ROM MIKA POL KA SIITI KENIIÑ 8:17 - NITI GONTU N.T. (BSI)

¹⁷ ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

ROM MIKA POL KA SIITI KENIIÑ 8:17 ပူးပေါင်းရင်းမြစ်များ

GELESIA 4:7

Hopa Pinii kiilo nunu miira kuma ke hojalo oho kuke, ho oho koda hokoda pensi kosaniike.

GELESIA 3:29

Ho nunu matiirḛ Kristo kiikoda, hokoda nunu Abraham ka ohoasi ke, pensi kokiñdo hemme biniiñ hiilyañpa.

IPISIA 3:6

hiika hii, niihtañpa Midomiyu hii pensikonii ahiñpa lyiniiñ, apo koneka uru ahiñ, ho Kristo Jisu ka hemme biniiñ mika henchemoniiñ ayapuyu kiilo.

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

1 PITAR 4:13

Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

1 PITAR 1:4

ho pensikodupa niihna lyula kemanii, miibḛrmanii, ho sellamaniiñ, dariiganda ho nunupa atii bitii,

TAITAS 3:7

niimpalukoda ngunumi lupya dukupa hiila mohka aroh-aya lo ho pensikoniiñ pa lyidoku santḛrlamanii sango ka hentiñ ho.

HIBRU 6:17

Hopa Pinii mohka hemme niimika pensi kosa niimika kakiñ nala helyiho lyiguh lamanii henju mohka piigopa, mo hemme hiita nantii,

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

PILIPIA 1:29

Niimpalukoda siikasi nunumi miidopa bitii niimpalukoda Kristo ka kiipa nunumi henje kontii henje mapa hojalo herutiirḛ hembi dopa mohkiipa,

2 KORINTIA 1:7

Ngunuka nunupaka hentiñ hii abyumake; niimpalukoda ngunu chindo nunu ngunuka heru henko ho hembo mondo koda, nunu ngunuka henjuñ hotiirḛ hembo monkiñdo.

ROM MIKA POL KA SIITI KENIIÑ 5:17

Hokoda matiirḛ, miyu koneka palle kopa, shiiniiñ hii dotii hiika miyu kokii, hiimi abuyapa hiika miyu larii kendo aroh-aya mi poteje ho binyo paka ahmiñayiñ denki hii domiñ biikiñdo miyu kone Jisu Kristo kiilo.

HIBRU 1:14

Mohlu hikha miihoniiñ yajiyallo masupeha miiho niipaka kiiniñ konii, hikha hiika atañpa hutiina sangopyako mi kapa kendonii?

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

LUK KA AYAPUYU 12:32

“Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi.

METHU 16:24

Ho Jisu henjeajiñ atañmi lukotii, Hujalo matiirḛ ngiika kiiliñho ahbo nando koda, mohmi atoh mi hempa siike nento ho mohka sangya mi jobiila ho ngiimi imbo monke nento.

1 KORINTIA 2:9

Hojalo, hiila keto laka donii hiilyañpa, “Amee kone katrḛ kapa manii, malo yaroo tapa manii, malo miyu ka ahha ka henka manii, nii mina Pinii miiju bitiinii hiipa huna mohmi hendonii,”

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

MIINIIÑ 20:32

Ho siisi ngo nunumi Pinii mi lubii lyikuke ho mohka aroh-aya aguñlo, niihna nunumi sangii kendonii ho nunumi pendokupa hikha nunumi hutii mina darii miitii kunii.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

METHU 25:21

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

LUK KA AYAPUYU 24:26

Hiila lyidopa lyimaneha Kristo siika drih atañmi heru hela la ho mohka tatukatu ho ahdupa?”

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

2 KORINTIA 1:5

Niimpalukoda ngunu abuje Kristo ka heru henko ho hembo tii, hiichulipa Kristo ko abuje henjuñ mitrḛ hembo kendo.

PILIPIA 3:10

niimpalukoda ngo mohmi chindupa ho mohka turiturku niika harchichike mi, ho mohka heru mi henche mondupa, mo chuli lyidupa mohka shiiko ho,

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

HIBRU 1:2

hojalo siika kamikalo allo ho mo ngunumi mohka Oho lo luriitii, humina mo kahetiinii kapane drih atañmi pensi koniipa, hukiilona mo dohadolo mi puliñtiinii.