tataroha Diana I Sulie A Jisas Kraes Nge A Jon E Uusue 11:10

Taꞌe a tei ko walo liu aana rodo, e sai tataro mola aena aana nga mei ola hunie ke raa talana haꞌike.”

Tataroha Diana I Sulie A Jisas Kraes Nge A Jon E Uusue 12:35

Oto a Jisas ko si teꞌuri hunire, “Raa-raa kei iiꞌo haꞌawali mola ue peꞌiꞌomu huni haꞌasinelie saemiu. Oto omu ke norutoꞌo mola aana, na omu ke lae-lae maholo raa-raa e iiꞌo ue i matolamiu, mwaanie e rodo honosiꞌomu i sulie tala. Aana iini ko lae-lae i laona rodohono, e kaꞌa saie ike uri ko lae i tei.

Tataroha Diana I Sulie A Jisas Kraes Nge A Jon E Uusue 12:46

Ineu nou lae mai mala raa-raa i laona walumalau, hunie uri taꞌena nga iini ko hiiwalaimoli eeku, ke suꞌuri iiꞌo i laona rodohono.

Tataroha Diana I Sulie A Jisas Kraes Nge A Jon E Uusue 8:12

Oto a Jisas ko heꞌi ere uuri loꞌu hunie mo Parise, “Ineu oto raa-raa hunie mo iinoni aana walumalau. Iini ko lulu i sulieu, e saꞌa heꞌi lae loꞌu i laona rodohono, taꞌe kei toꞌo aana raa-raa nge e sai niie maurihe.”

Tataroha Diana I Sulie A Jisas Kraes Nge A Jon E Uusue 8:55

Iꞌomu hule aana omu kaꞌa saie ike, taꞌe ineu haꞌalaa nou sai diana aana. Oto mala ne ke unue uri nou kaꞌa saie ike, nge ne kei neꞌi iinoni eero-eero noꞌone mala iꞌomu eena. !Taꞌe haꞌike! Nou sai diana aana taane, na no ko lulu i sulie walana.

1 Timoti 4:2

Mo haꞌa-uusuli eero-eero nge kire ko toolea mai mo haꞌa-uusulinge takalo ngeena kire ko lupweꞌi deu mala ikire mo iinoni maaꞌi, taꞌe leune kaꞌa toꞌohuu ike. Mo haꞌa-uusuli eero-eero ngeena kire tohungei horo aasie ahutana mo neꞌisaenga diana oto mwaanie manatada, aana kire ko aasie diananga mwaanire mala ngaeta mo iinoni kire ko horo suuheꞌinie nga mei ola aana dunge.

Jemes 2:14

Maeni eesiku, mala nga iini ko unue uri e toꞌo aana hiiwalaimolinge, taꞌe e kaꞌa haataꞌinie aana asunge ingeie, nge hiiwalaimolinge ingeie ola mwaakule mola. ?Uri hiiwalaimolinge urine kei haꞌa-uurie taane?

Jemes 2:16

oto o ko si ere uuri hunie, “O ke lae peꞌie haꞌadianaꞌanga a God hunie o ke hoꞌo sala diana na o ke ngau ni pote.” ?Mala o ko ere urine mola mwaakule na nga mei ola huni peꞌie o kaꞌa niie ike hunie, ohe mo wala mwaakule urine kei peꞌie taane? !Haꞌike!

Jemes 2:18

Ohe nga iini kei ere oolisieu uuri, “Maꞌalana nou kaꞌa asuie mo ola diana, taꞌe haꞌa-uurileku kei lae taane aena aana hiiwalaimolinge ineu.” Taꞌe ineu, no ko aalamie iinine uuri, “!Haꞌike! Aana e aasa oto hiitoꞌo hunie iinoni kei toꞌo aana hiiwalaimolinge toꞌohuu na e kaꞌa asuie mo ola diana. Taꞌe ineu, ne kei haataꞌinie tohungei hiiwalaimolinge ineu aana asuilana mo ola diana.”

1 Jon 1:10

Mala kie ko unue uri kie kaꞌa oorahaꞌaa ike, nge kie ko unue oto uri a God e sai eero, na kie ko haataꞌinie uri kie kaꞌa sai rongo oto hunie walana.

1 Jon 1:3

Melu ko haꞌarongoꞌomu urine aana nga taa melu leesie na melu rongoa, hunie uri iꞌomu noꞌone omu ke iiꞌo ruru peꞌiꞌemeelu aana iiꞌo-rurunge peꞌie a Mamaꞌa na a Kalena, Jisas Kraes.

1 Jon 1:8

Mala nga iini ko unue uri e kaꞌa oorahaꞌaa ike, nge iinonine ko eeroa mola maraana ni ngeena, na walaimolinge e kaꞌa iiꞌo ike aana.

1 Jon 2:4

Aana nga iini ko unue uri e manataꞌinie a God, taꞌe e kaꞌa tola i sulie mo haꞌatolanga ingeie, iini urine ingeie iinoni eero-eero mola na walaimolinge haꞌike aana.

1 Jon 4:20

Mala nga iini ko unue uuri, “Nou manata diana hunie a God,” taꞌe ko ngiduupu mola hunie aasine, ingeie ngeena iinoni eero-eero mola. Aana e aasa kei manata diana hunie a God, iini e kaꞌa lee-leesie, mala uri e kaꞌa sai manata diana hunie aasine, iini nge ko lee-leesie tarau.