ROM MIKA POL KA SIITI KENIIÑ 6:13 - NITI GONTU N.T. (BSI)

¹³ Iche tiirḛ nunuka asiialyo kone mitrḛ ingyamiigya ho miita nankoyo diimmah ka miitaluta naniiñpa, hojalo nunu atohmi Pinii koya tiilii siibito, hiika miyuatañ hiilyañ humina shiiniiñ hokii sango biku tiikunii, ho nunuka asiialyo mi Pinii ka denki mika miitaluta naniiñ paya biito.

ROM MIKA POL KA SIITI KENIIÑ 6:13 ပူးပေါင်းရင်းမြစ်များ

ROM MIKA POL KA SIITI KENIIÑ 12:1

Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

ROM MIKA POL KA SIITI KENIIÑ 6:16

Nunu chimapo nunu matiirḛ konemijalo atohmi bilii siido koda luniiñ taniibo miirapa, nunu hiika miira ke huka luniiñ mina nunu tadonii, ingyamiigya ka, niihna shiigo ubu ho ingii donii, malo luniiñtanii kii ha, niihna denki dalyiho pagii donii?

1 PITAR 2:24

Mo ngunuka ingyamiigya atañmi bapa bitii mohka apo ho pogyañho, niimpalukoda ngunumi ingyamiigya ho shiike nendu kupa ho denki ho sanke nendu kupa. Mohka une giiko hopa nunumi miipya tiiku.

KOLOSIA 3:5

Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.

ROM MIKA POL KA SIITI KENIIÑ 7:5

Ngunuka asiialyo hoka sala darañho, ngunuka ingyamiigyanii henjuhembyo, dapo loka heri dopa miiniiñ, ngunuka asiialyo kone miikañla done shiigo ka ahee higiipa.

1 PITAR 4:2

hopa siisi kii sango sansa niimi miyu ka helyihembyo ka sanju ho sayo hojalo Pinii ka henko jaho santo.

KOLOSIA 2:13

Ho nunu, hutiina shiitii kunii palle miikohopa ho nunuka asiialyo hoka mitupiko maniiñho, Pinii turdopa miitiiku ahiñpa mo agiñho, hikha ngunumi ngunuka pallemiinii hemi hello kula,

1 KORINTIA 6:20

nunumi arie bila riitii ku. Hopa nunuka apo lo Pinii mi assañ diilañto.

1 JON 1:9

Ngunu matiirḛ ngunuka ingyamiigyanii atañmi khako siido kukoda, mo lotii ho jije ke, ho ngunuka ingyamiigyanii atañmi hello kendo ho kapane diimmah hokii ase kendo.

1 KORINTIA 6:15

Nunu chimapo nunuka apo si Kristo ka hakhu ako hiila? Hokoda ngiimi Kristo ka hakhu mi biila hiimi pfyoari ka hakhupa miito hiila? Pema miitema!

IPISIA 2:5

ngunuka shiila ka doho ho ngunuka pallenii hokii, ngunumi turdo miitii Kristo ka agiñho (aroh-aya loke nunumi lyangur tiinii),

PILIPIA 1:20

siikasi ngiika hempḛr uro heniiñpa lyidota ho hengiñ naniipa niimpalukoda ngo iche hetrḛ hiinyañmohi kema, hojalo poteje harola siisi kiirañ ngiika ahuapo lo Kristo mike assañ giikiñ donii, turla jalo malo shiijalo.

1 KORINTIA 6:9

Nunu chimapo ingyamiigyanii miyuatañ Pinii ka raddeganda mi peñko kema hiila? Talubalo koyo; ingyamiigya henju henii tiirḛ, puchiniimi ka herii botrḛ malo ipfyo nii hiitiirḛ, malo ahiñsiiniika ipfyo botrḛ,

ROM MIKA POL KA SIITI KENIIÑ 6:19

Ngo miyu ka lujju hoke ludu nii, niimpalukoda nunuka dumiñ henju giikopa. Niimpalukoda nunu niihtañpa ronge nunuka asiialyo miibḛr la dane ho uro yaya uro yaya ingyamiigya muju ho, hopa siisi nunuka asiialyo mi denki ka asopaya lyikenento dardḛkunii naniiñpa.

2 KORINTIA 10:4

niimpalukoda ngunuka gyambo panananii ka dankho panyi si dohadolo kiitañ make hojalo yajiyallo ka harchichike lo adañpaka punii atañmi pyadu lona naniiñpa.

ROM MIKA POL KA SIITI KENIIÑ 6:11

Hopa nunu tiirḛ atohmi ingyamiigya ho shiitiiku hiila hensuto ho Pinii Kristo Jisu ko turdoku hiila.

IPISIA 5:14

Hopa siikasi lutii, “Huronyato, Imilaka donii, ho turi nyatoku shiinii hokii, ho Kristo nunumi hutoh bikiñ doke.”

2 KORINTIA 8:5

ho siikasi, ngunuka bikiñcho hiila ka henko homa, hojalo kapyopa mohlu atoh Attoh mi bipyo lala ho ngunumi Pinii ka henko jaho.

2 KORINTIA 5:15

Ho mo miilañ rupa shiibi tii, niimpalukoda hutiina sando nii hii atoh pa sansu madopa hojalo hiipa huna mohluka piigo pa shiibi tiinii ho turi tiiku tiinii.

ROM MIKA POL KA SIITI KENIIÑ 7:23

hojalo ngo kapado ngiika asiialyo ka ura ho dapo koneya pasula do ngiika henju ka dapo agiñho ho ngiimi labii tola biido ingyamiigya ka dapo ngiika ura hoka duniisi.

LUK KA AYAPUYU 15:32

Si sola diilatala ho hempyo dopa lyidoke, niimpalukoda siika niika anu si shiine kuke, ho turidokuke; mo lyune, ho patii kuke.”

JEMS 4:1

Nii hii gyambo pasugiidu, ho nii hii pasugiidu nunuka punkoho? Nunuka helyihembyo hiima siipeha nunuka hakhu ura ho gyambo pasula donii?

ROM MIKA POL KA SIITI KENIIÑ 1:29

Mohlu kapane demma miiju poteje giida, diimmah, hemikaminiiñ, kanamapa miiniiñ. Poteje kariñ, miyumenii, gasupasu, surudonyo, nyapakoya luniiñ, mohlu biicho,

JON KA AYAPUYU 5:24

Jijeloda, jijeloda, ngo nunumi lukoso, hii huna ngiika aguñmi tadonii ho mohmi henje donii ngiimika kiiniñ bomi, mohko santḛrlamanii sango do; mo ayakacho kako ahkiñma, hojalo shiigo mi impo biila sango ho daku.

LUK KA AYAPUYU 15:24

niimpalukoda siika ngiika oho si shiineku, ho hiira turi doku; mo lyune, ho patiiku. Ho mohlu hempyopa soritii.

2 TESOLONIA 2:12

niimpalukoda miilañ rumi halii kiine dupa hutiina henje manii jijemi hojalo diimmah hoya hempyo pa sonyadonii.

2 KORINTIA 5:14

Niimpalukoda Kristo ka heniiñ hii ngunumi lutiñ biitola biido, niimpalukoda ngunumi talii dopa lutiiku miyu kone miilañ rupa shiibi tii hiila; hopa miilañru shiikiñdo.

2 TIMOTI 2:15

Niika miikhe jami ayapa miito atohmi Pinii ka taliikokunii kone hiila kakiñ siidupa, miigomiinii miyu huna hang hiinyañ dopa lyimanii, miidiko jaho miila jije ka aguñmi gabiitola.