ROM MIKA POL KA SIITI KENIIÑ 9:20 - NITI GONTU N.T. (BSI)

²⁰ Hojalo nunu hu miyu, Pinii mi lukurlusi dopa? Puko tola ka duniibo punii bomi lukur lakiñ dopeha, “Niimpa no ngiimi sitañpa pudu?”

ROM MIKA POL KA SIITI KENIIÑ 9:20 ပူးပေါင်းရင်းမြစ်များ

METHU 20:15

Ngo nii miichi hiila hentii hiimi nunu ngiimi miike nente ma ha niihna ngiiko donii? Malo nunu ngiika hela laka biniiñmi kariñ dopo?

1 TIMOTI 6:5

ho miyu atañka punko hoka chessuniiñ huka henjuna surudonyonii ho jije hokii lyudo kuniiñ, henyadanii piniisanju hiike pasermiiliñ biiko lembo.

1 KORINTIA 1:20

No chilamiyu da? No pagenii da? No da siika santuñ soka cheriibo? Pinii piicha mi siika dohadolo ka chila pa miima siipeha ehna?

JEMS 2:20

No chinna doha, no piicha miyu, henje mi miila miikiñ makoda arra sii hiila?

TAITAS 2:9

Miira atañmi yarto mohluka attoh ka luniiñmi tato hiila ho kapane miigolugo ho hembyañ dopa miibito hiila; mohlu lukur lusila miikiñma,

ROM MIKA POL KA SIITI KENIIÑ 2:1

Hopa nunukii lugii sanii nyimake, miyu, hujalopa nunu, nunuka mi mika halii lyiho; mohmika ayakacho kalyiho no atohmike khiilii siidonii, niimpalukoda no, haliibo, hiika drih atañ misu miisu danii.

1 KORINTIA 7:16

Mihie, niihtañpa no chindo niika millo mi no lyangur lakiñdo hiila? Millo, niihtañpa no chindo no niika mihie mi lyangur lakiñdo hiila?

LUK KA AYAPUYU 12:14

Hojalo mo mohmi lutii, “Miyu, hu ngiimi nunu punko hoka ayakacho kaniipa miitii ho nunumika tache biniipa?”

ROM MIKA POL KA SIITI KENIIÑ 2:3

No hendoha, miyu, no mihmi halii lala huna sitañ drih atañmi miidonii ho no atohlya miila lala, no Pinii ka ayakacho kaniiñ hokii hargii todo hendoha?

ROM MIKA POL KA SIITI KENIIÑ 9:21

Piichañ puniibo niihtañpa miinañdo miila kema peha dekiñmi, dekiñ ahiñ hokiila kone mi kapyo dopa ho konemi dumiñ miita naniiñpa?

ROM MIKA POL KA SIITI KENIIÑ 9:22

Hokoda Pinii matiirḛ, mohka hadii mi kakiñ nando koda ho mohka harchichike mi chinke nena dokoda, mo abuje pigiibiidola hadii ka piichañ mi pyadu dupa ka puniiñmi atiidu,

ROM MIKA POL KA SIITI KENIIÑ 14:4

No hu ayakacho kaniipa lyido mika miira mi? Siikasi mohka atoh ka hata hosu lyikiñ siidonii mo dakiñ doha malo huyi kendoha. Ho mohmi seri kendo, niimpalukoda Atoh mohmi guriladopa miila kendo.

2 TIMOTI 2:20

Ude pero ho piichañturla rupuayyiñ hokii kontii domake hojalo yasañ ho dekiñ hokii tiirḛ dodu, ho tonge hii aya miigo miina naniipa, tonge hii ayamaniipa.