ROM MIKA POL KA SIITI KENIIÑ 8:29 - NITI GONTU N.T. (BSI)

²⁹ Niimpalukoda humina mo chimpyo tiinii mo bardiñsoyu mitiirḛ bitii mohka oho chuli lyidopa, niimpalukoda mohmi kapyo jaka wiinga bukoniipa miidupa abuje anubarmii atañka punkoho.

ROM MIKA POL KA SIITI KENIIÑ 8:29 ပူးပေါင်းရင်းမြစ်များ

IPISIA 1:11

Mohko, miidiñ ahiñ mohka miipe laka lyiniiñmi hikha drih atañmi huna ngunumi gyotiinii mohka henju jaho,

2 TIMOTI 1:9

huna ngunumi lyangur tiinii ho gyotiinii darii gyojulo, ngunuka miigo miiko hopa mapa hojalo mohka atoh piigopa ho aroh-aya nii mina mo ngunumi bitiinii Kristo Jisu kiilo ayu kolyuñkolo ho,

1 PITAR 1:20

Mohmi kaye kapyo tola dotiiku dohadolo mika liidi rammarampa hojalo kakiñtii kamikalo myodu jaho niimpalukoda nunukiipa.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

2 TIMOTI 2:19

Hojalo Pinii ka alḛr paka liidi ranii hii dukañdu, siika tiiho niimi giitola: “Attoh chindo ke huna mohkiinii,” ho, “kone abi huna Attoh ka armyañ mi myandonii ingyamiigyanii hokii dasa toku.”

1 KORINTIA 2:7

Hojalo ngunu mih chimanii ho Pinii ka achuñ tola donii chila mike tiilii duniiñ, Niimina Pinii ayuho miiju tiinii ngunu mika assañ naniipa.

1 PITAR 1:2

Pinii Aba ka kahenii ho hemmyo kuniiñ ho Yajiyallo loka darii miikuniiñ Jisu Kristo ka luniiñ tadopa ho mohka ai loka pippu kuniiñ: Aroh-aya la chimie nunuko abuyapa dokiñcho.

1 KORINTIA 15:49

Niitañpa ngunu dimḛr ka miyu ka ajju mi giido, ngunu tiirḛ dariiganda ka miyu ajju mitrḛ giikiñdo.

ROM MIKA POL KA SIITI KENIIÑ 9:23

mohka hempḛr tatukatu mi chinke nena la niimpalukoda aroh ka piichañ tula mi, nii mina mo pupyo tiinii tatukatu mika kapyo yaho,

1 JON 3:2

Heniiñja, ngunu Pinii ka wiinga atañke siisi; siikasi ahma ranke niihtañ kendo ngunu hiila, hojalo ngunu chindo mohka ahlyi kuho ngunu mo chuli kendo, niimpalukoda ngunu mohmi kapa kendo mo niihtañ hiitañpa.

2 KORINTIA 3:18

Ho ngunu miilañru, byoke giimanii nyimo, giinyado Attoh ka tatukatu mi, mo kapu pa lyiguh lado koneya tatukatu hokii koneya lohepa; niimpalukoda si Attoh kokii ahdo huna Yajiyallo nii.

ROM MIKA POL KA SIITI KENIIÑ 11:2

Pinii mohka miyu mi khiipama humina mo kapyo hokii chintii kunii. Nunu chimapo niihna piniipota hii Elija piigo mi ludonii, niihtañpa mo Pinii mi kutii Isrel mi chekhola?

JON KA AYAPUYU 17:16

Mohlu dohadolo hokii make, niihtañpa ngo tiirḛ dohadolo hokii ma.

PILIPIA 3:21

huna ngunumi miigu kendonii khiima nii ahuapo hokii mo chuli tatukatu apopa, hiika harchichike lo nii lona mohmi hikha drih atañmi mohka ura ho dopa miilii giidonii.

IPISIA 4:24

ho niti henju mi giitoku, Pinii kapu ka jije denki ho darii loka puniiñmi.

METHU 12:50

Niimpalukoda hujalopa dariiganda daka Aba ka henko jaho miichi hii ngiika anu, ho barmii, ho annii.”

JON KA AYAPUYU 17:26

Ngo mohlumi niika armyañ mi chindopa miitii, ho ngo siimi chindo miipa talyi, niimpalukoda niika ngiimika heniiñ chulipa mohluko hotiirḛ doke nendupa, ho ngo mohluko ho dodupa.”

ROM MIKA POL KA SIITI KENIIÑ 13:14

Hojalo Jisu Kristo mi atii biisa, ho asiialyo ka henju pa atiibimasa, hiika henju mi miipe kiine dupa.

METHU 7:23

Ho Ngo mohlumi luchi, Ngo nunumi iche tiirḛ kachiñ make; ngiiko hokii insa nyato, nunu ayamanii miinii atañ.

JON KA AYAPUYU 20:17

Jisu mohmi lutii, Ngiimi tenneyo, niimpalukoda ngo siisilohepa Aba ko chama ranke; hojalo ngiika anubarmii ko ingela ho mohlumi lunge, ngo chalyi kuke ngiika Aba ho nunuka Aba ko, ngiika Pinii ho nunuka Pinii ko.

JON KA AYAPUYU 17:19

Ho mohlu kiipa ke ngo atohmi tiilii siitiinii, niimpalukoda mohlumi tiirḛ jije ho tiiliisiike nendupa.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

METHU 28:10

Ho Jisu mohlumi lutii, “Biisoyo; inge ho lukohe ngiika anubarmii atañmi Galili ho inge hiila, ho hiikoho mohlu ngiimi kappa kendoke.”

1 KORINTIA 8:3

Hojalo kone matiirḛ Pinii mi hendo koda, kone hii mohlo chinko do.

KOLOSIA 3:10

ho niti henjumiiju mi giito, nii mina nitidopa miidonii chiniiñho puniiboka kapupa.