ROM MIKA POL KA SIITI KENIIÑ 12:19 - NITI GONTU N.T. (BSI)

¹⁹ Heniiñatañ, pema attohpa miili lyayo, hojalo hiimi apabitolya Pinii ka hadii ho; niimpalukoda hiila ketola do, “miilisanii hii ngiikii ke, ngo miili talyike, Attoh ludo.”

ROM MIKA POL KA SIITI KENIIÑ 12:19 ပူးပေါင်းရင်းမြစ်များ

HIBRU 10:30

Niimpalukoda ngunu mohmi chindo huna lutiinii, “Miili sanii ngiika miigoke, ngo bili talyike.” Ho hiira, “Attoh mohka miyu atañmi halii kendoke.”

ROM MIKA POL KA SIITI KENIIÑ 12:17

Kone mitrḛ diimmah miiniiñmi diimmah miili yayo, hojalo niihna hikha koneabi ka kata ho ayado hendo nii hiimi miitolya.

1 TESOLONIA 4:6

miyu kone hetrḛ taleyo, ho atohka anuabañ mi siika piigo so miigya yo, niimpalukoda Attoh siika drih atañ so miili duke, ngunuka kapyo hoka nunumika jijeloda luluñnii hiilyañ.

ROM MIKA POL KA SIITI KENIIÑ 12:14

Lyanto lya niimi ka miihimiire bomi; lyanto ho pema belya yo mohlumi.

METHU 5:39

Hojalopa Ngo nunumi ludu, iche hetrḛ miitḛr siilyayo huna miichi miiho donii. Hojalo nunumi matiirḛ lahbi dalyi moru ho mi pita lyimilo, mohmi pache dalyi miilañmi mohii bitolya;

ROM MIKA POL KA SIITI KENIIÑ 13:4

niimpalukoda mo Pinii ka miira ke nunuka aya kiipa. Hojalo nunu matiirḛ ayamapa miido koda, biiso nyato, niimpalukoda mo ilyo mi danyo pa bagii make; mo Pinii ka miirake mohka hadii mi tiilii dupa huna ayamapa miidonii.

IPISIA 4:27

ho igii mi myodu myolo bilya yo.

2 TIMOTI 4:14

Alejandar muryañ puniibo ngiimi ano heru dopa miibiine; Attoh bili kendoke mo ka siika miiniiñ atañ kiipa.