TAITAS 2:12 - NITI GONTU N.T. (BSI)

¹² ngunumi miinyolunyo giitii henje maniiñmi apato ho dohadolo ka helyihembyo atañmi, ho hendimiidipa santo hiila, lotii, ho piniihenju jaho santo hiila siika dohadolo so,

TAITAS 2:12 ပူးပေါင်းရင်းမြစ်များ

METHU 16:24

Ho Jisu henjeajiñ atañmi lukotii, Hujalo matiirḛ ngiika kiiliñho ahbo nando koda, mohmi atoh mi hempa siike nento ho mohka sangya mi jobiila ho ngiimi imbo monke nento.

ROM MIKA POL KA SIITI KENIIÑ 6:19

Ngo miyu ka lujju hoke ludu nii, niimpalukoda nunuka dumiñ henju giikopa. Niimpalukoda nunu niihtañpa ronge nunuka asiialyo miibḛr la dane ho uro yaya uro yaya ingyamiigya muju ho, hopa siisi nunuka asiialyo mi denki ka asopaya lyikenento dardḛkunii naniiñpa.

2 PITAR 2:9

ho Attoh chindu niitañpana tupya kendonii piniimiyu atañmi tenka nii hokii, ho ingyamiigya miyu atañmi atii biidu miikhiiñ dupa ayakacho kalyi allo lohepa,

1 JON 2:6

hii huna ludonii mo mohka agiñho giigela da hiila hii inniiñ mi mohka inchañ jaho inkiñdo.

2 TIMOTI 3:12

Jije lusu dokoda huna piniihenju giitola sango sannañ donii Kristo Jisu ko miihimiire kokiñdo,

MIHUKAKIÑNIIÑ 14:12

Siika sike gyoniiñ pigiikiinedupa piniimiyu atañmi, hiika atañ hutiina Pinii ka lujubiniiñ mi atii biidonii ho Jisu ka henje mi.

LUK KA AYAPUYU 1:75

darii henju la denkimiiju jaho mohka hataho hikha ngunuka sango ho.

1 TESOLONIA 4:7

Niimpalukoda Pinii ngunumi kachotaniipa gyomake, hojalo darii pake.

TAITAS 3:3

Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;

1 TESOLONIA 4:9

Hojalo anubarmii mika hensu nii piigoho nunu kone lotrḛ keko dopa lyima, niimpalukoda nunu atoh loda Pinii lo luko kotii niihtañ pana kone anyañ hensu kendonii;

IPISIA 2:2

niihona nunu ronge ila datiinii, siika dohadolo ka henju ho imbo laka doho ho, ho yapuñ ka raddewiinga ka harchichike ka kiiliñ ho imbola dane, yajiyallo siisijalo miigo miila do luniiñtamanii oho atañ ko.

ROM MIKA POL KA SIITI KENIIÑ 12:2

Siika kiiddiapiñ ka luko talya yo hojalo lyiguhto nunuka ahhami niti dopa, hosuke nunu kakiñ lakiñ siidonii niihna Pinii ka henju, niihna aya donii ho larii lasanii ho digoabiaya nii.

ROM MIKA POL KA SIITI KENIIÑ 6:12

Hopa ingyamiigya mi niika lyusanii apo mi sangii kiineyo, niimi mohluka henii mi tadopa.

METHU 28:20

tonsḛr tolya hikha ngiika nunumika lujubiniiñmi tatolya hiila; ho kato, Ngo nunuka agiñho kiirañ dabo talyike, kiiddimiidoh ka dodo hemi.”

1 JON 2:27

hojalo arrḛyarniiñ nii mina nunu mohkokii larii tiikunii hii nunuko giigela dokañ doke, ho nunumi kone lotrḛ tonsḛr kodo pa lyikiñ make; niimpalukoda mohka arrḛyarkuniiñ nunumi kapane piigomi tonsḛrdo, ho hiikahii jije, ho hiika hii golluma, niihtañpa hiikahiimi nunumi lukotii, mohko giigela datolya.

