TAITAS 2:14 - NITI GONTU N.T. (BSI)

¹⁴ huna mo atohmi ngunupa bisu tiinii ngunumi tupya dukupa hikha kacho hokii ho darii miidupa mohpa mohka atoh miyupa miidupa huna aya miigo atañmi miinala hendo nii.

TAITAS 2:14 ပူးပေါင်းရင်းမြစ်များ

HIBRU 9:14

niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

IPISIA 2:10

Niimpalukoda ngunu mohka miigomiinii miyu, Kristo Jisu ko ayamiigo miinii paka puliñnii, nii mina Pinii kapyopa miimyo tiinii, hiiko ngunumi inke nendupa hiila.

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

1 PITAR 1:18

Nunu chindo nunumi tupya tiiku piigoamanii lembo atañ hokii nunuka aba apa atañ kokiika pensi koniiñ hokii, lyusanii drih atañ loma rupu malo ayyiñ,

TAITAS 3:8

Luniiñsi jije. Ngo hiila hendo niimi siika drih atañ soya miikañ ari miikiñcho, niimpalukoda hutiina Pinii mi henje nyadonii hendi biidola atoh atohmi miilii siidopa aya miigo atañ so; siika atañsi ayalodake ho miijo dokiñ doke miyu atañpa.

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

GELESIA 3:13

Kristo ngunumi tupyatiiku dapo ka beniiñ hokii, ngunu paka beko sanii mi beko biidola-niimpalukoda hiila ketii, “Kone abiko beniiñ dokiñdo huna sannii ho hosḛr siida nii”,

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.

MIINIIÑ 9:36

Siisi Joppa ho henjemiyu kone dutii Tabitha hiila armyañ, hiika hii Dorcas lusa niimi. Mo hempḛr denki ho hela bilakela nii.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

1 PITAR 2:12

Aya miiju miya Midomiyu atañka punkoho miito, mohlu nunumi miigya niipa khiilii dojalo, mohlumi nunuka aya miigo miiniiñmi kala lala ho Pinii mi assañdopa mohka ahlyiku allo ho.

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

JON KA AYAPUYU 10:15

niihtañpa Aba ngiimi chindu ho ngo Aba mi chindu; ho ngo ngiika sango mi subuñ atañpa hempa bidu.

HIBRU 10:24

ho kiije ngunu hensusa niihtañ pana kone anya mi haro lupa siikiñ donii hensu niiho ho aya miigo atañ ho,

TAITAS 2:7

Atohmi hikha khiiniiñ ho katiñnaniiñpa kakiñ siito aya miiju atañlo, ho niika tonsḛr ko denkilotii mi, hendimiidi mi kakiñ tolya,

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

JEMS 4:8

Pinii ko ahdeto ho mo nunuko ahde kendoke. Nunuka alah mi harsuto, nunu ingyamiigyanii atañ, ho nunuka ahha mi darii miito, nunu lyonye paka miyu heniiñ atañ.

1 TIMOTI 2:10

hojalo aya miiju atañ ho, kadiñdopa nyimii huna henjeniika piigomi lukodonii.

1 TIMOTI 2:6

huna atohmi tupya naniipa bisu tiinii miilañrupa, myodumyolo aya jaho pyakotii.

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

MIINIIÑ 15:14

Simeon luko biine niihtañpa Pinii kapyopa Midomiyu atañka sohane, mohluko hokii miyu laliñtii mohka armyañ pa.

MIINIIÑ 15:9

ho mo hang khiingu khiirema mohlumi la ngunu mila, hojalo mohluka ahha mi asetii henjelo.

JON KA AYAPUYU 6:51

Ngo turnii yatañke dariiganda hokiika tonii; hujalo siika yatañ siimi matiirḛ diichi, hii ayu dahepa sankiñdo; ho yatañ nii mina ngo bichi nii dohadolo ka sangopa hii ngiika apoke

METHU 3:12

Mohka yapyo mi mohka alah ho biido, ho mohka amoo piniiñ mi kheppa dupa ho emmo abiñ mi nesu ho atii dupa, hojalo asuh atañmi lyame lamanii yamu ho hompa kendo.”

METHU 1:21

mo milobo oho kone bukiñ do, ho nunu mohka armyañ mi Jisu hiila gyokiñ do, niimpalukoda mo miyu atañmi mohluka ingyamiigya hokii lyangur kendo”.

MIINIIÑ 20:28

Nunu attohpa hendi nyatolya ho hikha subuñ atañmi, nunumi Darii Yajiyallo mohlumi kabii niipa miitii, Pinii ka gyoliñkonii atañmi kage niipa humina mo mohka attoh Oho ka ai lo riitii nii.

IPISIA 1:11

Mohko, miidiñ ahiñ mohka miipe laka lyiniiñmi hikha drih atañmi huna ngunumi gyotiinii mohka henju jaho,

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

1 JON 1:7

hojalo ngunu matiirḛ hutoh ho indo koda, niihtañpa mo hutoh ho da, ngunu kone anyañ ka agiñho dukuñ siidoke, ho mohka Oho Jisu ka ai ase duke ngunumi kapane ingyamiigya hokii.

1 JON 1:9

Ngunu matiirḛ ngunuka ingyamiigyanii atañmi khako siido kukoda, mo lotii ho jije ke, ho ngunuka ingyamiigyanii atañmi hello kendo ho kapane diimmah hokii ase kendo.