ROM MIKA POL KA SIITI KENIIÑ 8:37 - NITI GONTU N.T. (BSI)

³⁷ Ma, hikha siika drih siimi ngunu pamiñ tiiku mohkiilo huna ngunumi hendo nii.

ROM MIKA POL KA SIITI KENIIÑ 8:37 ပူးပေါင်းရင်းမြစ်များ

1 KORINTIA 15:57

Hojalo Pinii mi payapacho hiisa, huna ngunumi pamiñ dopa bidonii Attoh Jisu Kristo kiilo.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

2 KORINTIA 2:14

Hojalo Pinii mi payapacho lulyi, huna kiirañ ngunumi Kristo kiilo pamiñ giidonii, ho ngunu kiilo mohmika chiniiñ ka riso mi kapakohe sutii kiine donii.

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

JUD KA SIITI KENIIÑ 1:24

Siisi mohmi huna nunumi huhi saniiñ hokii latu lakiñdonii ho huna nunumi kakiñ lakiñ donii mohka tatukatu ka hataho hang pahañ hansa giima dopa hempyo ka agiñho,

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

2 KORINTIA 12:9

hojalo mo ngiimi lutii, Ngiika aroh-aya hii niipa khe biikiñ doke, niimpalukoda ngiika harchichike hii digoabiaya giikiñ doke ajju hotiirḛ. Ngo uro yapa hempyo biidola khansu talyi ngiika ajju mi, niimpalukoda Kristo ka tamo hii ngiiko doha kendo.

MIHUKAKIÑNIIÑ 17:14

mohlu gyambo pakiñdo Subuñmi, ho Subuñ hii mohlumi pamiñ kendo, niimpalukoda mo attoh atañka Attoh ho radde atañka Radde, ho hutiina mo agiñho danii hiika atañ gyokodo kahekonii ho lotii.”

IPISIA 5:2

Ho hensu niiho into, Kristo ka ngunumika henchañho ho atohmi ngunupa bipa siitii, narunempyo binii ho Pinii mi membila.

1 JON 4:19

Ngunu hendu, niimpalukoda mo ngunumi hempyotii.

JON KA AYAPUYU 16:33

Ngo siika simi nunumi lubii lyike, ngiikoho nunupa chimie hii dodopa. Dohadolo so nunuko hentḛrkanyi dolyi diike; hojalo ngarka jilya datolya, ngo dohadolo mi pamiñ tiike.”

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo

1 KORINTIA 15:54

Niida lyula sanii mi lyula sama niiho atii talyi, ho shiila sanii mi shiila sama niiho, ho ahkiñdo siisi ka luniiñ atañ keto laka donii hii: “Shiigo mi pamiñniilo aniiñbiine.”

2 TESOLONIA 2:16

Siisi ngunuka Attoh Jisu Kristo mo atoh loda, ho Pinii ngunuka Aba, huna ngunumi hendonii ho ayudahe paka hembyuñ mi ngunumi bitiinii ho aya hentiñ aroh-aya lo,

MIHUKAKIÑNIIÑ 3:9

Kato, Ngo hiika atañmi miichi sinagog daka Saitan mi huna ludonii mohlu Jew atañ hiila ho mohlu hiilama, hojalo amuh do. Kato, ngo mohlumi ahdo pa miichi ho nunuka alih ho chuki kiine talyi, ho chinke nenchi ngo nunumi hendu hiila.

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

2 KORINTIA 12:19

Nunu hiila ha hendunii ngunu atohmi lupya siido nunuka hataho hiila? Siikasi Pinii ka kataho ngunu Kristo ko ludu, ho hikha rusi nunuka ayakiipa, ngiika anubarmii atañ.

ROM MIKA POL KA SIITI KENIIÑ 8:35

Hu ngunumi Kristo ka heniiñ hokii miipe kendo? Hentḛrkanyiha, malo hengahenkhaha, malo miihimiireha, malo diime ahniiñha, malo nyimadama niiha, malo hachesiireha, malo ilyoha?