ROM MIKA POL KA SIITI KENIIÑ 12:12 - NITI GONTU N.T. (BSI)

¹² Nunuka hentiñ naniiñ ho hempyo tolya, hentḛrkanyi ahlyiho yanu tolya, kuniiñ mi kukañla dutolya.

ROM MIKA POL KA SIITI KENIIÑ 12:12 ပူးပေါင်းရင်းမြစ်များ

ROM MIKA POL KA SIITI KENIIÑ 15:13

Hentiñ ka Pinii nunu miilañ rumi poteje bikiñ cho hikha hempyo ho chimie henje ho, niimpalukoda Darii Yajiyallo ka harchichike lo nunuko hentiñ naniiñ poteje doke nendupa.

HIBRU 10:36

Niimpalukoda nunu pigii niimi anna doke, niimpalukoda nunu Pinii ka henko jaho miidupa ho lariidupa hemme biniiñmi.

1 PITAR 4:13

Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

JEMS 5:7

Ahhakeyiñ nyato, hopa, anubarmii atañ, Attoh ka amiñ dayemi. Kato, aji miinii atañ kalya nyadu khiiniiñ ahee kiiddiapiñ hoka hiliñ niimi, ahhakeyiñ la kalya biilyadu nii dahepa nyibya ho kami paka miido huniiñ hii hutema.

HIBRU 6:15

Ho hiila Abraham, yanupa kalyala dutii, hemme biniiñ mi kappatii.

HIBRU 6:12

niimpalukoda nunu mi bayyo bayyo dama dopa, hojalo katiñ nanto lya huna henje la pigiinii lo hemme niimi penko tiinii.

PILIPIA 4:4

Kiirañ Attoh ko hempyo to; hiira ngo luchi, Hempyoto.

HIBRU 12:1

Hopa, ngunumi hiimkane kahe jomii dagur kobiidola hakipa, kiije ngunu tiirḛ apalyasa kapane drihmi, ho ingyamiigya niihna hempḛr ageh giitola giidonii, ho kiije ngunu harkañ ari hasa pigii biidola nii mina ngunupa miitola atii bitiinii,

KOLOSIA 4:2

Kukañ ari yanupa kuniiñ mi kuto, hendi biidola hiimi payapacho hiibiidola;

2 TESOLONIA 3:5

Attoh nunuka ahha mi Pinii mi hendopa kakiñ nedo ho Kristo ka ranttiniimi.

1 TESOLONIA 5:8

Hojalo, ngunu allo kiike, kiije ngunu hendi nyasa, ho giito henje ka habyañsiitiñ la hensu niimi, ho dachañ byopa pa sangopyako ka hentiñ naniiñmi giito.

MIINIIÑ 1:14

Hikha siika atañ tongepa miilañru kuniiñ ho hengatii, annii akha atañ agiñho ho Jisu ka annii Mary agiñho, ho mohka anubarmii agiñho.

1 TIMOTI 6:11

Hojalo niipa koda, Pinii mika heriinii miyu, hikha siika atañ siimi apatolya; denki miigomi miichi hentolya, piniisanju, henje, hensunii, ranttiniiñ, ahhakeyiñ mi.

HIBRU 10:32

Hojalo hempa nyato bilo allo atañmi niido hona, nunu byohu koku lala, nunu hempḛr uro herumyanka pitii,

KOLOSIA 4:12

Ipapras, hiikahii nunuka punko hokii kone, miira kone Kristo Jisu kii, nunumi ayahelyi, kiirañ nunumi mohka kuniiñ ho hempadu, niimpalukoda nunumi hengḛrla dake nendupa hiila ho hikha Pinii ka henko jaho taliila miidopa.

KOLOSIA 1:11

Nunumi hikha harchichike ka alḛr naniiñmi bikiñcho, mohka tatukatu harchichikelo, hikha pigiinaniiñlo ho yanu hempyo ka agiñho,

HIBRU 5:7

Mohka kiiddiapiñ soka darañho, Jisu kubitii ho arohtapa pa kutii, hempḛr goropa mila lila khebiidola, hiimi huna mohmi shiiniiñ hokii lyangur lakiñ donii, ho mohkiimi tagetii mohka piniihenju biiso giiko hopa.

MIHUKAKIÑNIIÑ 13:10

Hu kone jalo matiirḛ nyima lako kendo, nyima lako kendoke mo; mi kone matiirḛ ilyo lo pakhii kokiñ dokoda, ilyo lo mo pakhii kokiñdo loda. Siika sike gyoniiñ pigiidopa ho piniimiyu atañka henje.

