ROM MIKA POL KA SIITI KENIIÑ 8:2 - NITI GONTU N.T. (BSI)

² Niimpalukoda Yajiyallo ka dapo ka sango, Kristo Jisu koka doniihii ngiimi tupya tiiku ingyamiigya la shiiniiñ ka dapo hokii.

ROM MIKA POL KA SIITI KENIIÑ 8:2 ပူးပေါင်းရင်းမြစ်များ

JON KA AYAPUYU 4:10

Jisu mohmi lutii, No matiirḛ Pinii ka ahmiñayiñ mi chintii koda, ho huna si niimi lula donii hiila, ngiimi yasie gonge bipe, no ya mohmi kududo, ho mo niimi turnii yasie bitiido

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

JON KA AYAPUYU 6:63

Si yajiyallo ke sango bidonii, asiialyoho piigo amake; ngiika nunu mika aguñ luniiñ hiike yajiyallo la sango nyi.

JON KA AYAPUYU 8:32

ho nunu jije mi chinkiñ do, ho jije hii nunumi tupya kendoke.”

JON KA AYAPUYU 8:36

Hopa Oho matiirḛ nunumi tupya doku koda, nunu tupya koku nii lodake.

ROM MIKA POL KA SIITI KENIIÑ 16:3

Priska la Ekuila nyimi ayahelyi, Kristo Jisu ko ngiika miigo miihiñ ahiñ,

ROM MIKA POL KA SIITI KENIIÑ 3:27

Hokoda nii ngunuka hentiisiila ka luniiñ hii lyikiñdo? Siikasi lapa limbiilyi. Nii henjumiiju pa? henjumiiju ka miigo pa? Ma, hojalo henje ka henjumiiju pa.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

ROM MIKA POL KA SIITI KENIIÑ 6:14

Niimpalukoda ingyamiigya hii nunumi domiñ biila keñku make, niimpalukoda nunu dapo ka ura ho nyiku make hojalo aroh-aya ka ura hoke.

ROM MIKA POL KA SIITI KENIIÑ 6:18

ho, ingyamiigya hokii tupya koku lala, denki ka miira pa lyido ku.

ROM MIKA POL KA SIITI KENIIÑ 6:22

Hojalo siisi nunumi tupya biilyi ke ingyamiigya hokii ho Pinii ka miira pa lyido ku, nunuka ahkur kuniisi dardḛkunii ho hiika hii dotḛr kuke, santḛrlamanii sango.

ROM MIKA POL KA SIITI KENIIÑ 7:21

Hopa ngo kapa biido dapo mi niidana ngo miidi komi miina donii, diimmah hii aruñho do.

ROM MIKA POL KA SIITI KENIIÑ 7:23

hojalo ngo kapado ngiika asiialyo ka ura ho dapo koneya pasula do ngiika henju ka dapo agiñho ho ngiimi labii tola biido ingyamiigya ka dapo ngiika ura hoka duniisi.

ROM MIKA POL KA SIITI KENIIÑ 7:4

Hiichulipa, ngiika anubarmii atañ, nunu shiitii ku dapo pa Kristo ka apo kiilo, hopa nunu khiibe koneyakii kuke, hiikii humina shiiniiñ hokii turiturku kiine tiikunii niimpalukoda ngunumi Pinii pa ahee hibi kiine dupa.

ROM MIKA POL KA SIITI KENIIÑ 8:1

Hiiko hopa siisi hang khiiliisaniiñ nyima hiipa hutiina Kristo Jisu ko danii.

1 KORINTIA 15:45

Hopa hiila ketola do, “Kapyo ja miyu Adam turnii miyu pa lyitii”; kami Adam yajiyallo ka sango binii.

2 KORINTIA 3:17

Siisi Attoh Yajiyallo ke, ho nohna Attoh ka Yajiyallo danii, hiiko dasḛr hii dodu.

2 KORINTIA 3:6

huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

GELESIA 2:19

Niimpalukoda ngo dapo kiilo dapo ho shiitii ku, niimpalukoda ngo Pinii ko sandu kupa hiila.

GELESIA 5:1

Niimpalukoda dasḛr kiinedupa Kristo ngunumi dasḛr pa miibitii; hopa alḛrpa dato, ho hiira tiilii siiyo miira pa.

GELESIA 6:2

Kone anyañka alluaba baniiñ mi hembo siito, ho Kristo ka dapo mi miipeto.

JEMS 1:25

Hojalo huna digoabiaya dapo mi kadonii, dasḛr giiniika dapo mi, ho hiichulipa miidonii, hiika taniibo helyu kema hojalo miida hiika miiniibo, mo lyanko kendo mohka miiniiñho.

MIHUKAKIÑNIIÑ 11:11

Hojalo allo lohiñ hela lopo heka hiibapa sango ka allyi Pinii kokii mohluko ahtii, ho mohlu baritii mohluka alih lo, ho hempḛr uro biiso nyatii hutiina mohlumi kapa tiinii.

MIHUKAKIÑNIIÑ 22:1

Ho mo ngiimi sango ka yasie ka kiiley mi kakiñ, crystal yalañ mitrḛ hudakhada yatola, Pinii ka raddeduko la Subuñ nyiko hokii biliñdo