ROM MIKA POL KA SIITI KENIIÑ 8:34 - NITI GONTU N.T. (BSI)

³⁴ hu khiilii kendo? Hii Kristo Jisu peha, huna shiibi tiinii, ḛh, huna shiinii hokii turitiikunii, huna Pinii ka lahbi alah ho dunii, huna ngunupa kubila dunii?

ROM MIKA POL KA SIITI KENIIÑ 8:34 ပူးပေါင်းရင်းမြစ်များ

METHU 20:28

sichuli miyu ka Oho tiirḛ miiho kopa ahmake miiho dupake ahnii, ho mohka sango mi abuje miyu mi tupya naniipa.”

MAK KA AYAPUYU 16:19

Ho Attoh Jisu, mohlumi lurii tekula, dariiganda ho chatiiku, ho Pinii ka lahbi alah ho duku.

JON KA AYAPUYU 14:19

Hojalo ichuche dahidamo lala, ho dohadolo atañ ngiimi kapa keñku ma, hojalo nunu ngiimi kapa kendo; niimpalukoda ngo turla dakiñdo, ho nunu tiirḛ turla dakiñdo.

JON KA AYAPUYU 16:23

Hiika allo ho nunu ngiimi hang kukiñ kuma. Jijeloda, jijeloda, ngo nunumi lukoso, nunu matiirḛ niijalo Aba kokii kuchi, mo nunumi hiimi bikiñ doke ngiika armyañ pa.

MIINIIÑ 2:24

Hojalo Pinii mohmi seritii, shiinii hokii tupya kula la, niimpalukoda mohmi latu biitola biila matii hiilo.

ROM MIKA POL KA SIITI KENIIÑ 14:13

Hopa ngunu kone anyañmi ayakacho mi kasumasa, hojalo hiilaya lususa iche hetrḛ miitiñ miiko siimasa malo anubarmii ka lembo mi miitiñ bimasa.

ROM MIKA POL KA SIITI KENIIÑ 14:9

Niimpalukoda siika sipa Kristo shiitii ho hiira turiturku tiiku, hiikohopa mo anye ruka Attoh pa lyikiñdo shiinii ho turnii katrḛ.

ROM MIKA POL KA SIITI KENIIÑ 4:25

humina shiidopa miitiinii ngunuka palle kopa ho turiturku ku ngunumi luderbidupa.

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

ROM MIKA POL KA SIITI KENIIÑ 8:27

Ho mo huna miyu ka ahha mi medonii chindo Yajiyallo ka heniiñmi, niimpalukoda Yajiyallo kubidu piniimiyu atañpa Pinii ka henju jaho.

KOLOSIA 3:1

Hokoda nunu matiirḛ Kristo ka agiñho turiturku tiiku koda, meto drih atañmi niihna hahoho donii, nohna Kristo dunii, Pinii ka lahbi alah ho du.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

HIBRU 7:25

Hiiko hopa mo hikha myodu ho mohlumi lyangur latii hutiina Pinii ka aruñho ahde tiinii mohko ahbiila, niimpalukoda mo kiirañ turla da mohlupa kubi dupa.

HIBRU 9:24

Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

1 PITAR 3:22

huna dariiganda ho chatii kunii ho Pinii ka lahbi alah ho dunii, miidopopi atañka agiñho, otority atañ, ho harchichike hii mohka ura hosu dosu donii.

MIHUKAKIÑNIIÑ 1:18

ho turnii koneke; Ngo shiito, ho kato ngo turduku ayudahepa, ho ngiiko sabe do Shiiniiñ la nelimyoko nyikii.