2 PITAR 1:6

ho chiniiñ ka agiñho hendimiidi, ho hendimiidi ka agiñho rantinii, ho ranttiniika agiñho piniisanju mi,

HIBRU 3:6

hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

2 TESOLONIA 1:4

Hopa ngunu atohpa khansudu Pinii ka gyoliñkonii atañ ho niimpalukoda nunuka ranttiniiñ giiko hopa ho henjemi hikha nunumika miihimiire hotiirḛ ho pamyotakho mika nunuka pigii niimi.

1 KORINTIA 13:13

Hopa henje, hentiñ, hensu dokiñdo, siika hinge hokii; hojalo siika sokii kahe jahii hensu ke.

ROM MIKA POL KA SIITI KENIIÑ 15:4

Niimpalukoda bilo allo hoka keniiñ hii ngunu mika tonsḛr naniiñ pake ketiinii, hiilo ranttiniiñ ho piniipota loka haro lupa niilo ngunu ko hentiñ naniiñ doke nendupa.

LUK KA AYAPUYU 21:19

Nunuka pigii niilo nunu nunuka sango mi kappa kendo.

LUK KA AYAPUYU 8:15

Ho hiika aya kiiddi hoka chohinii atañ pakoda, hiika atañke, aguñmi tala lala, hiimi aya lodapa ho ahha aya ho tage giidu, ho pigii biidola ahee hiliñ giidu.

1 PITAR 4:7

Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

TAITAS 2:13

ngunuka lyaniiñ hentiñ mi kalyala, ngunuka tatukatu kahe Pinii ho Lyangur bo Jisu Kristo ka ahsa niimi,

KOLOSIA 1:27

Mohlumi Pinii kahetii chinke nendupa Midomiyu atañka punkoho niimkane kahe na siika mingo tatukatu michimaniisi, niihna Kristo nunuko donii, hentiñ naniiñ ka tatukatu.

ROM MIKA POL KA SIITI KENIIÑ 8:25

Hojalo ngunu matiirḛ hentiñ dokoda nii mina ngunu kapa manii, ngunu pigiibiidola hiimi kalya du.

TAITAS 3:7

niimpalukoda ngunumi lupya dukupa hiila mohka aroh-aya lo ho pensikoniiñ pa lyidoku santḛrlamanii sango ka hentiñ ho.

2 TIMOTI 3:10

Siisi no ngiika tonsḛr niimi kabiilyi, ngiika miijuluju mi, ngiika sango hoka miichi heniiñmi, ngiika henje mi, ngiika pigiiniimi, ngiika heniiñmi, ngiika ranttiniimi,

1 TESOLONIA 1:3

hempadu ngunuka Pinii la Aba nyika hataho nunuka henje ka miigo miiniiñmi ho hensu laka miiniiñmi ho ranttiniiñ hentiñ giiniimi ngunuka Attoh Jisu Kristo ko.

PILIPIA 3:1

Kamijapa, ngiika anubarmii atañ, Attoh ko hempyoto. Ngiipa hang hadii kapama keniiñ akomi hiira nunu paka ketila lyiniiñsi, ho hii nunuka aya kiipake.

2 KORINTIA 12:8

Rohiñhe ngo siika piigo sipa Attoh mi kuto, siika siimi ngiimi apa dokupa;

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

MIINIIÑ 12:5

Hopa Pitar mi patiihude ho atiitii; hojalo uropa kuniiñ mi kubila mohpa Pinii kokii miitii gyoliñkonii atañ.

MIINIIÑ 6:4

Hojalo ngunu attohmi kuniiñ sola ho piniipota lugo soya hengasa.”

MIINIIÑ 2:42

Ho mohlu miilañru kiiniñkonii atañka tonsḛr niimi ho dukuñsiinii siiniiñmi, yatañ petu niimi ho kuniiñ mi henga la miitii.

LUK KA AYAPUYU 10:20

Hojalo hempyo nyayo siika sipa, yajiyallo atañ nunuka luniiñ tado hiila; hojalo hempyo nyato nunuka armyañ hii dariiganda ho ketiiku hiila.”

METHU 5:12

Soto ho hempyo to, niimpalukoda niika ahmiñayiñ hii kayeke dariiganda ho, niimpalukoda si chulipa miyuatañ nunumika kapyo yapaka nyibuhenii atañ mitrḛ miihimiiretii.