ROM MIKA POL KA SIITI KENIIÑ 3:25 - NITI GONTU N.T. (BSI)

²⁵ humina Pinii atii tiisi bitiinii mohka ai lo bisi bidupa, henje lo larii kiinedupa. Siikasi Pinii ka denki mi kakiñ dupa, niimpalukoda mohka piniipigiiniiho mo kapyo hoka ingyamiigyanii atañmi impo biitiiku;

ROM MIKA POL KA SIITI KENIIÑ 3:25 ပူးပေါင်းရင်းမြစ်များ

1 JON 4:10

Siika sike hensu nii, hiila ma ngunu Pinii mi hentola hiila hojalo mo ngunumi hentii ho mohka Oho mi kiiniñtii ngunuka ingyamiigya niipa bili bidupa hiila.

1 JON 2:2

ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

ROM MIKA POL KA SIITI KENIIÑ 5:9

Hopa, ngunumi lupya bitiiku mohka ai lo, abuyapa ngunumi lyangur tiiku Pinii ka hadii hokii.

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

HIBRU 10:4

Niimpalukoda siikasi miila kema lodake siihhiibo la siibiñ nyika ai lo ingyamiigya atañmi lapa biidupa.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

HIBRU 11:7

Henje lo Noah, Pinii lo luluñ kobiidola ahsanii lyisa niimi kapa masu tiirḛ, tagiila ho hempḛr kahe hulu tare pentii mohka uru atañmi lyangur naniipa; siika silo mo dohadolo mi khiipatii ho denki mika pensi koniiñpa lyitii niihna henjelo ahdonii.

ROM MIKA POL KA SIITI KENIIÑ 5:1

Hopa, ngunumi henje lo lupya bitii ku, ngunukii Pinii agiñho chimie hii do Jisu Kristo kiilo.

MIHUKAKIÑNIIÑ 20:15

ho hu koneka jalo armyañ mi matiirḛ kapa makoda sango ka kheta ho ketola dopa, mohmi yamu ka siimie ho jopa liikiñdo.

MIHUKAKIÑNIIÑ 5:9

ho mohlu niti biisie sido, lubiidola, “No khiiniiñ pa lyido karkiesiilyo mi lariiniipa ho hiika jhipponiimi miiko dopa, niimpalukoda no menkotii ho niika ai hii miyu atañmi tupya tii Pinii pa halu kone abi hokii ho aguñ ho miyuatañ ho ganda mi,

HIBRU 11:14

Niimpalukoda miyuatañ huna ludonii siimi didḛrpa miitii mohlu atoh ganda mi metii hiila.

1 JON 1:10

Ngunu matiirḛ ludokoda ngunu ingyamiigya ma hiila, ngunu mohmi gollu niipa ke miibii donii, ho mohka luniiñhii ngunuko nyima ke.

HIBRU 11:17

Henjelo Abraham, mohmika tenka lyiho, Isak mi bitii, ho huna hemme niimi kapa tiikunii mohka oho ako lohe bidupa miitii,

HIBRU 9:5

hiimi hahoyaho cherubim ka tatukatu hii aroh duko mi hipu biitii. siika drih atañmi siisi ngunu didḛr pa lusu lakiñma.

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

ROM MIKA POL KA SIITI KENIIÑ 5:11

Hiila kontii mata, hojalo ngunu Pinii ko hempyo du Attoh Jisu Kristo kiilo, huko hokiina ngunu siisi larii tiikunii ngunumika yardiñ bikuniimi.

ROM MIKA POL KA SIITI KENIIÑ 3:26

hiika hii hiila kakiñ dupa siika myoduso mo atoh loda denki ke hiila ho mo hiimi tiirḛ lupya bido huna Jisu mi henje donii.

ROM MIKA POL KA SIITI KENIIÑ 2:4

Malo no helii henga lakiñ doha mohka hiimkane helakala ho yanupa pigiiniimi ho yanuniimi? No chimapo Pinii ka helakala niisi niimi henkur kiine dukupa hiila?

MIINIIÑ 4:28

miidupa niijalo niika alah ho niika hemmyobiniiñ bardiñsoyu miigii talyi.

MIINIIÑ 3:18

Hojalo niihna Pinii hikha nyibuhenii atañlo lutii nii, mohka Kristo heru henkiñdo, mo hiimi miipetii.

MIINIIÑ 15:18

Attoh lutii, hu siika drih atañmi bilo ka khu hokii chindopa miitii.

MIINIIÑ 2:23

siika Jisu mi, Pinii bipatii mohka hemmyonii jaho ho chimbii tola, nunu ledatii ho mentii diimmah miyu atañka alah lo.

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

MIINIIÑ 14:16

Bilo ka santuñ atañmi mo hikha ganda atañmi mohluka atoh henko indo pa miitii;

ROM MIKA POL KA SIITI KENIIÑ 5:18

Hokoda miyu koneka palle kopa hikha miyu atañmi halii dopa lyigiitii, hopa miyu koneka denki miigo miiko hopa tupya giiko lembo pagii kendo ho abuje miyu pa sango dokiñdo.

1 KORINTIA 5:7

Aseto khu ipomi ho nunu niti aphu pa lyikiñ doke, nunu jije ipo miiyomanii hiilyañ kendo. Niimpalukoda Kristo, ngunuka impobiiniiñ dituñ ka subuñ, membi tiiku.

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

IPISIA 1:7

Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

IPISIA 2:13

Hojalo siisi Kristo Jisu ko nunu humina ronge hempḛr adho danenii ahgii tiiku aruñho Kristo ka ai kiilo.

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

MIHUKAKIÑNIIÑ 1:5

ho Jisu Kristo lotii haki binii boko hokii, shiinii hokiika kapyo japa ka bukonii, ho kiiddiapiñ daka radde atañ mika sangiinii. Mohmi huna ngunumi hendonii ho ngunumi dasḛr miitiiku ngunuka ingyamiigya atañ hokii mohka ai lo