ROM MIKA POL KA SIITI KENIIÑ 6:23 - NITI GONTU N.T. (BSI)

²³ Niimpalukoda ingyamiigya ka miijo shiigo ke, hojalo Pinii ka binyo paka ahmiñayiñ biniiñ hii santḛrlamanii sango ke Kristo Jisu ngunuka Attoh.

ROM MIKA POL KA SIITI KENIIÑ 6:23 ပူးပေါင်းရင်းမြစ်များ

JON KA AYAPUYU 3:36

Hii huna Oho mi henje donii hiiko santḛrlamanii sango hii doku; hii huna Oho ka luniiñmi tamanii hii sango mi kappa kema, hojalo Pinii ka hadii hii mohko dokañ doku.

ROM MIKA POL KA SIITI KENIIÑ 5:12

Hopa ingyamiigya hii dohadolo so ahtii miyu kone kokiila ho shiiniiñ hii ingyamiigya hokii, ho shiiniiñ hii hikha miyuatañ ko impyatii niimpalukoda hikha miyuatañ ingyamiigyanii

JEMS 1:15

Hiikahiibaho miina laka heniiñ hii ahee hiliñ giidu hiika hii ingyamiigya mi buliñ giidu; ho ingyamiigya hii niida sampya talyi hii shiigo mi ahgiidu.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

MIHUKAKIÑNIIÑ 21:8

Hojalo biiso bopa, henje giima bopa, miibḛrmiilyi koniibopa, miyu menii atañpa, datuapu punii atañpa, ashumiinii atañpa, puchiniimika heriinii atañpa, ho hikha gollubo atañpa, mohluka dusa kohii siimie hoke nohna lyala donii yamu la sulphur nyi, hiikahii ronye niipaka shiitiniiñ.”

TAITAS 1:2

santḛrlamanii sango ka hentiñ naniiñho nii mina Pinii, huna pema gollu manii, ayu kolyuñkolo hoka hemme biniiñ

ROM MIKA POL KA SIITI KENIIÑ 5:17

Hokoda matiirḛ, miyu koneka palle kopa, shiiniiñ hii dotii hiika miyu kokii, hiimi abuyapa hiika miyu larii kendo aroh-aya mi poteje ho binyo paka ahmiñayiñ denki hii domiñ biikiñdo miyu kone Jisu Kristo kiilo.

ROM MIKA POL KA SIITI KENIIÑ 6:16

Nunu chimapo nunu matiirḛ konemijalo atohmi bilii siido koda luniiñ taniibo miirapa, nunu hiika miira ke huka luniiñ mina nunu tadonii, ingyamiigya ka, niihna shiigo ubu ho ingii donii, malo luniiñtanii kii ha, niihna denki dalyiho pagii donii?

JON KA AYAPUYU 17:2

niimpalukoda no mohmi hikha miyu atañmi diimiñlumiñ ladopa harchichike bitii, santḛrlamanii sango bidopa humina no mohmi bitiinii.

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

JON KA AYAPUYU 6:27

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

1 JON 2:25

Ho siikasi niihna mo hemme bitii nii ngunupa, santḛrlamanii sango.

GELESIA 3:10

Hikharu hutiina dapo ka miiniiñmi hentiñ la dunii hii beniiñ ka ura ho du; niimpalukoda hiila ketii, “Kone abimi belii kendo huna siika dapo ka kheta soka hikha keto laka doniiñ mi tamanii, ho hiika atañmi miima nii.”

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

JON KA AYAPUYU 4:36

Hii huna pidonii ajho injomi larii kendo, ho santḛrlamanii sango ka ahee mi tukuñ biikiñdo, niimpalukoda liloniila ho pinii nyi hempyo hehiñdupa hiila.

ROM MIKA POL KA SIITI KENIIÑ 1:32

Mohlu Pinii ka dapo mi chinsu dotrḛ hutiina siika drih atañmi miidonii shiido pa lyido hiila, mohlu kontii hiimi miima, hojalo hiimika miinii atañ miilañmi ayado ludota.

ROM MIKA POL KA SIITI KENIIÑ 6:21

Hojalo nunu nii pakur tiiku nunuka hiika drih atañ hokii nii mina nunu siisi hiinyañ la danii? Hiika drih atañka miijo hii shiigo ke.

ROM MIKA POL KA SIITI KENIIÑ 8:6

Punyu mi asiialyo dalyi henga dopa miiniiñsi shiigo ke, hojalo punyu mi Yajiyallo kii dalyi henga dopa miiniiñsi sango la chimie ke.

ROM MIKA POL KA SIITI KENIIÑ 8:13

niimpalukoda nunu matiirḛ asiialyo ka sanchañ ho sando koda nunu shiikiñ do, hojalo Yajiyallo lo matiirḛ nunu asiialyo ka miigomi mentii kukoda nunu sankiñ doke.

ROM MIKA POL KA SIITI KENIIÑ 8:38

Niimpalukoda ngo hentiñdo shiigo jalo, sango jalo, miidopopi jalo, henjumiiju jalo, siisika drih atañ jalo, ahsanii drih atañ jalo, tamochikho jalo,

ROM MIKA POL KA SIITI KENIIÑ 8:39

ohoh jalo, urañ jalo, hikha puliñnii hokii hang kone tiirḛ, miipe lakiñma ngunumi Pinii ka heniiñ hokii Kristo Jisu ngunuka Attoh kokii.