ROM MIKA POL KA SIITI KENIIÑ 4:11 - NITI GONTU N.T. (BSI)

¹¹ Mo mitupikonii mi kagiñnaniipa lariitii malo denki ke hiila tiiho kotii, nii mina mo henjelo giitiinii mohka mitupipakoma rampa. Hiilaka lyiniiñsi mohmi hikha dadoka aba pa miidupa hutiina henje nyadonii mitupipakoma siitrḛ ho huna mohlumi denki hiila khiidonii,

ROM MIKA POL KA SIITI KENIIÑ 4:11 ပူးပေါင်းရင်းမြစ်များ

ROM MIKA POL KA SIITI KENIIÑ 3:22

Pinii ka denki hii Jisu Kristo mika henje kopa ahkiñdo hikha hutiina henje nyadonii. Niimpalukoda hiiko khiingu khiire nyima;

LUK KA AYAPUYU 19:9

Ho Jisu mohmi lutii, “Siilo sangopyako hii siika ude so ahdo ke, mo tiirḛ Abraham ka oho paka lyilyinii.

HIBRU 11:7

Henje lo Noah, Pinii lo luluñ kobiidola ahsanii lyisa niimi kapa masu tiirḛ, tagiila ho hempḛr kahe hulu tare pentii mohka uru atañmi lyangur naniipa; siika silo mo dohadolo mi khiipatii ho denki mika pensi koniiñpa lyitii niihna henjelo ahdonii.

2 KORINTIA 1:22

mo mohka tiihonanii lo ngunumi tiihotii ho ngunumi mohka Yajiyallo mi bitii ngunuka ahha ho hentiñ naniiñpa.

PILIPIA 3:9

ho mohko kapa kodupa, ngiika atohka denki kopa mapa, dapo mi khiita nala, hojalo niihna henje kiilonii Kristo ko, denki Pinii kokii nii mina henje ho henta nandonii;

IPISIA 4:30

Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

IPISIA 1:13

Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

GELESIA 6:16

Chimie la aroh hii hikha hiika atañka agiñho dokiñ cho hutiina siika muju chuli indanii, Isrel ka Pinii hahoho.

GELESIA 5:5

Niimpalukoda Yajiyallo kiilo, henje biidola, ngunu kalyatii denki ka hentiñmi.

GELESIA 3:29

Ho nunu matiirḛ Kristo kiikoda, hokoda nunu Abraham ka ohoasi ke, pensi kokiñdo hemme biniiñ hiilyañpa.

GELESIA 3:22

Hojalo piniipota si hikha drih atañmi ingyamiigya hiila khiido, niimpalukoda niihna Jisu Kristo mika henje niipa hemme bitiinii hiimi bike nendupa hutiina henje nyadonii.

GELESIA 3:7

Hopa nunu kato siikasi henje ka miyuatañ ke Abraham ka oho atañ hii.

ROM MIKA POL KA SIITI KENIIÑ 10:11

Piniiaguñ si ludo, “Kone mitrḛ huna mohmi henje donii hiimi hiinyañ aba kema.”

ROM MIKA POL KA SIITI KENIIÑ 10:6

Hojalo denki henje hoka doniibo ludo, Niika ahha ho luyo, “Hu dariiganda ho chakiñdo?” (hiika hii, Kristo mi akkañ ho togii dupa hiila)

ROM MIKA POL KA SIITI KENIIÑ 10:4

Niimpalukoda Kristo dapo ka kami jaku, hopa hujalopa henje talyi hiimi lupya bikiñdo.

JON KA AYAPUYU 6:35

Jisu mohlumi lutii, “Ngo sango ka yatañ ke; huna ngiiko ahdonii hii haya kemake, ho huna ngiimi henje talyinii hii iche tiirḛ hangḛr kema.

MIHUKAKIÑNIIÑ 9:4

mohlumi lubiido kiiddiapiñ daka tammi mi miidañ yo malo salyi lela sancha niimi malo sannii mi hang heru dopa miiyo, hojalo hiika miyu atañmi miito hutii kiina mohluka tiirii ho pinii ka jhipponiimi giimanii;

2 PITAR 1:1

Saimon Pitar, Jisu Kristo ka miira ho kiiniñkonii kone, Hiika atañpa hutiina patii kunii henje ahiñ ngunuka agiñho danii ngunu Pinii la Lyangurbo Jisu Kristo ka denki ho:

ROM MIKA POL KA SIITI KENIIÑ 9:30

Nii hiila pe ngunu luchinii, hokoda? Midomiyu atañ hutiina denki mi memanii hii hiimi kapa tiiku, hiika hii, denki henje kiilo;

ROM MIKA POL KA SIITI KENIIÑ 9:6

Hojalo siikasi Pinii aguñ hii golludo hiila make. Niimpalukoda hikha hutiina Isrel ka ohoasi hii Isrel hokii make,

ROM MIKA POL KA SIITI KENIIÑ 3:26

hiika hii hiila kakiñ dupa siika myoduso mo atoh loda denki ke hiila ho mo hiimi tiirḛ lupya bido huna Jisu mi henje donii.

JON KA AYAPUYU 8:33

Mohlu mohmi lusitii, “Ngunu Abraham ka ohoasi, ho ronge hetḛr mika miirapa biikola duka ma. Niihtañ pa no ludu, ‘Nunumi tupya kendoke hiila’?”

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

JON KA AYAPUYU 3:36

Hii huna Oho mi henje donii hiiko santḛrlamanii sango hii doku; hii huna Oho ka luniiñmi tamanii hii sango mi kappa kema, hojalo Pinii ka hadii hii mohko dokañ doku.

METHU 16:16

Saimon Pitar lusitii, “No Kristo, turnii Pinii ka Oho.”

METHU 8:11

Ngo nunumi lukoso, abuje miyu ahkiñ do danyichaggo hokii ho danyiaggo dalyi hokii tiirḛ ho diibo nyakiñ do Abraham, Isak, ho Jakob ka agiñho dariiganda ka raddeganda ho,

ROM MIKA POL KA SIITI KENIIÑ 9:33

hiila keto la do, Kato, Ngo Zayon ho yalañ atii biilyi ke hiika hii miyu atañmi liichi kendo, yalañ hii mohlumi giihi dopa miikiñdo; ho huna mohmi henje donii hiimi pema hiinyañ mohi ho atii kema.

JON KA AYAPUYU 3:33

huna mohka pyakoniimi talii donii mohko hiimi miiho tola doku, Pinii jije hiila.

ROM MIKA POL KA SIITI KENIIÑ 3:30

Pinii hii kone siilyi nii; ho mo mitupikonii mi lupya kendo mohluka henje giinii lo ho mitupipakoma niimi mohluka henje kopa.

ROM MIKA POL KA SIITI KENIIÑ 4:10

Hokoda niihtañpa hiikahii mohmi khiiko dopa lyine? Hiikahii kapyo hopeha malo mohka mitupipakoku lala peha? Hiikahii kami homa siipeha, hojalo mohka mitupipakoma rampa.