ROM MIKA POL KA SIITI KENIIÑ 12:6 - NITI GONTU N.T. (BSI)

⁶ Ponsa ponsa ahmiñayiñ giido aroh-aya laka ngunu mika biniiñ, hiimi ngunu miita nansa: nyibuheniipa matiirḛ bitii koda, ngunuka henje giinii kane lo hensa;

ROM MIKA POL KA SIITI KENIIÑ 12:6 ပူးပေါင်းရင်းမြစ်များ

1 KORINTIA 7:7

Ngo hendo nunu miilañru ngo chuli dado koda hiila. Hojalo kone abiko atoh atohpa ahmiñayiñ bingu tola do Pinii kokii, kone mi pongelya ho kone mi akoya.

ROM MIKA POL KA SIITI KENIIÑ 12:3

Niimpalukoda ngiimika aroh-aya biniiñ lo ngo nunuka punkoho kone abimi lubii lyike niimkane no henkiñdo hiimi uroyapa attohmi kaye pa hensu lyayo, hojalo hendiko jaho ayakacho mi katolya, kone abi niimkane Pinii mohmi henje bitii.

ROM MIKA POL KA SIITI KENIIÑ 1:11

Niimpalukoda ngo hempḛr nunumi kapa nanto, ngo nunuko yajiyallo ka ahmiñayiñ tonge mi lulii dupa nunu mika alḛr giinii pa,

1 KORINTIA 13:2

Ho ngo matiirḛ nyibu hela naniiñ tamo giido jalo, ho hikha mi-chima niimika chiniiñ la hikha chila naniiñ giido jalo, ho ngiiko matiirḛ hikha henje giido jalo, putoo mika jopa naniiñpa, hojalo hensu giima koda, Ngo hangma.

IPISIA 4:11

Ho mohka ahmiñayiñ hii tonge mi kiiniñkonii pa, tonge mi nyibuhenii pa, tonge mi puyubakonii pa, tonge mi pastor pa ho tonsḛrbo atañpa,

1 KORINTIA 14:1

Hensu niimi miichitalyi hiila nunu hento, ho uropa anna la hento yajiyallo ka ahmiñayiñ mi, luchila lusupakoda nunu nyibuhela dopa.

2 KORINTIA 8:12

Niimpalukoda henjuniiñ hii ho dokoda, hiika hiimi talii kendoke miyu ko niihna donii, mohko niihna nyimanii hiila mapa.

1 TESOLONIA 5:20

nyibuheniiñ mi khiipayo,

1 KORINTIA 14:29

Anye malo hinge nyibuhenii mi luke nento, ho khiibe nunu taka to nii ludo hiila.

MIINIIÑ 15:32

Ho Judas la Silas nyi, mo anye nyibuhenii siitrḛ, anubarmii atañmi haro lupatii abuje aguñlo ho mohlumi alḛr lupatii.

MIINIIÑ 2:17

Ho kami allo ho hiila lyikiñ doke, Pinii ludo, ngo ngiika Yajiyallo mi hikha miyu atañmi bichi, ho nunuka oho atañ la nunuka wiinga atañ nyibu henkiñ doke, ho nunuka yapa atañ mihu kakiñ doke, ho nunuka amiabañ atañ emma makiñ doke;

PILIPIA 3:15

Kiije ngunu hutiina hengḛr nyadonii siika henju siimi giisa; ho hang drih matiirḛ nunu yoheyapa henju giido koda, Pinii hiimi tiirḛ nunumi kakiñ kendoke.

IPISIA 3:5

nii mina chinke nematiinii miyu ka oho atañmi khiibe santuñ ho hiimi siisi kakiñtiiku mohka darii kiiniñkonii atañ la nyibuhenii atañmi Yajiyallo lo;

MIINIIÑ 13:1

Siisi Antiok gyoliñkonii ho hiiko nyibuhenii atañ la tonsḛrbo atañ dutii, Barnabas, Simeon humina Niger gyotiinii, Sairene daka Lucius, Manaen Herod ka hakhupiilyeako ka lengo hoka dunii ako, ho Sol.

LUK KA AYAPUYU 11:49

Hopa Pinii ka Chiniiñ tiirḛ lutii, ‘Ngo mohlumi nyibuhenii la kiiniñkonii atañmi kiiniñ bichi, hiiko hokii tange mi mohlu menkiñdo ho miihimiire kendo,’

METHU 23:34

Hopa Ngo nunumi nyibuhenii ho chilamiyu ho pagenii atañmi kiiniñ bito, nunu tange mi menkiñdo ho leda kendo, ho tangemi nunu sinagog ho higya pakiñdo ho miihimiire kendo ganda siiko kone abi,

1 KORINTIA 14:24

Hojalo matiirḛ hikha nyibuhendo koda, ho henjemanii malo ago miyu ahdo koda, mo miilañ rulo halii kokiñdo, mo miilañ rulo taka kokiñdo,

MIINIIÑ 21:9

Ho mohkii piilye milo imaraniiñ wiinga dune, hii mihukahii.

1 KORINTIA 3:5

Apollos nii hokoda? Pol Nii? Miirasii, mohlukiilo nunu henje nyatii, niihtañpa Attoh kone abimi bitola do.

1 KORINTIA 12:18

Hojalo siikasi hiila sii, Pinii hakhu atañmi apo ho giidopa miitii, kone abimi, mohka henko jaho.

2 PITAR 1:20

Kappyo japa nunu siika siimi chinto, nyibuheniiñ ka piniipota mi konetiirḛ atohpa luko siidu hiila lula kema,

METHU 25:22

Ho hiika talents penye biinii botrḛ aruñ ahhitii, lubiidola, Atoh, no ngiimi talents penye bihii; si ngo talents penye abuyapa miitii.