TAITAS 1:3 - NITI GONTU N.T. (BSI)

³ ho myodu aya mi kabiidola kakiñdu mohka aguñmi tonsḛrkhenyo niilo nii pana ngiimi kahe tiinii Pinii ngunuka Lyangur boka lukoho;

TAITAS 1:3 ပူးပေါင်းရင်းမြစ်များ

MAK KA AYAPUYU 1:15

ho lubiido, “Myodu dokuke, ho Pinii ka raddeganda hii tunii dokuke; henkur nyato, ho Ayapuyu mi henje nyato.”

MAK KA AYAPUYU 13:10

Ho ayapuyu mi kapyopa hikha ganda-siiko ho tonsḛr kendo lodake.

MAK KA AYAPUYU 16:15

Ho mo mohlumi lutii, “Hikha kiiddiapiñ ho ingela ho tonsḛrhe aya puyumi hikha puliñnii atañmi.

LUK KA AYAPUYU 1:47

ho ngiika yajiyallo hempyodo Pinii ngiika lyangur boko,

MIINIIÑ 10:36

Nunu chindo aguñmi nii mina Isrel ho kiiniñ tiinii, chimie ka ayapuyu mi Jisu Kristo kiila (mo miilañruka Attoh),

MIINIIÑ 17:26

Ho mo kone hokii kapane gandaho miyu mi sandopa putii hikha kiiddiapiñ so, hemmyo tokula dotii myodumyolo ho no lohe pana mohluka santrḛgyatrḛ,

ROM MIKA POL KA SIITI KENIIÑ 15:19

kagiñnanii la kahotamo nyika harchichikelo, Darii Yajiyallo ka harchichike lo, hiikohopa Jerusalem hokii luri biila hikha Illyrikum lohepa ngo hikha Kristo ka ayapuyu mi lutii,

ROM MIKA POL KA SIITI KENIIÑ 16:25

Siisi mohko huna nunumi alḛr giila kendonii ngiika ayapuyu chulipa ho Jisu Kristo ka tonsḛr khenyo nii hokii, chila maniiñ mika mihukakiñ nii chulipa nii mina ayu kolyuñ kolo hokii achuñ tola doniimi mih chimapa

ROM MIKA POL KA SIITI KENIIÑ 16:26

hojalo siisi kakiñ doku ho nyibuhenii atañ keniiñho hikha miyu atañmi kakiñ tiiku, shiilamasa nii Pinii ka luniiñ chulipa, agiibitii henje laka luniiñ talii niimi

ROM MIKA POL KA SIITI KENIIÑ 5:6

Ngunu ka ajju laka do ho, shiidi ko jaho Kristo shiibitii piniimika heriimanii atañpa.

1 KORINTIA 9:17

Niimpalukoda ngo matiirḛ siimi ngiika henko miido koda, ngiipa ajju junii hii dokiñdo; hojalo hii matiirḛ ngiika henko homa koda, ngo miigomi khiilii kotola do.

GELESIA 4:4

Hojalo myodumyolo ka ahje lyikuho, Pinii mohka Oho mi kiiniñ bitii, nyimii lo bukotii, dapo ka ura ho bukotii,

IPISIA 1:10

henju niihtañ myodu ka hikha ahlyi kuho, hikha drih atañmi mohko tongepa lyigii kendo, drih atañ dariiganda hoka la kiiddiapiñ hoka doniiñ mi.

IPISIA 2:17

Ho mo ahtii ho chimie ka ayapuyu mi tonsḛrkhenyo tii nunumi hutiina adho ho datiinii ho chimie kiineto hutiina aruñho danii;

PILIPIA 1:13

niimpalukoda siika siimi chimpa ladopa hikha ganda daka dagur biinii atañmi ho hikha khiibe atañ miilañmi ngiika patiihtunko niisi Kristo pasu hiila;

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

KOLOSIA 1:6

niihna nunuko ahtii nii, jijelusu dokoda hikha dohadolo ho siikasi ahee hila do ho sancha la do-hiichuli nunuka punko hotiirḛ, nunuka tapabii allo hokii ho Pinii ka aroh-aya mi chindo jije ho,

1 TESOLONIA 2:4

hojalo niihtañpa ngunumi Pinii ko taliikaha la ayapuyu mi luniiñpa lutiiku, hopa ngunu ludu, miyu mi hempyo miipa pama, hojalo Pinii mi hempyo miipa dupa huna ngunuka ahha mi tenka dunii.

1 TIMOTI 1:1

Pol Kristo Jisu ka kiiniñkonii kone Pinii ka luniiñ ngunu mika lyangurbo ho Jisu ngunuka hentiñnanii,

1 TIMOTI 1:11

tatukatu ayapuyu lyaniiñ Pinii ka agiñho nii mina ngiimi miitote hiila khelii tiinii.

1 TIMOTI 2:3

Siikasi aya doke, ho siika siimi taliidoke Pinii ngunuka Lyangur boka kata ho,

1 TIMOTI 4:10

Niimpalukoda siika drihpa ngunu khentii ho uropa miidu, niimpalukoda ngunuko ngunuka hentiñnanii hii turnii Pinii ko atii tola do, huna hikha miyuatañ mika lyangur nii, luchila hiika atañpa hutiina henje nyadonii.

2 TIMOTI 4:17

Hojalo Attoh ngiika agiñho dabo, ho ngiimi tamo mi bihii puyu mi aya loda luko dopa, niimpalukoda hikha Midomiyu atañmi siimi tadopa. Hopa ngiimi patii ka aguñ hokii papya tiiku.

TAITAS 2:10

lapyo kema, hojalo kakiñ siikiñdo kapaneho ho jije lotiimi niimpalukoda kapane drih ho mohlu giikiñdo Pinii ngunuka Lyangur boka tonjumi.

TAITAS 2:13

ngunuka lyaniiñ hentiñ mi kalyala, ngunuka tatukatu kahe Pinii ho Lyangur bo Jisu Kristo ka ahsa niimi,

MIHUKAKIÑNIIÑ 14:16

Hopa mo huna jomii ka ayoh ho dunii mohka tagi mi jari biido kiiddiapiñmi, ho kiiddiapiñ mi amoo pibii doku.