ROM MIKA POL KA SIITI KENIIÑ 12:8 - NITI GONTU N.T. (BSI)

⁸ mo huna haro lupa donii, mohka harolupa koho; mo huna bibo donii, hempakaya biidola; mo huna bibyuñ donii, bichi hiila hembiidola; mo huna aroh ka miigomi miido nii, ngarka jije biidola miito.

ROM MIKA POL KA SIITI KENIIÑ 12:8 ပူးပေါင်းရင်းမြစ်များ

2 KORINTIA 9:7

Kone abi miito nii hiila niika ahha ho hentii, bina mapa hembiidola malo bikiñ doku loda hiila mapa, niimpalukoda Pinii hendu huna hempyo biidola bidonii.

1 TIMOTI 5:17

Amiabañ atañ hutiina sangiigyagii nyadonii uro yapa khiiko kendo, luchila huna tonsḛrkhenyo ho tonsḛr nyadonii;

1 KORINTIA 12:28

Ho Pinii kapyo japa gyoliñkonii ho kiiniñkonii mi kahetii, anye niipa nyibuhenii atañmi, hinge niipa tonsḛrbo atañmi, hiika hiibaho miimalyanii miigo miinii atañmi, hiikahiiba ho achih miipya niimi, hembyuñ niimi, giirasogiinii atañmi, ponge ponge aguñpaka lunii atañmi.

HIBRU 13:17

Nunu mika sangii bomi talii tolya ho mohluko tiilii siibito; niimpalukoda mohlu nunuka yallo mi kalyañ doke, mohluke piijo da taka lyiko ho luko kendo kunii. Mohlumi siimi hempyo biidola miike nento, ho heru biido lamapa, niimpalukoda hiikahii nunupa hang aya giikiñ make.

MIINIIÑ 15:32

Ho Judas la Silas nyi, mo anye nyibuhenii siitrḛ, anubarmii atañmi haro lupatii abuje aguñlo ho mohlumi alḛr lupatii.

MIINIIÑ 13:15

Dapo la nyibuhenii mi riku lala, sinagog daka sangiibo mo anye mi gyotii, lubiidola, “Anuanye si, niinyi ko hang haro lupa sanii miyu atañpa matiirḛ dokoda, hiimi luto.”

HIBRU 13:24

Ayahelyi hikha nunumika sangii bomi ho hikha piniimiyu atañmi. Hutiina Italy hokii ahdonii nunumi ayahelyi bilii bilyike.

HIBRU 13:22

Ngo nunumi yarlyi, anubarmii atañ, ngiika harolupa laka aguñmi tato, niimpalukoda ngo nunupa tudiipa kebii lyike.

HIBRU 13:7

Nunumika sangii nii atañmi hempato, hutiina nunumi Pinii ka aguñmi luko nenii; mohluka sango niihtañ nena hiimi henkato, ho mohluka henje mi katiñ giito.

HIBRU 10:25

tonge paka kapa siisa niimi assuale mapa, tonge hiila miinya data, hojalo kone anyañmi haro lupa siito, ho hiimi tiirḛ uro yapa nunu kapado Allo hii tunii dokuke.

2 KORINTIA 8:12

Niimpalukoda henjuniiñ hii ho dokoda, hiika hiimi talii kendoke miyu ko niihna donii, mohko niihna nyimanii hiila mapa.

1 KORINTIA 14:3

Yoheyapa ludokoda, huna nyibu hendo nii hii miyu mi luriido mohluka aya kiipa ho haro lupado ho myado.

MIINIIÑ 20:28

Nunu attohpa hendi nyatolya ho hikha subuñ atañmi, nunumi Darii Yajiyallo mohlumi kabii niipa miitii, Pinii ka gyoliñkonii atañmi kage niipa humina mo mohka attoh Oho ka ai lo riitii nii.

MIINIIÑ 20:2

Mo hikha siika gandaho intii patii lala ho mohlumi abuje harolupatela, mo Greece ho ahtii.

1 TIMOTI 4:13

Nii dahepa ngo ahtema, butiiapur hoka piniipota mika riko ho ahbo tolya, tonsḛrkhenyoko, tonsḛr ko.

1 TESOLONIA 2:8

Hopa, nunumi hempḛr hela, ngunu nunumi ayapuyu mi kontii mapa hojalo ngunu atoh mitrḛ biche siinato, niimpalukoda nunu ngunuka hempḛr heniiñ pa lyidoku.

1 TESOLONIA 2:3

Niimpalukoda ngunu yarniiñ miikha nii hokii malo kacho hokii lima, malo siikasi surupiibi la miima;

KOLOSIA 3:22

Miira atañ, kapanemi luniiñ tanyato huna nunuka kiiddiapiñ ka attoh nyanii, amee kataho kontii mapa, miyu mika hempyo miipa dupa hiila mapa, hojalo ahha puhepa hembiidola, Attoh mi biiso biidola.

IPISIA 6:5

Miira atañ, denkipa luniiñ tato nunuka kiiddiapiñ ka attoh atañka luniiñmi, biiso ho alye biidola, ahha puhe pa hembiidola, Kristo mika henchañho;

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

2 KORINTIA 9:13

Siika miigo soka tenka koso, nunu Pinii mi assañdiilañ kendo nunuka talii laka Kristo ka ayapuyu mi khiiko hopa, ho hempabiido laka bibyuñ niimi mohlupa ho khiibemiyu patrḛ;

2 KORINTIA 9:11

Nunumi kapakohe mingo dopa miikiñ doke uropaka bibyuñ kopa, ngunu kiilo Pinii mi payapacho hiila assañnii linkiñdo;

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

ROM MIKA POL KA SIITI KENIIÑ 13:6

Hiipa nunu tiirḛ biijokajo bido, niimpalukoda otority atañ Pinii mika ihomiiho niike, siika drih miigo siimi miidupa.

ROM MIKA POL KA SIITI KENIIÑ 12:13

Bibo tolya piniimiyu atañka anna ho, nyibo ahnii atañmi helakala tolya.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

MIINIIÑ 13:12

Ho govonor henjetii, niihna lyitiinii hiimi kapa lala, niimpalukoda mo hemurtii Attoh kiimi ka tonsḛr niimi.

MIINIIÑ 4:36

Ho Josep humina myagiñla kiiniñkonii atañ Barnabas la myantii nii (hiika luniiñhii, Harolupaniika oho), Lebait hokii, Saiprus hoka dunii,

MIINIIÑ 11:23

Mo ahbiila ho Pinii ka aroh mi kappatii, mo hempyotii; ho mo harolupatii hikha miilañrumi lotiipa dutolya Attoh pa rantipa miigolugopa;

1 TIMOTI 6:18

Mohlu aya mi miikiñdo, aya miigo ho mingo dopa, billakellaho ho kobya ho,