2 PITAR 3:11

Hopa hikha siika drih atañ jeyi nyakiñdo, niihtañ miyu ka sancha ho sanchi nunuka darii ho piniisanju sango ho,

HIBRU 8:11

Ho mohlu tonsḛr kema kone abimi mohluka ajiñmi malo kone abi mohluka anubarmii mi, lubiidola, ‘Attoh mi chinto,’ niimpalukoda miilañru ngiimi chinkiñdo, atujaho hokii khiiri biila kaheja lohe.

1 TIMOTI 6:17

Siika dohadolo soka mingo pakoda, luto mohlumi hentii siiyo hiila, malo mohluka hentiñ lasamanii ka mingo mi hentiñ nayo hojalo Pinii miya huna kapane drihmi ngunumi bitiinii hempyo biike nendupa.

1 TIMOTI 4:12

Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

KOLOSIA 1:22

mo siisi yardiñ liitii ku apo ka asiialyo lo mohka shiiniiñlo, nunumi darii ho pahañhansa ho mohka hataho khiilii saniiñ giima pa kakiñ ladopa,

GELESIA 5:24

Ho hutiina Kristo Jisu kiinii hiika hii asiialyo ka agiñho ledalala mentii ku helyihembyo la hemikami mi.

GELESIA 1:4

huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

2 KORINTIA 7:1

Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

ROM MIKA POL KA SIITI KENIIÑ 8:13

niimpalukoda nunu matiirḛ asiialyo ka sanchañ ho sando koda nunu shiikiñ do, hojalo Yajiyallo lo matiirḛ nunu asiialyo ka miigomi mentii kukoda nunu sankiñ doke.

MIINIIÑ 24:25

Ho mo ahiñ paka heniiñmi, ho hendimiidi ho piijo daka ayakacho kasa niimi cherii kiile, Felix herilala ho lutii, “Siisi ingeku; niida ngiiko myodu dochi ngo niimi gyochike.”

MIINIIÑ 24:16

Hopa ngo kiirañ heru bidu didḛrpa hembiidola Pinii kii dalyiho miyuatañ kii dalyi tiirḛ.

1 JON 5:19

Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.

IPISIA 1:4

mo ngunumi dohadolo mika puma rampa mohpa kahetii, ngunumi mohka hataho darii ho pahañ hansa giima dopa.

JON KA AYAPUYU 14:30

Ngo nunumi ano lurii lukañ takuñ make, niimpalukoda siika dohadolo mika sangiinii ahla do. Mo ngiimi harchichike giimiñ lakiñ make;

JON KA AYAPUYU 6:25

Mohlu mohmi siimie ka pache dalyiho kappa lala, mohlu mohmi lutii, “Tonsḛrbo, no niido so ahhii?”

LUK KA AYAPUYU 1:6

Ho mo anye anyeru Pinii kata ho denkitii, Pinii ka hikha luniiñmi takho mapa ho pahañ halii komapa santii.

JUD KA SIITI KENIIÑ 1:18

mohlu nunumi lutii, “Kamikalo myodu ho khansunii atañ linkiñdo, mohluka piniihenjumanii helyihembyo ho miijola.”

2 TIMOTI 4:10

Niimpalukoda Demas, siika siilobiilyo ka dohadolo mi hembyola, ngiimi apatela ho Tesolonika ho inne; Kresen Gelesia ho inne, Taitas Dalmatia ho.

METHU 12:32

Ho hujalopa miyu ka Oho mi chekhola luchi hiimi hello kendo; hojalo hujalopa Darii Yajiyallo mi chekhola luchi hiimi hello lakiñma, siika santuñ sotrḛ malo santuñ ronge ka ahsanii hotiirḛ.

1 TIMOTI 6:9

Hojalo huna mingo nala hendonii hii tenkalarka ho huhidu, ho gyoh ho, abuje piigoamanii henju ho heru miipanii henju niihna miyu atañmi byagiisako ho pyadu sako ho huhigiidonii.

JEMS 1:27

Niihna darii piniihenju ho miibḛr manii Pinii kala ho Aba ka hataho hii sike: mijiatu atañ mika katenii ho hiimie atañmi mohluka herumyanka ho, ho atohmika dohadolo so miidukoma paka danii.