ROM MIKA POL KA SIITI KENIIÑ 2:29 - NITI GONTU N.T. (BSI)

²⁹ Mo Jew huna ura hokiila aya donii, ho jije mitupikonii hii ahha hoke donii, yajiyallo hoke ho keto laka donii make. Mohka assañ nii hii miyu kokii make hojalo Pinii kokiike.

ROM MIKA POL KA SIITI KENIIÑ 2:29 ပူးပေါင်းရင်းမြစ်များ

PILIPIA 3:3

Niimpalukoda ngunu jije mitupipakoniiñ, huna Pinii mi yajiyallo lo heriidonii, ho Kristo Jisu ko assañ kodunii, ho asiialyoho hentiñ siimanii.

1 TESOLONIA 2:4

hojalo niihtañpa ngunumi Pinii ko taliikaha la ayapuyu mi luniiñpa lutiiku, hopa ngunu ludu, miyu mi hempyo miipa pama, hojalo Pinii mi hempyo miipa dupa huna ngunuka ahha mi tenka dunii.

1 PITAR 3:4

hojalo ahha ura hoka aya miyu lyula samanii giiju miya giito helakala ka guju ho chimeeñ yajiyallo, niihna Pinii ka kata ho ano khiiniiñ pa lyidonii.

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

2 KORINTIA 10:18

Niimpalukoda siikasi miyu make huna atohmi assañ siidonii taliitiiku hiila, hojalo humina Attoh assañdonii.

ROM MIKA POL KA SIITI KENIIÑ 7:6

Hojalo siisi ngunumi dapo hokii apalintiiku, niimpalukoda nii hona ngunumi nyima latu tola dotiinii hokii ngunu shiitii ku, Hopa ngunu bilo ka khu keto laka dapo donii hiilyañ miiho make hojalo Yajiyallo ka niti sango hoke.

ROM MIKA POL KA SIITI KENIIÑ 2:27

Hopa hutiina apo-loda lo mitupikomanii hojalo dapo ka luniiñmi atii donii nunumi khiilii kendo huko hona keniiñ hii donii ho mitupipakosu lala hojalo dapo mi chekho donii.

2 KORINTIA 3:6

huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

JON KA AYAPUYU 12:43

niimpalukoda mohlu miyu ka assañ niimi uro yapa hemi lyado Pinii ka assañ niimi hentola.

JON KA AYAPUYU 5:44

Niihtañpa nunu henje lakiñdo, huna kone anyañ ka assañ niimi larii siila ho Pinii kokiika assañdiilañ ahnii miya menya mapa?

LUK KA AYAPUYU 11:39

Ho Attoh mohmi lutii, Siisi nunu Parisi atañ turla ka ago mila ho paka mi ase da, hojalo uraho nunuko poteje diilelule ho diimmah giida.

ROM MIKA POL KA SIITI KENIIÑ 14:17

Niimpalukoda Pinii ka raddeganda hii diigo la tango kiimake hojalo denki ho chimie ho hempyo ke Darii Yajiyallo agiñho;

JON KA AYAPUYU 4:23

Hojalo myodu hii ahlyi ke, ho siisi ke, niidana jije heriinii atañ herii kendonii Aba mi yajiyallo ho jije lo, niimpalukoda Aba sitañ mohmika heriiniike medonii.

LUK KA AYAPUYU 17:21

malo mohlu hiila tiirḛ lukiñma, ‘Kato, siika sike!’ malo inkasike! niimpalukoda kato, Pinii ka raddeganda hii nunuka punkoho do.”

ROM MIKA POL KA SIITI KENIIÑ 3:1

Ho Jew kii nii ayayanii do? Malo mitupikonii hii nii khiiniiñ pa lyido?

1 KORINTIA 7:19

Niimpalukoda mitupiko niiñ jalo mitupiko maniiñ jalo hiimi hang pa khiimake, hojalo Pinii ka lujubiniiñ mika atii niimi ke.