ROM MIKA POL KA SIITI KENIIÑ 7:7 - NITI GONTU N.T. (BSI)

⁷ Nii hiilape hokoda ngunu luchinii? Dapo si ingyamiigya hiila peha? Pema hiilama! Hojalo, siikasi matiirḛ dapo pama tiikoda, ngo ingyamiigya hii niihmi ludu chindiima. Ngo chindiima helyihembyo luniiñsi niihmipe hiila, dapo matiirḛ luma tiikoda, “Nunu helyihembyo kemake ah.”

ROM MIKA POL KA SIITI KENIIÑ 7:7 ပူးပေါင်းရင်းမြစ်များ

ROM MIKA POL KA SIITI KENIIÑ 3:20

Niimpalukoda miyumima kone tiirḛ lupya siila kema mohka hataho dapo miigo miiniiñlo, niimpalukoda dapo hokiila ingyamiigya niika chiniiñ hii ahtii.

ROM MIKA POL KA SIITI KENIIÑ 4:15

Niimpalukoda dapo hii hadii mi ahgiitii, hojalo nohna dapo nyimanii hiiko talemiile hii nyima.

1 KORINTIA 15:56

Shiigo ka iitha hii ingyamiigya, ho ingyamiigya ka harchichike hii dapo ke.

ROM MIKA POL KA SIITI KENIIÑ 13:9

Lujubiniiñ, “nunu ipfyo lyayo, nunu miyu melya yo, nunu diipyo lyayo, nunu kalyi-kabyo lyayo,” ho khiibe lujju biniiñ atañ hiitiirḛ, siika luniiñ soke ahdonii, “Nunu atohka ariapii mi atoh mika henchañho hentolya.”

ROM MIKA POL KA SIITI KENIIÑ 7:8

Hojalo ingyamiigya hii, lujubiniiñ ho ayamyodu mi kapa biido, kapaneka helyihembyo mi ngiiko alii bitii. Dapo mi apa lala ingyamiigya hii shiila sii dosu dunii.

1 TESOLONIA 4:5

mula helyihembyo homapa henjemanii miyu hiilyañ huna Pinii mika kachiñmanii ka miichañ homapa;

ROM MIKA POL KA SIITI KENIIÑ 3:5

Hojalo ngunuka diimmah hii matiirḛ Pinii ka ayakacho kaniiñmi kakiñ dokoda, nii hiila pe ngunu luchinii? Pinii miikha dopeha ngunumi pamyo kela? (Ngo miyu ka luchañ hoke ludu nii.)

KOLOSIA 3:5

Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.

IPISIA 5:3

Hojalo datuapu ho hikha miibḛrnii malo hemikaminii atañmi nunuka punkoho armyañ tiirḛ myampa siilyayo, piniimiyu pa sike ayadonii.

ROM MIKA POL KA SIITI KENIIÑ 7:13

Hokoda, niihna aya donii hiiha shiigo mi ngiipa ahgii biniiñ? pema hiila ma! Hiika hii ingyamiigya sii, shiiniiñ hii ngiiko miila do niihna aya donii hiimi miita nala, niimpalukoda ingyamiigya mi ingyamiigya hiila kadḛr kiine dupa, ho lujubiniiñ lo ingyamiigya mi uro yapa kadḛr yadopa.

ROM MIKA POL KA SIITI KENIIÑ 7:11

Niimpalukoda ingyamiigya hii, aya myodu mi kapa biido lujubiniiñ ho, ngiimi talubalotii ho hiilo ngiimi mentii.

ROM MIKA POL KA SIITI KENIIÑ 7:5

Ngunuka asiialyo hoka sala darañho, ngunuka ingyamiigyanii henjuhembyo, dapo loka heri dopa miiniiñ, ngunuka asiialyo kone miikañla done shiigo ka ahee higiipa.

ROM MIKA POL KA SIITI KENIIÑ 6:15

Nii hokoda? Ngunu ingyamiigya miikañ talyiha niimpalukoda ngunu dapo ka uraho nyima hojalo aroh-aya ka ura hosu hiila? Pema hiila ma!

ROM MIKA POL KA SIITI KENIIÑ 4:1

Nii hiila pe ngunu Abraham ka piigo mi luchi nii, ngunuka aba-apa asiialyo kii dalyilo?

MIINIIÑ 20:33

Ngo kone katrḛ rupu mi malo ayyiñmi malo giijugiimyo mi kapyo malyi ke.

LUK KA AYAPUYU 12:15

Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.”

METHU 5:28

Hojalopa Ngo nunumi ludu hujalopa nyimii mi kalyikabyo la kadi talyi hii ipfyo tiiku mohka ahha ho hiika nyimii ka agiñho.

LUK KA AYAPUYU 20:16

Mo ahla ho hiika miidolyanii atañmi pyadu lokiñdo, ho robalu mi tongelyami bikiñdo.” Siimi mohlu tapa lala, mohlu lutii, “Pinii hiilamiima kencho!”

ROM MIKA POL KA SIITI KENIIÑ 5:20

Dapo hii ahtii, palle nii atañmi abu yake nendupa; hojalo nohna ingyamiigya hii abuyaya talyinii, aroh-aya hii abuyaya dori kendo,

HIBRU 7:19

(niimpalukoda daposi hang ako mitrḛ digoabiaya dopa miimatii); yohe yapa ludo koda, aya ya hentiñ naniiñmi miiliñbitii, niilona ngunu Pinii ko ahde lakiñ donii.