ROM MIKA POL KA SIITI KENIIÑ 13:13 - NITI GONTU N.T. (BSI)

¹³ Kiije ngunu atoh atohmi hutoh hoka danii hiilyañ dasa, hempyopa sola ho ow tangiitola damasa, ayamapa hela ho hensamanii hemasa, pasugasula ho kariñsiila miimasa.

ROM MIKA POL KA SIITI KENIIÑ 13:13 ပူးပေါင်းရင်းမြစ်များ

GELESIA 5:21

kariñ, ow tangiinii, tangiitola hagopaka soniiñ, ho hii chulipaka miinii. Ngo nunumi luluñ lyike, kapyo hoka luluñ luchañ ho, hutiina sitañ drih atañmi miido nii Pinii ka raddeganda mi pensi kokiñma.

IPISIA 5:18

Ho ow tangii tola dalya yo, niimpalukoda hiikahii byagii kendoke; hojalo Yajiyallo miya poteje giitolya,

1 TESOLONIA 4:12

niimpalukoda nunuka hiika miiniiñlo agomiyu lo khiiko dupa, ho kone mitrḛ hentiñla duyo.

1 JON 2:6

hii huna ludonii mo mohka agiñho giigela da hiila hii inniiñ mi mohka inchañ jaho inkiñdo.

IPISIA 5:15

Hendi nyatolya hokoda niihtañpa nunu indu, chimanii miyu hiilyañ mapa hojalo chila hiilyañ,

1 TESOLONIA 2:12

sango mi Pinii khiiko dopa sando pa, huna nunumi gyotiinii mohka atoh raddegandaho ho tatukatu ho.

LUK KA AYAPUYU 21:34

“Hojalo nunu attoh pa henditolya, hiila makoda nunuka ahha atañ hame rikiñ doke diigo la tango ho siika sango mika henaho, ho hiika allo hii nunuko aluñpada ke ahkiñ donii;

1 TESOLONIA 5:17

kukañ ari kuto,

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

JUD KA SIITI KENIIÑ 1:23

tongemi lyangur tolya, mohlumi yamu hokii rore limbii dola; tonge mi aroh biiso biidola, hojalo asiialyo ka diigolugo giinii ka pulyetarii mi lohe kanamapa miibii lya.

2 JON 1:4

Ngo ano hempyo do niika oho tongemi jije mi imbo mondopa kapa lala, niihtañpa ngunumi Aba hii miitolya luhii.

JEMS 4:5

Malo nunu hiila henduha siikasi piigo ama piniipota ka luniiñsi, “Mo kariñsiiniiñ mi laliitii yajiyallo ho nii mina mo ngunuko dubo dopa miitiinii”?

KOLOSIA 3:5

Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.

KOLOSIA 1:10

sango mi Attoh lo khiiko dopa sankiñ cho hiila, mohmi hempyo miipa dopa, kapane aya miigo ho ahee hibi dopa ho Pinii ka drih mi abu yapa chila dopa.

PILIPIA 2:3

Hang miilyayo atohpa kontii hensu biidola malo hengiñhentii siibii dola, hojalo yanugiibii dola khiibemiyu mi atohmi kayeyapa khiito lya.

IPISIA 5:8

niimpalukoda ronge nunu kamo ho dane, hojalo siisi nunu Attoh ko hutoh hoke danii; hutoh ka himme atañ hiilyañ into

IPISIA 4:17

Siisi ngo siimi lulyi ho Attoh ko pyakolyi, nunu siisi kiija Midomiyu ka sancha ho sanku yo, mohluka ayamanii henjuho;

IPISIA 4:1

Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

GELESIA 5:19

Siisi asiialyo ka miigo atañ hii kadḛr doke: datuapu, miibḛrniiñ, helyihembyo heniiñ,

MIINIIÑ 2:15

Niimpalukoda siika miyu atañsi tangii nyamake, nunuka henii chulipa, siisi allo ka gunta takkowa hesu rañ;

LUK KA AYAPUYU 16:19

“Mingo miyu kone duto la, huna niiji ho hempḛr aya kapyo pulye giitii ho huna allo karmyañmi diiji adi diitiinii.

LUK KA AYAPUYU 1:6

Ho mo anye anyeru Pinii kata ho denkitii, Pinii ka hikha luniiñmi takho mapa ho pahañ halii komapa santii.

1 KORINTIA 3:3

niimpalukoda nunu siisi jalo asiialyo kiirañ ke. Niimpalukoda nunuka punkoho kariñ siinii ho hadiimikha dorañ, nunu asiialyo kiima ehna, ho dumiñ miyu miiju hiilyañ miima ehna?