Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ROM MIKA POL KA SIITI KENIIÑ 7:5 - NITI GONTU N.T. (BSI)

5 Ngunuka asiialyo hoka sala darañho, ngunuka ingyamiigyanii henjuhembyo, dapo loka heri dopa miiniiñ, ngunuka asiialyo kone miikañla done shiigo ka ahee higiipa.

အခန်းကိုကြည့်ပါ။ ကော်ပီ




ROM MIKA POL KA SIITI KENIIÑ 7:5
28 ပူးပေါင်းရင်းမြစ်များ  

Siika atañka punkoho ngunu hikha ronge sambola dato ngunuka asiialyo ka hembyokabyo ho, asiialyoho ahha ka henju ho imbomola, ho hopa ngunu henju hokii hadii ka himme atañpa lyito, hikha khiibemiyu atañ hiilyañ.


Ho hutiina Kristo Jisu kiinii hiika hii asiialyo ka agiñho ledalala mentii ku helyihembyo la hemikami mi.


Hikharu hutiina dapo ka miiniiñmi hentiñ la dunii hii beniiñ ka ura ho du; niimpalukoda hiila ketii, “Kone abimi belii kendo huna siika dapo ka kheta soka hikha keto laka doniiñ mi tamanii, ho hiika atañmi miima nii.”


Iche tiirḛ nunuka asiialyo kone mitrḛ ingyamiigya ho miita nankoyo diimmah ka miitaluta naniiñpa, hojalo nunu atohmi Pinii koya tiilii siibito, hiika miyuatañ hiilyañ humina shiiniiñ hokii sango biku tiikunii, ho nunuka asiialyo mi Pinii ka denki mika miitaluta naniiñ paya biito.


Hojalo nunu nii pakur tiiku nunuka hiika drih atañ hokii nii mina nunu siisi hiinyañ la danii? Hiika drih atañka miijo hii shiigo ke.


Kone abi huna ingyamiigya donii hiikahii Pinii ka dapo mi takhodo; niimpalukoda ingyamiigya niisi dapo mika takhoniiñ.


Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.


Shiigo ka iitha hii ingyamiigya, ho ingyamiigya ka harchichike hii dapo ke.


Nii hii gyambo pasugiidu, ho nii hii pasugiidu nunuka punkoho? Nunuka helyihembyo hiima siipeha nunuka hakhu ura ho gyambo pasula donii?


Hiikahiibaho miina laka heniiñ hii ahee hiliñ giidu hiika hii ingyamiigya mi buliñ giidu; ho ingyamiigya hii niida sampya talyi hii shiigo mi ahgiidu.


Niimpalukoda ngunu atoh tiirḛ ronge piicha toke, luniiñtamato, ngola dato, abuje helyihembyo la hempyo soniiñ ka miirapa lyito, ngunuka sango mi kanamapa ho kariñsiila ka miiniiñho santo, miyu atañlo kahu kola ho kone anyañmi kahu siila;


Hopa hengka nyato ronge nunu Midomiyu atañ asiialyoho, gyonya kotii mitupikomanii hiila mitupikoniilo, nii mina miitiinii asiialyoho alah lo,


hojalo ngo kapado ngiika asiialyo ka ura ho dapo koneya pasula do ngiika henju ka dapo agiñho ho ngiimi labii tola biido ingyamiigya ka dapo ngiika ura hoka duniisi.


Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.


Ngo miyu ka lujju hoke ludu nii, niimpalukoda nunuka dumiñ henju giikopa. Niimpalukoda nunu niihtañpa ronge nunuka asiialyo miibḛr la dane ho uro yaya uro yaya ingyamiigya muju ho, hopa siisi nunuka asiialyo mi denki ka asopaya lyikenento dardḛkunii naniiñpa.


Dapo hii ahtii, palle nii atañmi abu yake nendupa; hojalo nohna ingyamiigya hii abuyaya talyinii, aroh-aya hii abuyaya dori kendo,


Niimpalukoda dapo hii hadii mi ahgiitii, hojalo nohna dapo nyimanii hiiko talemiile hii nyima.


Niimpalukoda miyumima kone tiirḛ lupya siila kema mohka hataho dapo miigo miiniiñlo, niimpalukoda dapo hokiila ingyamiigya niika chiniiñ hii ahtii.


Niimpalukoda siika piigopake Pinii mohlumi kahpa biinenii khiimanii henjuho. Mohluka nyimii atañ dumiñhenju miya opalala hensamanii yamiya herii nyada,


Niihna asiialyo lo buko tiinii hii asiialyo ke, ho niihna yajiyallo lo buko tiinii hii yajiyallo ke.


Niimpalukoda ahha hokiisii diimmah heniiñ hii linsu donii, mensuniiñ, ipfyonii, datuapu, diipyoniiñ, amuhpaka haki duniiñ, nipasiiniiñ.


Niimpalukoda ngunu dohadolo so dasu dajalo ngunu dohadolo ka gyambo pajupa pama ke,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