ROM MIKA POL KA SIITI KENIIÑ 5:5 - NITI GONTU N.T. (BSI)

⁵ ho hentiñnanii hii ngunumi heru miipama, niimpalukoda Pinii ka heniiñmi ngunuka ahha ho bito kula doku Darii Yajiyallo lo nii mina ngunumi bitii kunii.

ROM MIKA POL KA SIITI KENIIÑ 5:5 ပူးပေါင်းရင်းမြစ်များ

GELESIA 4:6

Ho niimpalukoda nunu oho atañ ku, Pinii kiiniñtii mohka oho ka Yajiyallo mi ngunu ahha ho, gyobiidola, “Aba! Aba!”

PILIPIA 1:20

siikasi ngiika hempḛr uro heniiñpa lyidota ho hengiñ naniipa niimpalukoda ngo iche hetrḛ hiinyañmohi kema, hojalo poteje harola siisi kiirañ ngiika ahuapo lo Kristo mike assañ giikiñ donii, turla jalo malo shiijalo.

2 TIMOTI 1:12

ho hopa ngo heruhendu siisika henchañho. Hojalo ngo hiinyañma, niimpalukoda ngo chindo ngo humi henjedu hiila, ho ngo hentiñdo mo dagur lakiñdo hiika allo lyihepa nii mina ngiimi kabii tote hiila bitiinii.

2 KORINTIA 1:22

mo mohka tiihonanii lo ngunumi tiihotii ho ngunumi mohka Yajiyallo mi bitii ngunuka ahha ho hentiñ naniiñpa.

1 JON 4:19

Ngunu hendu, niimpalukoda mo ngunumi hempyotii.

IPISIA 1:13

Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

MIINIIÑ 2:33

Hopa Pinii ka lahbi alah ho jocha kotola, ho Aba kokii hemme nii Darii Yajiyallo mi larii lala, nii mina nunu kapa do ho tapa donii mo hiimi biliñtii.

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

GELESIA 5:22

Hojalo Yajiyallo ka ahee hii hensu nii, hempyo, chimie, pigiinii, helakala, aya, lotii,

MIINIIÑ 2:17

Ho kami allo ho hiila lyikiñ doke, Pinii ludo, ngo ngiika Yajiyallo mi hikha miyu atañmi bichi, ho nunuka oho atañ la nunuka wiinga atañ nyibu henkiñ doke, ho nunuka yapa atañ mihu kakiñ doke, ho nunuka amiabañ atañ emma makiñ doke;

2 TESOLONIA 2:16

Siisi ngunuka Attoh Jisu Kristo mo atoh loda, ho Pinii ngunuka Aba, huna ngunumi hendonii ho ayudahe paka hembyuñ mi ngunumi bitiinii ho aya hentiñ aroh-aya lo,

2 KORINTIA 4:6

Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

ROM MIKA POL KA SIITI KENIIÑ 8:28

Ngunu chindo kapane drih hii Pinii aya kiipa sii miidunii hiipa huna mohmi hendonii, humina mohka miigo pa gyotiinii.

1 KORINTIA 8:3

Hojalo kone matiirḛ Pinii mi hendo koda, kone hii mohlo chinko do.

2 KORINTIA 3:18

Ho ngunu miilañru, byoke giimanii nyimo, giinyado Attoh ka tatukatu mi, mo kapu pa lyiguh lado koneya tatukatu hokii koneya lohepa; niimpalukoda si Attoh kokii ahdo huna Yajiyallo nii.

MIINIIÑ 10:45

Ho henjemiyu atañ hutiina Pitar agiñho ahbo montiinii hemur nyatii, niimpalukoda Darii Yajiyallo ka ahmiñayiñ mi Midomiyu atañ mitrḛ bitii.

ROM MIKA POL KA SIITI KENIIÑ 1:7

Hikha Rom daka Pinii ka heniiñ atañ, hutiina piniimiyu hiila lusu donii: Nunumi aroh-aya hiilyi ho chimie Pinii ngunuka Aba ho Attoh Jisu Kristo kokii.

ROM MIKA POL KA SIITI KENIIÑ 9:33

hiila keto la do, Kato, Ngo Zayon ho yalañ atii biilyi ke hiika hii miyu atañmi liichi kendo, yalañ hii mohlumi giihi dopa miikiñdo; ho huna mohmi henje donii hiimi pema hiinyañ mohi ho atii kema.

2 KORINTIA 13:14

Attoh Jisu Kristo ka aroh-aya ho Pinii ka hensunii ho Darii Yajiyallo ka dabo monii hikha nunuka agiñho dabo kencho.

1 TESOLONIA 4:8

Hopa hujalopa siika siimi khiima pama miichi, miyu mi khiima miima hojalo Pinii mi, huna nunumi mohka Darii Yajiyallo mi bidonii.