ROM MIKA POL KA SIITI KENIIÑ 5:18 - NITI GONTU N.T. (BSI)

¹⁸ Hokoda miyu koneka palle kopa hikha miyu atañmi halii dopa lyigiitii, hopa miyu koneka denki miigo miiko hopa tupya giiko lembo pagii kendo ho abuje miyu pa sango dokiñdo.

ROM MIKA POL KA SIITI KENIIÑ 5:18 ပူးပေါင်းရင်းမြစ်များ

1 KORINTIA 15:22

Niimpalukoda hikha Adam ko shiitii, hiichulipa Kristo ko hikha rumi turdo miikiñdo.

ROM MIKA POL KA SIITI KENIIÑ 5:12

Hopa ingyamiigya hii dohadolo so ahtii miyu kone kokiila ho shiiniiñ hii ingyamiigya hokii, ho shiiniiñ hii hikha miyuatañ ko impyatii niimpalukoda hikha miyuatañ ingyamiigyanii

ROM MIKA POL KA SIITI KENIIÑ 5:15

Hojalo binyo paka ahmiñayiñ biniiñ hii pallenii hiilyañ make. Niimpalukoda matiirḛ abuje shiitii miyu koneka palle kopa, abuyapa Pinii ka aroh-aya hii do ho binyo paka ahmiñayiñ biniiñ miyu kone Jisu Kristo ka aroh-aya kopa, abujemi bitii.

ROM MIKA POL KA SIITI KENIIÑ 5:19

Niimpalukoda miyu koneka luniiñtama kopa abujemi ingyamiigya giitii, hopa miyu koneka luniiñ tako hopa abujemi denki dopa miikiñdo.

MIINIIÑ 13:39

ho mo kiilo kone abi huna henje nyadonii kapane drih hokii tupya konyada nii mina nunu Mose ka dapo lo tupya kola matiinii.

HIBRU 2:9

Hojalo ngunu Jisu mi kapado, humina arche hepa miidopopi mi atu yadopa miitiinii, tatukatu ka agiñho tayyiñbyopa agiitii khiibii dola niimpalukoda shiiniiñ ka heru mika henko hopa, niimpalukoda Pinii ka aroh-aya kopa mohmi shiiniiñ mi henka kiine dupa kone abipa.

ROM MIKA POL KA SIITI KENIIÑ 4:25

humina shiidopa miitiinii ngunuka palle kopa ho turiturku ku ngunumi luderbidupa.

JON KA AYAPUYU 1:7

Mo pyakodupa ahtii, hutohmi haki bidupa hiila, niimpalukoda miilañjami henje kiine dupa mohkokiila.

JON KA AYAPUYU 12:32

ho ngo, niida ngiimi kiiddiapiñ sokii yucha talyi, hikha miyu atañmi ngiiko selii giichi.”

1 JON 2:20

Hojalo nunu Darii konelo arrḛyartiiku, ho nunu hikha chindo.

2 PITAR 1:1

Saimon Pitar, Jisu Kristo ka miira ho kiiniñkonii kone, Hiika atañpa hutiina patii kunii henje ahiñ ngunuka agiñho danii ngunu Pinii la Lyangurbo Jisu Kristo ka denki ho:

JON KA AYAPUYU 3:26

Ho mohlu Jon ko ahtii, ho mohmi lutii, “Tonsḛrbo, niika agiñ hoka Jordan pache dalyi hoka daniibo, hupana no haki bine nii, sike mo, baptisma bila, ho miilañru mo agiñho ilyi.”

ROM MIKA POL KA SIITI KENIIÑ 3:25

humina Pinii atii tiisi bitiinii mohka ai lo bisi bidupa, henje lo larii kiinedupa. Siikasi Pinii ka denki mi kakiñ dupa, niimpalukoda mohka piniipigiiniiho mo kapyo hoka ingyamiigyanii atañmi impo biitiiku;

ROM MIKA POL KA SIITI KENIIÑ 6:14

Niimpalukoda ingyamiigya hii nunumi domiñ biila keñku make, niimpalukoda nunu dapo ka ura ho nyiku make hojalo aroh-aya ka ura hoke.