ROM MIKA POL KA SIITI KENIIÑ 16:18 - NITI GONTU N.T. (BSI)

¹⁸ Niimpalukoda sitañ miyu atañsi ngunuka Attoh Kristo mi miiho make, hojalo mohluka erre misuke, ho lujuaya ho luhiluso la aguñ lula la mohlu chimanii miyu atañmi gollu nyabiido.

ROM MIKA POL KA SIITI KENIIÑ 16:18 ပူးပေါင်းရင်းမြစ်များ

KOLOSIA 2:4

Ngo siika siimi ludu niimpalukoda kone mitrḛ nunumi talubalo madopa mohluka takiñkahiñ luniiñlo.

PILIPIA 3:19

Mohluka kamikalo hii pyaduloko saniike, mohluka pinii hii erre ke, ho mohlu assañ siinyada mohluka hiinyañ mohiho, kiiddiapiñ ka drih atañka henju agiñho henta liigii tola.

METHU 7:15

Hendi nyatolya gollumisu nyibuhenii atañ kokii, nunuko subuñ ammu hokii giitola ahkiñdo hojalo ahha ura hii siipya ke.

1 TIMOTI 6:5

ho miyu atañka punko hoka chessuniiñ huka henjuna surudonyonii ho jije hokii lyudo kuniiñ, henyadanii piniisanju hiike pasermiiliñ biiko lembo.

2 PITAR 2:3

Ho mohluka diibuñ ho mohlu nunukokii pasermiiliñ biidupa miikiñdo amuh aguñ atañlo; bilo jakii mohlumika haliiniimi kago tola domake, ho mohlumika pyadu losanii hii imila do make.

JUD KA SIITI KENIIÑ 1:16

Siika atañsi biicho choniiñ, hembyañ ramanii; mohluka atoh helyihembyo hoka sanii, goropa aguñlo khanjo siinii, khanjola miyuatañ agiñho mohlupa pasermiiliñ biidupa.

2 TESOLONIA 2:10

ho hikha diimmah golluniilo hutiina lyukiñdonii, niimpalukoda mohlu tamatii jije mika hensa niimi ho lyangur kosa niimi.

JUD KA SIITI KENIIÑ 1:12

Siika atañsi diigolugo giinii nunuka hensunii diigodiikoho, niihtañpa mohlu haroloda diigiitangii tola haggosonyada tongepa, atoh atohmi kasu biidola; miidohumanii jomii atañ, allyi loka heduñ biikonii; ahee hidu hoka himanii sannii atañ, ronye niipaka shiiti nii, bupalinko kunii;

PILIPIA 2:21

Mohlu miilañru mohluka atohpasu hensu nyadonii, Jisu Kristo pama.

GELESIA 1:10

Siisi ngo miyu atañlo khiiko dupa peha miidonii malo Pinii lopeha? Malo ngo miyu atañmi hempyo miipa papeha miidonii? Ngo matiirḛ siisijalo miyu atañmi hempyo miipa pa miido milo, ngo Kristo ka miira pa lyimake.

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

KOLOSIA 3:24

chimbiitola Attoh kokii nunu pensikokiñdo nunuka ahmiñayiñ mi; nunu Attoh Kristo mike miiho donii.

2 KORINTIA 4:2

Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

2 KORINTIA 2:17

Niimpalukoda ngunu hiilama, niihtañ abuje miinyada, Pinii aguñ mika kiiridudobo; hojalo lotii miyupa lyila, Pinii ka kiiniñkonii pa, Pinii ka kata ho ngunu Kristo pa ludu.

ROM MIKA POL KA SIITI KENIIÑ 16:19

Niimpalukoda niika lunii taniiñ mi hikharu chindo ke, hopa ngo niimi hempyo biidu, Ngo hendo no niihna aya nii hiimi chinkiñ cho ho niihna diimmah nii hiimi chima kencho hiila;

JON KA AYAPUYU 12:26

Hujalopa matiirḛ ngiimi miihotalyi, mo ngiimi imbo monkiñdo loda; ho noh ngo da, hiiko ngiika miira tiirḛ dakiñdo; hujalopa ngiimi matiirḛ miihotalyi, Aba mohmi khiikiñdo.

METHU 24:11

Ho abuje amuhpaka nyibuhenii duri kendo ho abujemi ngogii kendo.

METHU 6:24

Kone hetrḛ atoh anye mi miiho lakiñma; niimpalukoda konemi hempa lyalala ho konemi hendopa lyikiñdo, malo konemi hensañ lyalala ho konemi hempa heya kendo. Nunu Pinii la mammon nyimi miiho lakiñ make.

MIHUKAKIÑNIIÑ 1:1

Jisu Kristo ka kakiñniiñ, nii mina Pinii mohmi bitiinii mohka miira atañmi kakiñ dupa niihna hempḛr nyibya lyikiñ donii; ho mo siika siimi chindopa miitii miidopopi mi mohka miira Jon ko kiiniñ lala,

JUD KA SIITI KENIIÑ 1:1

Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

JEMS 1:1

Jems, Pinii la Attoh Jisu Kristo ka miira, Alyañlenye impyainsanii halu atañmi: Ayahelyi.

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

ROM MIKA POL KA SIITI KENIIÑ 14:18

mo huna Kristo mi miiho donii hii Pinii ka talii lasanii ho miyu atañka kahe kuniiñ.