TAITAS 3:2 - NITI GONTU N.T. (BSI)

² kone mitrḛ diimmah aguñ lubi yayo, gasupasu mi apatolya, yanu tolya, ho kakiñ tolya digoabiaya yanuyamya mi hikha miyu atañmi.

TAITAS 3:2 ပူးပေါင်းရင်းမြစ်များ

METHU 11:29

Ngiika halemi nunu bagiito, ho ngiiko hokii chingiihe; niimpalukoda Ngo chimeeñ ho yanu ahha giiduke, ho nunu nunuka yalloka hemmo komi kappa kendoke.

MIINIIÑ 23:5

Ho Pol lutii, “Ngo chima, anubarmii atañ, mo bukuñ nyibu hiila; niimpalukoda hiila ketola do, ‘Nunu miyuatañ mika sangii bomi ayamapa luyo hiila.’”

1 KORINTIA 6:10

malo diipyonii, malo diibuñ, malo ow taniibo, malo cheriibo, malo rorebo hii Pinii ka raddeganda mi peñko kema.

1 KORINTIA 9:19

Niimpalukoda ngo hikha miyuatañ kokii dasḛr siido, ngo atohmi hikha ruka miira pa miisutii, niimpalukoda ngo abuyapa lumiñ biidu pa hiila.

2 KORINTIA 10:1

Ngo, Pol, ngo loda nunumi yardu, Kristo ka yanu ho ahhakeyiñ mi giitola-ngo huna yanu dunii nunuka agiñ hoka dalyiho, hojalo haro dunii nunupa niida ngo nunu agiñho datema!

2 KORINTIA 12:20

Niimpalukoda ngo biisodo ngo ahbiila nunumi ngiika heniiñ hiilyañ mapa kapa tama byopeha hiila, ho nunu ngiimi nunuka heniiñ hiilyañ mapa kapa tama byopeha; hiilakoda hiiko pasugasu dokiñdo, kariñsiiniiñ, hadii, chahi, nipasiiniiñ, biicho, hentiisiinii, ho luniiñtasumanii.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

GELESIA 6:1

Anubarmii atañ, miyu mi matiirḛ palle dopa latu lyimilo, nunu hutiina yajiyallo ho danii mohmi yajiyallo ka ahhakeyiñ lo lulyañ to. Atoh mitrḛ nunu kaka siito, hiilamakoda nunu tiirḛ tenka kodii ke.

GELESIA 6:10

Hiiko hopa, ngunuko myodu aya dohoso, kiije ngunu hikha miyu atañpa aya miigo miisa, ho luchila hiika atañpa hutiina henje ka uru ahiñnii.

IPISIA 4:2

hikha chimeeñ ho yanu, ahhakeyiñ ka agiñho, koneanyañ mi hello siibii dola hensu ho,

IPISIA 4:31

Hikha kochi ho uropakahadii ho hadii ho rukha adunii ho nipasiiniiñ mi nunukokii lapato, hikha kanatana manii agiñho,

PILIPIA 4:5

Hikha miyu atañmi chinke nento nunuka yanupaka pigii niimi. Attoh nyibya ahkiñ doke.

1 TESOLONIA 2:7

Hojalo ngunu yanu toke nunuka punkoho, niihtañpa himme kaniibo kalyañdu hiika kachañho.

1 TIMOTI 3:11

Nyimii atañ tiirḛ hendi nyakiñdo, nipakoyakema, hojalo hendi-niikiñdo, hikha drih atañ ho lotii kendo.

1 TIMOTI 3:3

ow tangii kema, payagaya kema, hojalo yanu kendo, gasupasu kema, ho tiicko hembyo kema.

JEMS 3:17

Hojalo ayoh hokii ka chila hii kapyo japa darii, hiikahiibaho chimie, yanu, luniiñ taliinii, poteje aroh ho aya ahee atañ, heriñkariñ giima malo lyolyichochi nyima.

JEMS 4:11

Kone anyañmi anyamapa lusu nyayo, anubarmii atañ. Mo huna anubarmii mi ayamapa ludonii malo haliidonii mohka anubarmii mi, dapo mi chekhola ayamapa ludo ho dapo mi haliido. Hojalo nunu matiirḛ dapo mi halii dokoda, nunu dapomi miiniipa lyima hojalo haliinii.

1 PITAR 2:1

Hopa hikha kanamapa miiniiñ la surupiibi mi ho lotiimaniimi ho kariñ mi ho hikha nipasiiniiñ mi apa toku.

1 PITAR 3:10

Niimpalukoda “Huna sango mi hensu donii ho kapa nandonii aya myodu mi, mohka allyo mi diimmah hokii atiñ siibii to ho mohka aguñmi surupiibi sanii hokii;

1 PITAR 3:8

Kamijapa, nunu miilañru, yajiyallo mi konepa giitolya, aroh siila, anubarmii ka hensu henchañho, biinyah ahha lo ho yanu henjulo.

1 PITAR 4:4

Mohlu hemur nyada niimpalukoda siisi nunu mohluka moreymiyu hiilyañ piigoama soko sobokuma, ho mohlu nunumi miipyudo;

2 PITAR 2:10

ho luchila hiika atañmi hutiina kalyikabyo ho miibḛr nyadanii ho otority mi khiipa donii. Haro la ho miichi lodahiila henii, mohlu biiso nyama nyapakoyadupa tatukatu bomi,

JUD KA SIITI KENIIÑ 1:10

Hojalo siika miyuatañ nyapakoyado nii mina mohlu chima nii, ho hiika drih atañlo asiialyo loka heniiñmi morey achu-amyo atañka miiniiñ hiilyañ, mohlumi pyadu lobiido.

JUD KA SIITI KENIIÑ 1:8

Hojalo hiichulipa siika miyu atañsi mohluka henjuho apo mi miibḛr sako henyada, otority atañmi takhola, ho tatukatunii kone mi nyapakoyada.